India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 8, 2025
సమ్మర్‌లో మీ ఫోన్ వేడెక్కుతోందా?
సమ్మర్‌లో ఎలక్ట్రానిక్ పరికరాలు వేగంగా వేడెక్కుతుంటాయి. వాటిలో మనం నిత్యం ఉపయోగించే మొబైల్ ఫోన్‌పై వేడిమి ప్రభావం ఎక్కువగా ఉంటుంది. ఫోన్‌పై సూర్యకాంతి నేరుగా పడకుండా చూసుకోవాలి. యాప్స్‌ను ఎక్కువగా వాడకుండా ఉండాలి. వేడెక్కినట్లు అనిపిస్తే వెంటనే ఫోన్ స్విచ్చాఫ్ చేసేయాలి. వేడెక్కినప్పుడు ఎట్టి పరిస్థితుల్లో ఫ్రీజర్‌లో ఉంచకూడదు. కారులో ఫోన్ పెట్టి వదిలేయకండి
News April 8, 2025
IPL: పోరాడి ఓడిన ముంబై
వాంఖడేలో ఆర్సీబీతో జరిగిన మ్యాచులో ముంబై పోరాడి ఓడింది. 222 పరుగుల లక్ష్యంతో బరిలోకి దిగిన ఆ జట్టు 9 వికెట్ల నష్టానికి 209 పరుగులకే పరిమితమైంది. తిలక్ వర్మ(29 బంతుల్లో 56), హార్దిక్ పాండ్య(15 బంతుల్లో 42) వీరోచిత పోరాటం వృథా అయింది. ఆర్సీబీ బౌలర్లలో కృనాల్ 4 వికెట్లు, దయాల్, హేజిల్‌వుడ్ చెరో 2, భువీ ఒక వికెట్ తీశారు.
News April 8, 2025
వేసవి రద్దీ దృష్ట్యా ప్రత్యేక రైళ్లు
తెలుగు రాష్ట్రాల ప్రయాణికులకు దక్షిణ మధ్య రైల్వే శుభవార్త తెలిపింది. వేసవిలో ప్రయాణికుల రద్దీ దృష్ట్యా రెండు రాష్ట్రాల మధ్య ప్రత్యేక రైళ్లను నడపనున్నట్లు ప్రకటించింది. చర్లపల్లి నుంచి తిరుపతికి శుక్ర, ఆదివారాల్లో రా.9.35కు ట్రైన్ బయలు దేరనుండగా.. శని, సోమ వారాల్లో సా.4.35కు తిరుపతి నుంచి చర్లపల్లికి రైలు వెళ్లనుంది. ఏప్రిల్, మే నెలల్లో మాత్రమే ఈ రైలు సేవలు అందుబాటులో ఉంటాయి.
News April 8, 2025
పడుకునే ముందు వీటిని తింటున్నారా?
రాత్రి పడుకునే ముందు కొన్ని ఆహార పదార్థాలు తింటే నిద్రకు ఆటంకం కలుగుతుంది. నిద్ర, ఆరోగ్యానికి హాని కలిగించే ఆహారం తీసుకోకూడదని నిపుణులు చెబుతున్నారు. వైట్ బ్రెడ్‌తో చేసే శాండ్ విచ్, పిజ్జా తింటే కడుపులో మంట పెరిగి నిద్రకు ఆటంకం కలుగుతుంది. బిర్యానీ, స్వీట్లు, బర్గర్స్, ఫ్రెంచ్ ఫ్రైస్, ద్రాక్ష, ఆరెంజ్, నిమ్మకాయలు తినకూడదు. కెఫిన్ ఉత్పత్తులకు దూరంగా ఉండటం మేలు. రాత్రి ఆహారం 7 గంటలలోపు తినడం ఉత్తమం.
News April 8, 2025
చైనాను హెచ్చరించిన ట్రంప్
చైనాకు ట్రంప్ హెచ్చరికలు జారీ చేశారు. తమపై విధించిన 34శాతం టారిఫ్‌ను వెనక్కి తీసుకోకపోతే డ్రాగన్ దేశంపై మరో 50శాతం సుంకం విధిస్తామని అల్టిమేటం జారీ చేశారు. రేపటికల్లా పన్నుల నిర్ణయాన్ని వెనక్కి తీసుకోవాలని కోరారు. లేకపోతే ఏప్రిల్ 9నుంచి చైనా దిగుమతులపై అదనపు పన్ను ఉంటుందన్నారు. ట్రంప్ డ్రాగన్ వస్తువులపై 34శాతం టారిఫ్‌‌లు వేయగా, బీజింగ్ సైతం అంతే మెుత్తంలో US దిగుమతులపై సుంకాలు విధించింది.
