News August 22, 2024
సుప్రీంకోర్టు కోరినా.. నిరసన ఆపని బెంగాల్ వైద్యులు
సుప్రీం కోర్టు కోరినప్పటికీ బెంగాల్ వైద్యులు నిరసనలు ఆపడం లేదు. ఢిల్లీ ఎయిమ్స్లో ఆపేసినా పశ్చిమ బెంగాల్ జూనియర్ డాక్టర్ల సంఘం మాత్రం ఆందోళనలు కొనసాగిస్తోంది. దోషులను కఠినంగా శిక్షించాలని డిమాండ్ చేస్తోంది. విధుల్లో చేరిన వైద్యులపై ఎలాంటి చర్యలు తీసుకోరని ధర్మాసనం ఉదయం హామీ ఇచ్చింది. రోగులు ఇబ్బంది పడుతున్నారని తెలిపింది. ఒకవేళ సమ్మె ఆపకపోతే చట్టాన్ని అనుసరించాల్సి వస్తుందని పేర్కొంది.
Similar News
News September 13, 2024
టీమ్ఇండియా ప్రాక్టీస్.. జట్టుతో చేరిన కొత్త బౌలింగ్ కోచ్
బంగ్లాదేశ్తో ఈనెల 19 నుంచి చెన్నైలో జరిగే తొలి టెస్టు కోసం భారత జట్టు ప్రాక్టీస్ స్టార్ట్ చేసింది. కోచ్ గౌతమ్, కెప్టెన్ రోహిత్ శర్మ జట్టు సభ్యులతో మాట్లాడుతున్న ఫొటోలను బీసీసీఐ షేర్ చేసింది. కొత్త బౌలింగ్ కోచ్, సౌతాఫ్రికా మాజీ క్రికెటర్ మోర్నే మోర్కెల్ కూడా జట్టులో చేరి ప్రాక్టీస్ సెషన్లో పాల్గొన్నారు. ఈనెల 19-23 వరకు తొలి టెస్ట్, ఈనెల 27 నుంచి అక్టోబర్ 1 వరకు రెండో టెస్ట్ జరగనుంది.
News September 13, 2024
జోగి రమేశ్, అవినాశ్కు సుప్రీంలో స్వల్ప ఊరట
AP: TDP ఆఫీస్, చంద్రబాబు ఇంటిపై దాడి కేసుల్లో YCP నేతలు జోగి రమేశ్, దేవినేని అవినాశ్కు సుప్రీంకోర్టు స్వల్ప ఊరట కల్పించింది. అరెస్ట్ నుంచి మధ్యంతర రక్షణ కల్పిస్తూ ఉత్తర్వులిచ్చింది. సాంకేతిక కారణాలతో ఇవాళ పూర్తి స్థాయి విచారణ చేపట్టలేకపోతున్నామంది. నిందితులు 24 గంటల్లో పాస్ పోర్టులు అప్పగించాలని, దర్యాప్తునకు పూర్తిగా సహకరించాలంది. కాగా ఈ కేసులో ముందస్తు బెయిల్ కోసం వారు సుప్రీంను ఆశ్రయించారు.
News September 13, 2024
భారీగా పెరిగిన బంగారం ధరలు
హైదరాబాద్ మార్కెట్లో బంగారం ధరలు భారీగా పెరిగాయి. 10 గ్రా. 24 క్యారెట్ల పసిడి రూ.1300 పెరిగి రూ.74,450కి చేరింది. 10 గ్రా. 22 క్యారెట్ల గోల్డ్ రూ.1200 పెరిగి రూ.68,250 పలుకుతోంది. ఇక వెండి ధర ఏకంగా కేజీ రూ.3,500 పెరిగి రూ.95వేలకు చేరింది. తెలుగు రాష్ట్రాల్లోని అన్ని చోట్ల దాదాపు ఇవే ధరలున్నాయి.