News November 21, 2024
నమ్మండి.. ఈ పెయింటింగ్ రూ.వెయ్యి కోట్లు
న్యూయార్క్‌లోని క్రిస్టీస్ ఆక్షన్‌లో ఓ పెయింటింగ్ రికార్డు స్థాయి ధర పలికింది. ప్రముఖ కళాకారుడు రెనే మాగ్రిట్టే వేసిన పెయింటింగ్‌కు 121 మిలియన్ డాలర్లు(సుమారు రూ.1,021కోట్లు) పలికింది. ఇది వరల్డ్ రికార్డు. కాగా ‘ది ఎంపైర్ ఆఫ్ లైట్’ అనే పేరుతో ప్రదర్శనకు వచ్చిన ఈ పెయింటింగ్‌‌ను రాత్రి, పగలు ఒకేసారి కనిపించేలా గీశారు. గతంలోనూ రెనే వేసిన ఓ పెయింటింగ్ 79మిలియన్ డాలర్లు పలకడం గమనార్హం.
Similar News
News November 21, 2024
అదానీ, కాంగ్రెస్ ప్రభుత్వ ఒప్పందాలపై ప్రశ్న: జవాబు దాటేసిన రాహుల్
గౌతమ్ అదానీని అరెస్టు చేయాలని రాహుల్ గాంధీ డిమాండ్ చేశారు. NYC కోర్టులో ఆయనపై అభియోగాలు నమోదవ్వడంపై ప్రెస్‌మీట్లో మాట్లాడారు. ఆయా రాష్ట్రాల్లో గతంలో కాంగ్రెస్ ప్రభుత్వాలు అదానీతో చేసుకున్న ఒప్పందాలు, ప్రాజెక్టులను సమీక్షిస్తారా అన్న ప్రశ్నకు జవాబు దాటవేశారు. దీనిపై ఝార్ఖండ్‌లో వివరణ ఇచ్చానన్నారు. తాను క్రిమినాలిటీ, మోనోపలీపై మాట్లాడుతున్నానని, అదానీ, అంబానీ సహా ఎవరైనా రూల్స్ పాటించాలన్నారు.
News November 21, 2024
10వేల+ అప్లికేషన్స్ వచ్చాయి: జొమాటో CEO
జొమాటోలో చీఫ్ ఆఫ్ స్టాఫ్ పొజిషన్‌కు 10వేల కంటే ఎక్కువ <<14666126>>అప్లికేషన్స్<<>> వచ్చినట్లు సీఈవో దీపిందర్ గోయల్ తెలిపారు. ఇందులో రకరకాల వ్యక్తులున్నట్లు తెలిపారు. చాలా డబ్బున్నవారు, కాస్త డబ్బు ఉన్నవారు, తమ వద్ద చెల్లించేందుకు డబ్బులు లేవని చెప్పినవారు, నిజంగానే డబ్బుల్లేని వారు ఉన్నట్లు పేర్కొన్నారు. అప్లికేషన్‌కు సాయంత్రం 6 వరకే ఛాన్స్ ఉందన్నారు. కాగా ఈ పోస్టు కోసం రూ.20లక్షలు విరాళం ఇవ్వాలి.
News November 21, 2024
అదానీపై కేసు: కాంగ్రెస్‌పై BJP విమర్శలు
NYC కోర్టులో అదానీపై అభియోగాలు నమోదైన నేపథ్యంలో ‘మోదానీ స్కామ్’లపై JPC వేయాలన్న జైరామ్ రమేశ్, కాంగ్రెస్‌పై BJP విరుచుకుపడింది. నేర నిరూపణ జరిగేంతవరకు ఆరోపణలు ఎదుర్కొంటున్నవాళ్లు నిర్దోషులేనని మీరు షేర్‌చేసిన పత్రాల్లోనే రాసుండటం చూడలేదా అని అమిత్ మాలవీయ కౌంటర్ ఇచ్చారు. అందులో ఆరోపించిన రాష్ట్రాలన్నీ కాంగ్రెస్, ప్రతిపక్ష పాలిత రాష్ట్రాలేనన్నారు. ముందు మీరు తీసుకున్న లంచాలకు బదులివ్వాలన్నారు.