News August 28, 2024
అసత్యాల ప్రచారానికి AI వాడుతున్న BJP: మమత
అవాస్తవాల ప్రచారానికి బీజేపీ AIని వాడుతోందని బెంగాల్ సీఎం మమతా బెనర్జీ ఆరోపించారు. ఏఐ సాయంతో భారీ స్థాయిలో సైబర్ నేరాలకు పాల్పడుతోందని, సమాజంలో అశాంతికి అదే కారణమని విమర్శించారు. రాష్ట్ర ప్రభుత్వానికే అధికారం ఉండుంటే వైద్యురాలి హత్యాచార కేసు నిందితుడికి 7 రోజుల్లో మరణశిక్ష విధించేవాళ్లం అన్నారు. ఏదేమైనా అతడికి శిక్షపడేలా ఉద్యమం చేపడతామని పేర్కొన్నారు. Jr వైద్యులపై చర్యలేమీ ఉండవని హామీ ఇచ్చారు.
Similar News
News November 30, 2025
మళ్లీ పెరిగిన చలి
TG: రాష్ట్రంలో 2 రోజులుగా చలి తీవ్రత పెరిగింది. శుక్రవారం రాత్రి నుంచి శనివారం ఉదయం వరకు 19జిల్లాల్లో 12డిగ్రీల కంటే తక్కువగా ఉష్ణోగ్రతలు నమోదయ్యాయి. అత్యల్పంగా సంగారెడ్డి జిల్లా కోహిర్‌లో 7.8డిగ్రీల టెంపరేచర్ నమోదైంది. అటు దిత్వా తుఫాను వల్ల పలు జిల్లాల్లో ఇవాళ వర్షాలకు ఛాన్స్ ఉందని వాతావరణశాఖ తెలిపింది. ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో వానలు పడతాయని అంచనా వేసింది.
News November 30, 2025
మహిళలను ‘దీర్ఘాయుష్మాన్ భవ’ అని దీవించకూడదా?
స్త్రీలను ‘దీర్ఘాయుష్మాన్ భవ’ అని దీవించకూడదని పండితులు చెబుతున్నారు. ఎందుకంటే.. ‘దీర్ఘాయుష్మాన్’ అనేది సంస్కృతంలో పురుషులను ఉద్దేశించి వాడే పదం. దీనికి ‘దీర్ఘాయుష్షు కలవాడివి అగుగాక’ అని అర్థం. సంస్కృత వ్యాకరణంలో లింగాన్ని బట్టి పదాలు మారుతాయి. అందుకే స్త్రీలను దీవించేటప్పుడు సరైన పద ప్రయోగం అయిన ‘దీర్ఘాయుష్మతీ భవ’ అని దీవించాలి. దీనికి ‘దీర్ఘాయుష్షు కలదానివి అగుగాక!’ అనే అర్థం వస్తుంది.
News November 30, 2025
నేటి నుంచే వన్డే సిరీస్.. భారత్ ప్రతీకారం తీర్చుకుంటుందా?
SA, భారత్ మధ్య 3 మ్యాచుల వన్డే సిరీస్ రాంచీ వేదికగా ఇవాళ మొదలుకానుంది. టెస్టు సిరీస్‌లో జరిగిన వైట్‌వాష్ నుంచి బయటపడి SAపై పూర్తి ఆధిపత్యం చూపాలని భారత ఫ్యాన్స్ కోరుకుంటున్నారు. రోహిత్, కోహ్లీ రాణిస్తే విజయానికి పెద్దగా కష్టపడక్కర్లేదని భావిస్తున్నారు. గాయంతో గిల్ దూరం కాగా రాహుల్ కెప్టెన్‌గా వ్యవహరించనున్నారు. 1.30PMకు మ్యాచ్ ప్రారంభం కానుంది. హాట్ స్టార్, స్టార్ స్పోర్ట్స్‌లో LIVE చూడొచ్చు.