News August 14, 2024
లంకతో సిరీస్కు ముందు ఇంగ్లండ్కు భారీ షాక్
శ్రీలంకతో టెస్ట్ సిరీస్కు ముందు ఇంగ్లండ్కు భారీ ఎదురుదెబ్బ తగిలింది. ఆ జట్టు కెప్టెన్ బెన్ స్టోక్స్ గాయంతో సిరీస్ మొత్తానికి దూరమైనట్లు ఇంగ్లండ్ క్రికెట్ బోర్డు తెలిపింది. ఆయన స్థానంలో ఒలీ పోప్ను జట్టులోకి తీసుకునే అవకాశం ఉన్నట్లు తెలుస్తోంది. అక్టోబర్లో జరిగే పాకిస్థాన్ పర్యటనకు ఆయన అందుబాటులోకి రానున్నట్లు సమాచారం. కాగా హండ్రెడ్ లీగ్లో జరిగిన ఓ మ్యాచ్లో స్టోక్స్కు చీలమండ గాయమైంది.
Similar News
News September 10, 2024
చాకలి ఐలమ్మ పోరాటం భావితరాలకు స్ఫూర్తి
భూమి, భుక్తి, వెట్టిచాకిరి విముక్తి కోసం వీరనారి చాకలి ఐలమ్మ సాయుధ పోరాటం చేశారు. నిజాం నవాబుకు, భూస్వాములకు వ్యతిరేకంగా పోరాడారు. కౌలు భూమిలో తాను పండించిన పంటను దేశ్ముఖ్ రేపాక రామచంద్రారెడ్డి తన అనుచరులతో తరలించుకుపోవడానికి ప్రయత్నించగా వారిని తరిమి కొట్టారు. ఇదే సాయుధ రైతాంగ పోరాటానికి నాంది పలికింది. ‘బాంచన్ కాల్మొక్తా’ అనే బతుకులను మార్చడానికి ఐలమ్మ జీవితం త్యాగం చేశారు. నేడు ఆమె వర్ధంతి.
News September 10, 2024
టాప్ డైరెక్టర్లతో యంగ్టైగర్.. పిక్స్ వైరల్
టాప్ డైరెక్టర్లు ప్రశాంత్ నీల్, కొరటాల శివ, అయాన్ ముఖర్జీతో యంగ్టైగర్ ఎన్టీఆర్ కలిసి ఉన్న ఫొటో సోషల్ మీడియాలో వైరల్గా మారింది. ఎన్టీఆర్ నటిస్తున్న ‘దేవర’ మూవీ ట్రైలర్ ఇవాళ ముంబైలో విడుదల కానుండటంతో వీరందరూ అక్కడ కలుసుకున్నారు. కాగా ఈ ముగ్గురు దర్శకులతో ఎన్టీఆర్ ప్రస్తుతం వర్క్ చేస్తున్నారు. కొరటాలతో ‘దేవర’, నీల్తో ‘NTR31’, అయాన్తో ‘వార్ 2’ సినిమాలు చేస్తున్నారు.
News September 10, 2024
భారత్ రానున్న జెలెన్స్కీ?
ఈ ఏడాది చివరి నాటికి ఉక్రెయిన్ అధ్యక్షుడు జెలెన్స్కీ భారత్లో పర్యటించే అవకాశాలు ఉన్నాయని ఆ దేశ రాయబారి అలెగ్జాండర్ పోలిష్చుక్ తెలిపారు. భారత్ను సందర్శించాల్సిందిగా జెలెన్స్కీని మోదీ ఆహ్వానించారని, అది జరగాలని కోరుకుంటున్నట్లు ఆయన చెప్పారు. తమ అధ్యక్షుడు కూడా ఇక్కడ పర్యటించేందుకు ఆసక్తిగా ఉన్నారని వెల్లడించారు. ఈ పర్యటన ద్వైపాక్షిక సంబంధాలను బలోపేతం చేసుకునేందుకు ఉపయోగపడుతుందని పేర్కొన్నారు.