News February 21, 2025
దారుణం.. ఆరేళ్ల బాలికపై సామూహిక అత్యాచారం
దేశంలో అకృత్యాలు పెరిగిపోతున్నాయి. కామంతో చిన్న పిల్లల్ని సైతం చిదిమేస్తున్నారు కొంతమంది మృగాళ్లు. సంగారెడ్డి జిల్లాలోని ఓ గ్రామంలో ఆరేళ్ల బాలికపై ముగ్గురు యువకులు సామూహిక అత్యాచారానికి పాల్పడ్డారు. ఇంటి బయట ఆడుకుంటున్న బాలికను తీసుకెళ్లి దారుణానికి ఒడిగట్టారు. పోలీసులు ముగ్గురు నిందితుల్ని అదుపులోకి తీసుకుని దర్యాప్తు చేస్తున్నారు. నిందితులు మద్యం మత్తులో ఈ అఘాయిత్యానికి పాల్పడినట్లు సమాచారం.
Similar News
News December 6, 2025
MHBD: ఖద్దరే కాదు.. కన్నీటి కష్టం కూడాను!
జిల్లాలో పంచాయతీ ఎన్నికల సందడి నెలకొంది. ఏ పల్లెకు వెళ్లిన, ఏ ఓటరును కదిలించిన పంచాయతీ ఎన్నికల ముచ్చట్లే మాట్లాడుకుంటున్నారు. ఐతే ఎన్నికల్లో పోటీ చేసే అభ్యర్థులు మాత్రం గెలుపొందేందుకు ఆస్తులు, బంగారం కుదువపెట్టి మరి రూ.లక్షల్లో ఖర్చులు పెడుతున్నారు. గెలుపొందితే సరేకానీ ఓటమి పాలైతే పరిస్థితి ఏంటని పల్లెల్లో చర్చించుకుంటున్నారు. గెలిస్తే ఖద్దరే కాదు, ఓడితే కన్నీటి కష్టం కూడా ఉంటుందని అనుకుంటున్నారు.
News December 6, 2025
వంటింటి చిట్కాలు
*వెల్లుల్లిపాయ పొట్టు త్వరగా రావాలంటే.. వాటిని పెనం మీద వేసి కొద్దిసేపు వేడి చేయాలి. ఇలా చేస్తే పొట్టు ఈజీగా వస్తుంది.
*కర్రీలో పులుపు మరీ ఎక్కువగా ఉంటే బెల్లం లేదా ఉప్పు కలిపి చూడండి. ఇక్కడ ఉప్పును రుచి చూసి కలుపుకోవాలి.
* కాకరకాయ కూర వండేటప్పుడు కాస్త నిమ్మరసం వేస్తే చేదు తగ్గుతుంది.
* పకోడీలు కరకరలాడుతూ రావాలంటే పిండి కలిపేటప్పుడే ఒక చెంచా మరుగుతున్న నూనె కలపాలి.
News December 6, 2025
7వేల కి.మీ పొడవైన నది.. కానీ బ్రిడ్జిలు ఉండవు!
ప్రపంచంలోనే అతిపెద్దదైన అమెజాన్ నదిపై వంతెనలు లేవని మీకు తెలుసా? అవును. ఈ నది బ్రెజిల్, పెరూ, ఈక్వెడార్, కొలంబియా, బొలివియా, వెనిజులా, గయానా, సురినామ్ దేశాల మీదుగా దాదాపు 7వేల కి.మీ ప్రవహిస్తుంది. దీని వెడల్పు 3-10 కి.మీ ఉంటుంది. వర్షాకాలంలో అది 48 కి.మీ వరకు విస్తరిస్తుంది. లోతు 330 అడుగులకు చేరుతుంది. అంతేకాదు అక్కడి మృదువైన నేలల్లో బ్రిడ్జిలు నిర్మించడం చాలా కష్టం. అందుకే బోట్లలో నది దాటుతారు.