India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 17, 2024
5 రోజుల్లో వస్తానని చెప్పా.. 3 నెలలు పట్టింది: పాండ్య
చీలమండపై గాయం కారణంగా వరల్డ్ కప్-2023 నుంచి వైదొలగడంపై టీమ్ఇండియా ప్లేయర్ హార్దిక్ పాండ్య కీలక వ్యాఖ్యలు చేశారు. ‘నేను 5 రోజుల తర్వాత తిరిగి వస్తానని మేనేజ్‌మెంట్‌కి చెప్పాను. కానీ చీలిమండపై 3 చోట్ల ఇంజెక్షన్స్ ఇచ్చారు. అక్కడ రక్తం కూడా తీశారు. నేను నడవలేని పరిస్థితిలో ఉన్నప్పటికీ మ్యాచ్ ఆడేందుకు పది రోజుల పాటు పెయిన్ కిల్లర్స్ తీసుకున్నా. పూర్తిగా కోలుకునేందుకు 3 నెలలు పట్టింది’ అని తెలిపారు.
News March 17, 2024
BRSను వీడిన ఐదుగురు సిట్టింగ్ ఎంపీలు
TG: బీఆర్ఎస్ తరఫున 2019 లోక్‌సభ ఎన్నికల్లో గెలిచిన ఐదుగురు ఎంపీలు ఆ పార్టీని వీడారు. తాజాగా చేవెళ్ల ఎంపీ రంజిత్ రెడ్డి కూడా బీఆర్ఎస్ సభ్యత్వానికి రాజీనామా చేశారు. ఆయన కంటే ముందు.. జహీరాబాద్, నాగర్‌కర్నూలు ఎంపీలు బీబీ పాటిల్, రాములు బీజేపీలో, పెద్దపల్లి, వరంగల్ ఎంపీలు వెంకటేశ్ నేత, పసునూరి దయాకర్ కాంగ్రెస్‌లో చేరారు. దీంతో బీఆర్ఎస్‌కు ప్రస్తుతం నలుగురు ఎంపీలే ఉన్నారు.
News March 17, 2024
‘కార్తికేయ-3’పై అప్డేట్ ఇచ్చిన నిఖిల్
సస్పెన్స్ థ్రిల్లర్‌కి మైథాలజీ కాన్సెప్ట్ జత చేసి ఆసక్తికరంగా తెరకెక్కిన చిత్రం కార్తికేయ. బాక్సాఫీస్ ముందు ఈ సినిమా మంచి విజయం అందుకోవడంతో సీక్వెల్‌గా వచ్చిన కార్తికేయ-2 కూడా పాన్ ఇండియా స్థాయిలో సక్సెస్ సాధించింది. త్వరలో కార్తికేయ-3 కూడా రాబోతోందని తాజాగా హీరో నిఖిల్ పోస్ట్ పెట్టారు. ‘డాక్టర్ కార్తికేయ కొత్త అడ్వెంచర్‌ని వెతుకుతున్నాడు’ అని ఆయన చేసిన ట్వీట్ వైరల్‌గా మారింది.
News March 17, 2024
ఓపెన్ స్కూల్ పరీక్షలు.. ఈనెల 23 వరకు ఛాన్స్
TG: ఓపెన్ టెన్త్, ఇంటర్ పబ్లిక్ పరీక్షలకు తత్కాల్ స్కీమ్ కింద ఫీజులు చెల్లించేందుకు అవకాశం కల్పించినట్లు అధికారులు తెలిపారు. టెన్త్ పరీక్షలకు రూ.500, ఇంటర్‌కు రూ.1000 చొప్పున ఆలస్య రుసుముతో ఈనెల 18 నుంచి 21 వరకు చెల్లించవచ్చని పేర్కొన్నారు. డీఈవోల వద్ద ఈనెల 22 వరకు, ప్రధాన కార్యాలయంలో ఈనెల 23 వరకు చెల్లించవచ్చని సూచించారు.
News March 17, 2024
కాంగ్రెస్‌లో చేరిన BRS ఎంపీ, ఎమ్మెల్యే
TG: BRS పార్టీకి వరుస షాక్‌లు తగులుతున్నాయి. చేవెళ్ల ఎంపీ రంజిత్‌రెడ్డి, ఖైరతాబాద్ ఎమ్మెల్యే దానం నాగేందర్ కాంగ్రెస్ పార్టీలో చేరారు. సీఎం రేవంత్ రెడ్డి, ఏఐసీసీ తెలంగాణ ఇన్‌ఛార్జి దీపాదాస్ మున్షీ సమక్షంలో కాంగ్రెస్ తీర్థం పుచ్చుకున్నారు. ఇదిలా ఉంటే ఈరోజు ఉదయమే కాంగ్రెస్ పార్టీలోకి గేట్లు తెరిచామని సీఎం రేవంత్‌రెడ్డి విలేకరుల సమావేశంలో కాసేపటి క్రితం అన్నారు.
