News September 28, 2024
బోర్డర్ గవాస్కర్ ట్రోఫీకి ముందు ఆస్ట్రేలియాకు షాక్
ఇంగ్లండ్ పర్యటనలో ఉన్న ఆస్ట్రేలియా జట్టు స్టార్ ఆల్ రౌండర్ గ్రీన్ గాయపడ్డారు. వెన్నుకి సంబంధించిన సమస్య తలెత్తడంతో ఆయన వన్డే సిరీస్ మొత్తానికి దూరమయ్యారు. దీంతో భారత్తో జరిగే బోర్డర్ గవాస్కర్ ట్రోఫీలో గ్రీన్ పాల్గొంటారా లేదా అనేది సందిగ్ధంగా మారింది. ENGతో సిరీస్ ప్రారంభమైన నాటి నుంచి గాయాల బారిన పడ్డ ఆసీస్ ప్లేయర్ల సంఖ్య ఐదుకి చేరింది. కాగా భారత్, AUS మధ్య NOV 22న తొలి టెస్ట్ జరుగనుంది.
Similar News
News December 1, 2025
మహాభారతంలో భాగమే భగవద్గీత
వ్యాసుడు రచించిన మహాభారతంలో ఓ భాగమే భగవద్గీత అనే విషయం చాలామందికి తిలిసే ఉంటుంది. భారత ఇతిహాసంలో భీష్మ పర్వం 25వ అధ్యాయం మొదలు 42వ అధ్యాయం వరకు మొత్తం 18 అధ్యాయాలను భగవద్గీతగా చెబుతారు. ఇందులో మొత్తం 700 శ్లోకాలు ఉంటాయి. ఇవి మనం ధర్మబద్ధంగా ఎలా జీవించాలో నేర్పుతాయి. బంధువులను చంపడానికి విముఖత చూపిన అర్జునుడిని ధర్మ మార్గాన్ని చూపడానికి, ధర్మాన్ని గెలిపించడానికి కృష్ణుడు గీతబోధ చేశాడు.
News December 1, 2025
750పోస్టులు.. అప్లైకి ఇవాళే లాస్ట్ డేట్
పంజాబ్ నేషనల్ బ్యాంకులో 750 లోకల్ బ్యాంక్ ఆఫీసర్ పోస్టులకు అప్లై చేయడానికి ఇవాళే ఆఖరు తేదీ. డిగ్రీ ఉత్తీర్ణులైన 20-30 ఏళ్ల మధ్య ఉన్నవారు అప్లై చేసుకోవచ్చు. రాత పరీక్ష, స్క్రీనింగ్ టెస్ట్, లోకల్ లాంగ్వేజ్ టెస్ట్, ఇంటర్వ్యూ ద్వారా ఎంపిక చేస్తారు. జీతం నెలకు రూ.48,480 నుంచి రూ.85,920 వరకు ఉంటుంది. రాత పరీక్ష డిసెంబర్ లేదా జనవరిలో నిర్వహిస్తారు. వెబ్సైట్: https://pnb.bank.in/
News December 1, 2025
కలుపు మందుల పిచికారీ – ఈ జాగ్రత్తలు తప్పనిసరి
ఏ పంటకు సిఫార్సు చేసిన కలుపు మందులను ఆ పంటలో మాత్రమే సరైన మోతాదులో ఫ్లాట్ ప్యాన్ లేదా ఫ్లడ్ జెట్ నాజిల్ను ఉపయోగించి పిచికారీ చేయాలి. కలుపు మందులను ఇతర రసాయనాలతో (కీటక/శిలింద్రనాశినులు/పోషకాలు) కలిపి ఉపయోగిస్తే కలుపు మందుల సామర్థ్యం తగ్గే అవకాశం ఉంది. పంట మొలకెత్తాక ఉపయోగించే కలుపు మందులను.. కలుపు 2-4 ఆకుల దశలో ఉన్నప్పుడు పిచికారి చేసి సమర్థవంతంగా అరికట్టవచ్చు.