News January 5, 2025
BGT2024-25: టాప్-10 ఆటగాళ్లు వీరే
BGTలో బ్యాటింగ్‌లో హెడ్(448 రన్స్), బౌలింగ్‌లో బుమ్రా(32 వికెట్లు) అగ్రస్థానంలో నిలిచారు. హెడ్ తర్వాత జైస్వాల్(391), స్మిత్(314), నితీశ్(298), రాహుల్(276), పంత్(255), లబుషేన్(232), క్యారీ(216), కోహ్లీ(190), ఖవాజా(184) ఉన్నారు. ఇక బౌలింగ్‌లో బుమ్రా తర్వాత వరుసగా కమిన్స్(25), బోలాండ్(21), సిరాజ్(20), స్టార్క్(18), లయన్(9), హేజిల్‌వుడ్(6), ప్రసిద్ధ్(6), నితీశ్(5), ఆకాశ్ దీప్(5) ఉన్నారు.
Similar News
News January 7, 2025
వరికి బీమా గడువు 15 వరకు పొడిగింపు
AP: వరి పంటకు ప్రీమియం చెల్లింపు గడువును ఈ నెల 15 వరకు బీమా కంపెనీలు పెంచాయి. జీడి పంటకు గత ఏడాది నవంబర్ 22, మిగతా అన్ని పంటలకు డిసెంబర్ 31తోనే గడువు ముగిసింది. వీటికి కూడా ప్రీమియం చెల్లింపునకు మరింత అవకాశం ఇవ్వాలని రైతులు కోరుతున్నారు. గత ఏడాది 43.82 లక్షల మంది రైతులకు బీమా లభించగా, ఈసారి రబీలో 7.6 లక్షల మందికే కవరేజ్ లభించిందని పేర్కొంటున్నారు.
News January 7, 2025
చైనా వైరస్.. వ్యాపించేది ఇలా
దేశంలో hMPV కేసులు కలకలం రేపుతున్నాయి. ఈ వైరస్ సోకినవారు తుమ్మినా, దగ్గినా వెలువడే తుంపర్ల ద్వారా, వారితో సన్నిహితంగా మెలగడం వల్ల ఇతరులకు వ్యాపిస్తుంది. నవజాత శిశువులు, ఐదేళ్లలోపు పిల్లలు, ఆస్తమా, ఊపిరితిత్తుల వ్యాధులు, రోగనిరోధక శక్తి తక్కువ ఉన్నవారిపై ప్రభావం ఎక్కువ. వైరస్ శరీరంలోకి ప్రవేశించిన 3-6 రోజుల తర్వాత లక్షణాలు(జలుబు, దగ్గు, జ్వరం, ఊపిరి ఆడకపోవడం) కన్పిస్తాయి.
News January 7, 2025
ఈనెల 10న బీజేపీ నిరసనలు
TG: ఎన్నికలకు ముందు కాంగ్రెస్ ఇచ్చిన హామీలు అమలు చేయాలనే డిమాండ్‌తో ఈనెల 10న రాష్ట్రవ్యాప్తంగా నిరసనలు చేపట్టనున్నట్లు BJP ప్రకటించింది. ఆరోజున కలెక్టర్లు, తహసీల్దార్లకు వినతి పత్రాలు ఇస్తామని తెలిపింది. అధికారంలోకి వచ్చి ఏడాది అవుతున్నా రైతు భరోసా అమలు చేయకపోవడం సిగ్గుచేటు అని ఆ పార్టీ నేత కాసం వెంకటేశ్వర్లు విమర్శించారు. పాలనకు బీసీలు పనికి రారని CM రేవంత్ గతంలో వ్యాఖ్యానించారని మండిపడ్డారు.