News March 17, 2024
వాళ్లను రాళ్లతో కొట్టించమంటారా?: CM రేవంత్
TG: గత పాలకులు చేసిన తప్పులకు ఎలాంటి శిక్షలుంటాయని ఎదురైన ప్రశ్నకు సీఎం రేవంత్ స్పందించారు. ‘ఓటమే వారికి పెద్ద శిక్ష. ఆ దెబ్బకు కిందపడి విరగడం కూడా మీరు చూశారు. అంతకంటే పెద్దశిక్ష ఏం ఉంటుంది. ఇంకా బలమైన శిక్షలేమైనా ఉంటే మీరే(రిపోర్టర్) సూచించాలి. అమరవీరుల స్తూపం వద్ద రాళ్లతో కొట్టించమంటారా?. మీ సూచనను ప్రభుత్వం పరిశీలిస్తుంది(నవ్వుతూ)’ అని రేవంత్ అన్నారు.
News March 17, 2024
చేవెళ్ల కాంగ్రెస్ ఎంపీ అభ్యర్థిగా రంజిత్ రెడ్డి?
TG: బీఆర్ఎస్‌కు రాజీనామా చేసిన ఎంపీ రంజిత్‌రెడ్డి ఇవాళ సాయంత్రం కాంగ్రెస్‌లో చేరనున్నట్లు సమాచారం. ఆయనకు హస్తం పార్టీ చేవెళ్ల లోక్ సభ సీటును కేటాయించనున్నట్లు తెలుస్తోంది. తొలుత పట్నం సునీతారెడ్డికి ఈ సీటును ఇవ్వనున్నట్లు ప్రచారం జరిగింది. ఇప్పుడు రంజిత్‌రెడ్డి చేరికతో ఆమెను మల్కాజ్‌గిరి నుంచి పోటీ చేయాలని పార్టీ అధిష్ఠానం సూచించిందట.
News March 17, 2024
RS ప్రవీణ్‌కుమార్‌కు మంచి ఆఫర్ ఇచ్చా: సీఎం రేవంత్
TG: RS ప్రవీణ్ కుమార్ BRSలో చేరనున్నారనే వార్తలపై CM రేవంత్ రెడ్డి స్పందించారు. ‘ప్రవీణ్ BRSలో చేరతారని అనుకోను. ఆయన పట్ల నాకు గౌరవం ఉంది. సర్వీసులో ఉంటే DGP అయ్యేవారు. మొన్న కూడా నేను ఆయనకు TSPSC ఛైర్మన్ ఆఫర్ ఇచ్చా. కానీ ఆయన దాన్ని తిరస్కరించారు. సమాజానికి ఇంకా ఏదో చేయాలన్న తపనతో ఉన్నారు. ఇప్పుడు KCRతో చేరితే దానిపై ఆయనే ప్రజలకు సమాధానం చెప్పాలి’ అని అన్నారు.
News March 17, 2024
వారికి రైతు భరోసా ఇవ్వడం కుదరదు: CM
TG: రైతు భరోసా విషయంలో రైతులు ఆందోళన చెందాల్సిన అవసరం లేదని సీఎం రేవంత్‌రెడ్డి అన్నారు. ‘5 ఎకరాలలోపు ఉన్న దాదాపు 62 లక్షల మంది రైతులకు రైతుబంధు డబ్బు అందించాం. భవిష్యత్తులో రైతు భరోసా పథకం గుట్టలు, చెట్లు, లేఅవుట్లకు ఇవ్వడం కుదరదు. వ్యవసాయ భూమి ఉన్న వారెవరైనా ప్రభుత్వానికి దరఖాస్తు చేసుకోవచ్చు’ అని రేవంత్ స్పష్టం చేశారు.
News March 17, 2024
ఏపీలో TDP కూటమికి ఒక్క సీటూ రాదు: విజయసాయి
AP: ఎంపీ ఎన్నికల్లో TDP-జనసేన-BJP కూటమికి ఒక్క సీటూ రాదని YCP MP విజయసాయిరెడ్డి అన్నారు. ‘TDP ఎంపీ సీట్లు గెలుస్తుందని BJP కూడా నమ్మడం లేదు. కమలం పార్టీ సొంతంగా 370 సీట్లు గెలవాలని టార్గెట్ పెట్టుకుంది. NDA టార్గెట్ 400గా ఉంది. అంటే NDAలోని శివసేన, TDP, జనసేన, NCP, JDU, RLD, LJP కలిసి 30 సీట్లు మాత్రమే గెలుస్తాయని అంచనా. కాబట్టి ఏపీలో TDP కూటమికి జీరో సీట్లు వస్తాయి’ అని ట్వీట్ చేశారు.
Featured News
Sorry, no posts matched your criteria.