News March 24, 2024
స్టార్ హీరోయిన్కు టికెట్ ఇచ్చిన BJP
బాలీవుడ్ స్టార్ హీరోయిన్ కంగనా రనౌత్ బీజేపీ నుంచి పోటీ చేయనున్నారు. హిమాచల్ ప్రదేశ్లోని మండీ పార్లమెంటు నియోజకవర్గం నుంచి ఆమెను బరిలోకి దించనున్నట్లు బీజేపీ ప్రకటించింది. ఇటీవల ఆమెకు కేంద్రం పద్మశ్రీ పురస్కారం ఇవ్వడంతో.. ఆమె బీజేపీ తరఫున పోటీ చేస్తారనే వార్తలు వస్తున్న విషయం తెలిసిందే. రామాయణ సీరియల్ నటుడు అరుణ్ గోవిల్ UPలోని మీరట్ నుంచి పోటీ చేయనున్నారు.
Similar News
News February 8, 2026
T20 వరల్డ్ కప్: గుల్బదిన్ మెరుపులు.. న్యూజిలాండ్ లక్ష్యం 183
చెన్నైలో జరుగుతున్న T20 WC గ్రూప్-D మ్యాచ్లో అఫ్గానిస్థాన్ అదరగొట్టింది. టాస్ గెలిచి బ్యాటింగ్ ఎంచుకున్న అఫ్గాన్ నిర్ణీత 20 ఓవర్లలో 6 వికెట్ల నష్టానికి 182 పరుగులు చేసింది. ఆరంభంలోనే వికెట్లు కోల్పోయినప్పటికీ గుల్బదిన్ నైబ్ (63) మెరుపు ఇన్నింగ్స్తో జట్టును ఆదుకున్నారు. అటల్ (29), గుర్బాజ్ (27) రాణించారు. కివీస్ బౌలర్లలో ఫెర్గూసన్ రెండు వికెట్లు తీయగా రవీంద్ర, డఫీ, హెన్రీ తలో వికెట్ పడగొట్టారు.
News February 8, 2026
మీరెవరైనా ఆ టేస్ట్ చూశారా..?
90s కిడ్స్.. ఈ ప్రశ్న మీ కోసమే. ఎలక్ట్రానిక్ వస్తువుల్లోని బ్యాటరీలు డ్రై అయ్యాయని ఎలా తెలుసుకుంటాం? మీకు ఐడియా ఉందా..? బ్యాటరీ చివరను నాలుకకు తగిలిస్తే ఒక రకమైన వగరు రుచి వస్తే అది పనిచేస్తుందని నిర్ధారించేస్తాం. బ్యాటరీ డెడ్ అయితే ఏమీ రాదు. మనలో చాలామంది ఈ టేస్ట్-టెస్ట్ రిజల్ట్ ఇచ్చినవాళ్లమే కదా. మీరు అప్పట్లో సైంటిస్టులా ఈ ప్రయోగం చేశారా? మీ మధుర జ్ఞాపకాలు కామెంట్ చేయండి.
News February 8, 2026
ఫోలిక్ యాసిడ్ అందరికీ అవసరమే
ఫోలిక్ యాసిడ్ గర్భిణులకే కాక అందరికీ అవసరమేనంటున్నారు ఆరోగ్యనిపుణులు. ఫోలిక్ యాసిడ్ వల్ల పెద్దపేగు, గర్భాశయ, క్లోమ గ్రంథి క్యాన్సర్లు, అల్జీమర్స్ రాకుండా ఉంటాయి. రోగనిరోధకశక్తి పెరుగుతుంది. ఆకుకూరలు, చిక్కుడు జాతి గింజలు, పప్పులు, సిట్రస్ ఫ్రూట్స్, టమాటా, మటన్ లివర్, బ్రౌన్ రైస్, పల్లీలు, పుట్టగొడుగులు, బొప్పాయి, క్యారెట్లు, బీట్ రూట్, పచ్చి బఠానీల్లో ఫోలిక్ యాసిడ్ ఎక్కువగా ఉంటుంది.