News September 13, 2024
BREAKING: ఉల్లి ఎగుమతులపై ఆంక్షలు పూర్తిగా ఎత్తివేత
ఉల్లి ఎగుమతులపై పూర్తిగా ఆంక్షలను ఎత్తివేస్తూ కేంద్ర ప్రభుత్వం ఉత్తర్వులిచ్చింది. ఈ ఏడాది మే నెలలో ఆనియన్ ఎక్స్‌పోర్ట్స్‌పై నిషేధం ఎత్తివేయగా, ఇవాళ మినిమం ఎక్స్‌పోర్ట్ ప్రైజ్(MEP)ను కూడా తొలగించింది. మహారాష్ట్ర ఎన్నికల నేపథ్యంలో ఈ నిర్ణయం తీసుకున్నట్లు తెలుస్తోంది. గతంలో టన్ను ఉల్లి ధర కనీసం 550డాలర్లు(₹46,000)గా ఉంటేనే ఎగుమతికి అనుమతి ఉండేది. దీనిపై 40% సుంకం చెల్లించాల్సి వచ్చేది.
Similar News
News October 13, 2024
అత్తాకోడళ్లపై అత్యాచారం.. నిందితుల్లో ముగ్గురు మైనర్లు: మంత్రి
AP: శ్రీసత్యసాయి(D) చిలమత్తూరు మండలంలో అత్తాకోడళ్లపై జరిగిన సామూహిక <<14338493>>అత్యాచారం<<>> సంచలనం సృష్టించిన సంగతి తెలిసిందే. ఈ ఘటనలో మొత్తం ఆరుగురు నిందితులను పోలీసులు పట్టుకున్నారు. వీరిలో ముగ్గురు మైనర్లు ఉన్నట్లు మంత్రి సవిత తెలిపారు. ఆస్పత్రిలో ఉన్న బాధితులను ఆమె పరామర్శించారు. ఈ ఘటనపై CM చంద్రబాబు సీరియస్ అయ్యారని, పోలీసులు 4 బృందాలుగా గాలించి నిందితుల్ని 24 గంటల్లో పట్టుకున్నారని చెప్పారు.
News October 13, 2024
T20 వరల్డ్ కప్: టీమ్ ఇండియా లక్ష్యం 152 రన్స్
టీ20 వరల్డ్ కప్‌లో భారత్‌తో జరుగుతున్న మ్యాచ్‌లో టాస్ గెలిచిన ఆస్ట్రేలియా తొలుత బ్యాటింగ్ ఎంచుకుని 151/8 స్కోరు చేసింది. టోర్నీలో నిలవాలంటే ఇది భారత్‌కు చావో రేవో లాంటి మ్యాచ్ కావడం గమనార్హం. ఆసీస్ బ్యాటర్లలో గ్రేస్ హారిస్ 40 రన్స్, టాహ్లియా, పెర్రీ చెరో 32 పరుగులు చేశారు. భారత అమ్మాయిల్లో రేణుక, దీప్తి చెరో 2 వికెట్లు, శ్రేయాంక, పూజ, రాధా యాదవ్ తలో వికెట్ తీశారు.
News October 13, 2024
ఆ రిపోర్ట్ ఎందుకు బయట పెట్టట్లేదు: బండి
TG: రాష్ట్రంలో కులగణన అంతా ఫేక్ అని కేంద్రమంత్రి బండి సంజయ్ ఫైర్ అయ్యారు. ఓడిపోతామని గ్రహించి స్థానిక ఎన్నికలను తప్పించుకునే ధోరణిలో కాంగ్రెస్ ప్రభుత్వం ఉందని ఆరోపించారు. ‘రూ.150 కోట్లతో కులగణన అంటూ డైవర్షన్ చేస్తున్నారు. గత బీఆర్ఎస్ సమగ్ర కుటుంబ సర్వే చేసింది. మళ్లీ గణన ఎందుకు? ఆ నివేదికను గత ప్రభుత్వం, ప్రస్తుత సర్కార్ విడుదల చేయలేదు. ఇద్దరి మధ్య జరిగిన చీకటి ఒప్పందం ఏంటి?’ అని నిలదీశారు.