News April 8, 2025
ఫెయిలైన విద్యార్థులకు గుడ్ న్యూస్
TG: డిగ్రీలో ఫెయిలైన విద్యార్థులకు జేఎన్టీయూ శుభవార్త చెప్పింది. అన్ని కోర్సుల్లో ఫెయిలైన విద్యార్థుల కోసం వన్ టైమ్ ఛాన్స్ (స్పెషల్ సప్లిమెంటరీ) పరీక్షలు నిర్వహించనున్నట్లు తెలిపింది. ఈ ఏడాది మే, జూన్ నెలల్లో ఈ పరీక్షలు జరుగుతాయని వెల్లడించింది. www.jntuh.ac.in సైట్‌లో దరఖాస్తు చేసుకోవాలంది. విద్యార్థులు ఈ అవకాశాన్ని సద్వినియోగం చేసుకోవాలని కోరింది.
News April 7, 2025
బీజేపీ సంచలనం.. విరాళాల్లో టాప్
2023-24 ఆర్థిక సంవత్సరానికి సంబంధించి జాతీయ పార్టీలు పొందిన విరాళాలను ADR వెల్లడించింది. అన్ని పార్టీలకు రూ.2544.27 కోట్ల ఫండ్స్ రాగా, అందులో ఒక్క బీజేపీకే రూ.2,243 కోట్లు వచ్చాయి. మొత్తం విరాళాల్లో ఆ పార్టీకే 88శాతం వచ్చాయి. ఆ తర్వాత కాంగ్రెస్ పార్టీ రూ.281.48 కోట్ల విరాళం పొందింది. AAP, సీపీఎం, నేషనల్ పీపుల్స్ లాంటి పార్టీలకు తక్కువ విరాళాలు రాగా, తమకు విరాళాలు రాలేదని బీఎస్పీ ప్రకటించింది.
News April 7, 2025
మీరట్ మర్డర్ కేసులో మరో బిగ్ ట్విస్ట్
మీరట్ మర్డర్ కేసులో మరో ట్విస్ట్ చోటుచేసుకుంది. జైలులో ఉన్న ప్రధాన నిందితురాలు ముస్కాన్ రస్తోగి గర్భవతిగా నిర్ధారణ అయ్యింది. జైలులో ఆమెకు వైద్య పరీక్షలు నిర్వహించగా ప్రెగ్నెంట్ అని తేలింది. కాగా మర్చంట్ నేవీ ఆఫీసర్ సౌరభ్ రాజ్‌పుత్‌ను అతడి భార్య ముస్కాన్ ఆమె ప్రియుడు సాహిల్ శుక్లాతో కలిసి హత్య చేసిన విషయం తెలిసిందే. మృతదేహాన్ని ముక్కలు ముక్కలుగా నరికి డ్రమ్ములో పెట్టి సిమెంట్‌తో కప్పేశారు.
News April 7, 2025
ట్రెంట్ బౌల్ట్ చెత్త రికార్డు
RCBతో జరుగుతున్న మ్యాచ్‌లో MI బౌలర్ ట్రెంట్ బౌల్ట్ చెత్త రికార్డు నమోదు చేశారు. 4 ఓవర్లలో 57 రన్స్ ఇచ్చి 2 వికెట్లు తీసిన అతనికి IPLలో ఇదే మోస్ట్ ఎక్స్‌పెన్సివ్ స్పెల్. 2018లో CSK, 2020లో PBKS, 2022లో KKR, 2024లో DCపై 48 పరుగుల చొప్పున ఇచ్చారు.
News April 7, 2025
వడ్డీ రేట్లు తగ్గించిన HDFC
HDFCలో లోన్లు(హోమ్, పర్సనల్, వెహికల్) తీసుకున్న వారికి శుభవార్త. వడ్డీ రేట్లపై 10 బేసిక్ పాయింట్లను బ్యాంక్ తగ్గించింది. దీంతో ఒక్క రోజు నుంచి మూడేళ్ల వ్యవధిలోని లోన్లపై వడ్డీ 9.10 నుంచి 9.35 శాతం మధ్య ఉండనుంది. గతంలో ఈ రేట్లు 9.20-9.45 శాతంగా ఉండేవి. ఇవాళ్టి నుంచే కొత్త రేట్లు అమల్లోకి వచ్చాయి.
Featured News
Sorry, no posts matched your criteria.