India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 10, 2025
‘వక్ఫ్ బిల్లు’ పిటిషన్లపై 16న సుప్రీంలో విచారణ
వక్ఫ్ సవరణ బిల్లుపై ఈ నెల 16న సుప్రీం కోర్టు విచారణ చేపట్టనుంది. సీజేఐ జస్టిస్ సంజీవ్ కన్నా నేతృత్వంలోని బెంచ్ వక్ఫ్ సవరణ బిల్లుపై దాఖలైన పిటిషన్‌లను విచారించనుంది. ఇటీవలే ఈ బిల్లుకు రాష్ట్రపతి ఆమోదం లభించింది. అయితే ఈ సవరణ చట్టానికి వ్యతిరేకంగా సుప్రీం కోర్టులో పలు పిటిషన్‌లు దాఖలయ్యాయి.
News April 10, 2025
IPL: గుజరాత్ ఘన విజయం
అహ్మదాబాద్‌లో జరుగుతున్న GTvsRR మ్యాచ్‌లో గుజరాత్ ఘన విజయం సాధించింది. 218 పరుగుల లక్ష్యంతో బరిలోకి దిగిన రాజస్థాన్ 159 పరుగులకే ఆలౌటైంది. శాంసన్-41(28బంతుల్లో), హెట్మెయిర్-52(32 బంతుల్లో) తప్ప బ్యాటర్లెవరూ ప్రతిఘటించలేదు. GT బౌలర్లలో ప్రసిద్ధ్ 3, రషీద్, సాయి కిశోర్ చెరో 2, సిరాజ్, అర్షద్, కుల్వంత్, తలో వికెట్ తీశారు.
News April 10, 2025
ENGకు ఆడటం కంటే ఏదీ ఎక్కువ కాదు: బ్రూక్
ఇంగ్లండ్ వైట్ బాల్ కెప్టెన్‌గా ఎంపికైన హ్యారీ బ్రూక్ IPL వంటి ఫ్రాంచైజీ టోర్నీల్లో పాల్గొనకపోవడంపై స్పష్టతనిచ్చారు. ‘ENGకు ఆడటానికే నేను ప్రాధాన్యతనిస్తా. దీని కంటే ఏదీ ఎక్కువ కాదు. వేరే టోర్నీల్లో వచ్చే డబ్బును కోల్పోయినా ఫర్వాలేదు. దేశానికి ఆడటాన్నే నేను ఎక్కువగా ఎంజాయ్ చేస్తా’ అని తాజాగా ఓ ఇంటర్వ్యూలో వెల్లడించారు. ఈ IPL సీజన్‌లో బ్రూక్ DCకి ఆడాల్సి ఉండగా టోర్నీకి ముందు తప్పుకొన్నారు.
News April 10, 2025
90 రోజుల పాటు టారిఫ్స్ నిలిపివేత.. చైనాపై మాత్రం 125%కి పెంపు
అమెరికా అధ్యక్షుడు డొనాల్డ్ ట్రంప్ మరో సంచలన నిర్ణయం తీసుకున్నారు. చైనా తప్ప మిగతా 70 దేశాలపై విధించిన ప్రతీకార సుంకాలను 90 రోజుల పాటు తాత్కాలికంగా నిలిపివేస్తున్నట్లు ప్రకటించారు. అదే సమయంలో చైనాపై టారిఫ్‌ను 125%కి పెంచుతున్నట్లు తెలిపారు. చైనా ప్రపంచ మార్కెట్లను అగౌరవపరిచిందని, అందుకే ఈ నిర్ణయం తీసుకున్నట్టు చెప్పారు. కాగా, అమెరికా వస్తువులపై చైనా 84% టారిఫ్ విధించిన సంగతి తెలిసిందే.
News April 10, 2025
మీ ఇంట్లో ఏసీ, కూలర్ లేదా? ఇలా చేయండి!
సమ్మర్‌లో ఇల్లంతా వేడిగా ఉంటుంది. కొన్ని చిట్కాలు పాటిస్తే ఇంటిని కూల్‌గా ఉంచుకోవచ్చు. ఇంట్లోకి గాలి, వెలుతురు వచ్చేలా చూడాలి. వంట ఉదయం, సాయంత్రం చేసుకోవాలి. ఎలక్ట్రానిక్ వస్తువులు తక్కువగా వాడాలి. టబ్‌లో నీళ్లు పోసి, ఐస్ ముక్కలు వేసి, ఇంటి మధ్యలో పెడితే చల్లగా ఉంటుంది. ఇంటి చుట్టూ మొక్కలు, టెర్రస్‌పై కూల్ పెయింట్ వేసుకోవాలి. కిటికీలకు గడ్డితో చేసిన పరదాలు కడితే కూలర్లకంటే చల్లదనం వస్తుంది.
News April 10, 2025
జీబ్లీ స్టైల్ ఇమేజ్‌లు చేస్తున్నారా?
