News November 21, 2024
బిట్ కాయిన్ స్కాం: అవి ఫేక్ ఆడియోలు!
మహారాష్ట్ర PCC చీఫ్ నానా పటోలే, NCP SP సుప్రియా సూలే, గౌరవ్ మెహతా Bit Coin <<14658660>>స్కాంకు<<>> పాల్ప‌డ్డారంటూ వైర‌ల్ అవుతున్న ఆడియో టేప్‌లు డీప్ ఫేక్ AI జ‌న‌రేటెడ్ ఆడియోల‌ని India Today అధ్య‌య‌నంలో తేలింది. దీని కోసం TrueMedia, Deefake-O-Meter, Hiya AI టూల్స్‌ను ఉపయోగించింది. నానా పటోలే, సుప్రియా సూలే ఆడియోలు చాలావ‌ర‌కు డీప్ ఫేక్‌గా నిర్ధార‌ణ అయిన‌ట్టు వెల్ల‌డించింది. ఈ ఆడియోల‌ను BJP కూడా పోస్ట్ చేసింది.
Similar News
News December 14, 2024
ఆ జిల్లాలకు వర్ష సూచన
AP: రాష్ట్రంపై మళ్లీ వర్ష ప్రభావం ఉండనుందని వాతావరణ శాఖ తెలిపింది. దక్షిణ అండమాన్ సముద్రంపై శనివారం ఉపరితల ఆవర్తనం ఏర్పడే అవకాశం ఉందని వివరించింది. ఇది అల్పపీడనంగా బలపడి తమిళనాడు వద్ద తీరం దాటుతుందని పేర్కొంది. దీని ప్రభావం కోస్తాంధ్రపై ఉంటుందని తెలిపింది. దీంతో 17న రాత్రి నుంచి రాష్ట్రంలోని తీర ప్రాంత జిల్లాల్లో వర్షాలు పడే అవకాశాలు ఉన్నాయని స్పష్టం చేసింది.
News December 14, 2024
BIG BREAKING: జైలు నుంచి అల్లు అర్జున్ విడుదల
చంచల్‌గూడ జైలు నుంచి హీరో అల్లు అర్జున్ విడుదలయ్యారు. హైకోర్టు మధ్యంతర బెయిల్ ఉత్తర్వులను పరిశీలించిన జైలు అధికారులు ఆయనను వెనుక గేటు నుంచి పంపించారు. సంధ్య థియేటర్ తొక్కిసలాటలో మహిళ చనిపోయిన కేసులో బన్నీని నిన్న చిక్కడపల్లి పోలీసులు అరెస్ట్ చేశారు. అనంతరం నాంపల్లి కోర్టు 14 రోజుల రిమాండ్ విధించింది. అరెస్టుపై బన్నీ లాయర్లు హైకోర్టును ఆశ్రయించగా మధ్యంతర బెయిల్ లభించింది.
News December 14, 2024
IND vs AUS: మ్యాచ్‌కు వరుణుడి ఆటంకం
బోర్డర్-గవాస్కర్ ట్రోఫీలో భాగంగా భారత్, ఆస్ట్రేలియా మధ్య జరుగుతున్న మూడో టెస్టుకు వరుణుడు ఆటంకం కలిగించాడు. దీంతో అంపైర్లు ఆటను నిలిపేశారు. టాస్ గెలిచిన భారత్ బౌలింగ్ ఎంచుకోగా ఆసీస్ బ్యాటింగ్‌కు దిగింది. జట్టు స్కోరు 5.3 ఓవర్లలో 19/0 పరుగుల వద్ద ఉన్నప్పుడు వర్షం కురవడంతో ఆట ఆగిపోయింది. క్రీజులో ఉస్మాన్ ఖవాజా (13*), మెక్‌స్వీనీ (2) ఉన్నారు.