చాట్‌జీపీటీ జీబ్లీ స్టైల్ ఇమేజ్‌లపై పలు రాష్ట్ర ప్రభుత్వాలు ప్రజలకు హెచ్చరికలు జారీ చేశాయి. చాలా సైట్లు జీబ్లీ ఆర్ట్ డౌన్‌లోడ్ సదుపాయాన్ని కల్పిస్తున్నాయని, దీనివల్ల యూజర్ల డేటా హ్యాకర్ల చేతుల్లోకి వెళ్లిపోతుందని హెచ్చరించాయి. యూజర్ల లోకేషన్, గ్యాలరీ, మెసేజులు, ఫింగర్ ప్రింట్స్ సైతం దొంగిలించి మోసం చేస్తాయని వార్నింగ్ ఇచ్చాయి. వెరిఫైడ్ యాప్స్ మాత్రమే డౌన్‌లోడ్ చేసుకోవాలని సూచించాయి.
News April 10, 2025
రియాన్ పరాగ్ ఔటా? నాటౌటా?
GTతో మ్యాచులో RR బ్యాటర్ పరాగ్ దురదృష్టకర రీతిలో ఔటయ్యారు. ఖేజ్రోలియా వేసిన బంతిని పరాగ్ ఆడేందుకు ప్రయత్నించగా బాల్ వెళ్లి కీపర్ చేతిలో పడింది. అంపైర్ ఔట్ ఇవ్వగా, పరాగ్ రివ్యూ తీసుకున్నారు. బ్యాట్ నేలను తాకిన సమయంలోనే బ్యాటుకు బాల్ క్లోజ్‌గా కనిపించింది. స్పైక్ రావడంతో థర్డ్ అంపైర్ ఔటిచ్చారు. అయితే ఇది నాటౌట్ అని, స్పైక్ వచ్చినప్పుడు బాల్ నీడ బ్యాటుపై కనిపిస్తోందని RR ఫ్యాన్స్ అంటున్నారు.
News April 9, 2025
ఫేస్బుక్, మెసెంజర్‌లోనూ టీన్ అకౌంట్స్!
టీనేజర్ల భద్రత కోసం Instagramలో టీన్ అకౌంట్స్ ఫీచర్‌ను తీసుకొచ్చిన Meta, ఇప్పుడు దీనిని ఫేస్బుక్, మెసెంజర్‌కూ విస్తరించనుంది. తొలుత ఇది USA, UK, ఆస్ట్రేలియా, కెనడాలో అందుబాటులోకి రానున్నట్లు తెలుస్తోంది. ఈ ఫీచర్ వల్ల 13-18 ఏళ్ల వయసున్న వారి ఖాతాలు తల్లిదండ్రుల నియంత్రణలో ఉంటాయి. తాజాగా టీన్ ఖాతాలకు ఇన్‌స్టా లైవ్ వీడియోస్ చూడటం/చేయడాన్ని నిషేధించింది. అలాగే న్యూడ్ కంటెంట్‌ను ఫిల్టర్ చేస్తోంది.
News April 9, 2025
ప్రపంచంలో అత్యంత విలువైన ఎయిర్‌లైన్ కంపెనీగా ‘ఇండిగో’
ఇండియాలో అతిపెద్ద ఎయిర్‌లైన్స్ అయిన ‘ఇండిగో’ అరుదైన ఘనత సాధించింది. మార్కెట్ క్యాపిటల్ ప్రకారం ప్రపంచంలో అత్యంత విలువైన ఎయిర్‌లైన్ కంపెనీగా అవతరించింది. ఈ క్రమంలో అమెరికాకు చెందిన డెల్టా ఎయిర్‌లైన్స్‌ను ఇండిగో అధిగమించింది. ఇండిగో షేర్ ప్రైస్ ఇవాళ రూ.5,265కు చేరడంతో మార్కెట్ క్యాపిటల్ 23.24 బిలియన్ డాలర్లకు ఎగబాకింది. కాసేపటికి 23.16 బి.డా.కు తగ్గడంతో డెల్టా మళ్లీ టాప్ ప్లేసుకు వెళ్లింది.
News April 9, 2025
HSRP నంబర్ ప్లేట్లు అంటే..
*అల్యూమినియం, రెట్రో రిఫ్లెక్టివ్ షీట్లు ఉపయోగించి నాన్-టాంపరబుల్ డిజైన్‌లో రూపొందిస్తారు. ఎక్కువ రోజులు నాణ్యంగా ఉంటాయి.
*దొంగిలించినా ఈజీగా వాహనాలను ట్రాక్ చేయవచ్చు.
*రాత్రిపూట కాంతిని ప్రతిబింబిస్తాయి కాబట్టి రోడ్డు భద్రతలో సహాయపడుతుంది.
*ఇందులోని రేడియో ఫ్రీక్వెన్సీ ఐడెంటిఫికేషన్ (RFID) చిప్‌లో వాహన సమాచారం స్టోర్ అవుతుంది. దీని ద్వారా నంబర్ ప్లేట్‌ను ఈజీగా స్కాన్ చేయవచ్చు.
Featured News
Sorry, no posts matched your criteria.