News May 18, 2024
మెట్రో లేని రూట్లలో 10 నిమిషాలకో బస్సు
TG: హైదరాబాద్లో మెట్రో లేని రూట్లలో ప్రతి 10 నిమిషాలకో బస్సు నడపాలని టీఎస్ఆర్టీసీ నిర్ణయించింది. మెట్రో రైళ్ల తరహాలోనే బస్సులు కూడా సమయపాలనతో నడిచేలా చూడాలని సంస్థ భావిస్తున్నట్లు అధికారులు తెలిపారు. ప్రస్తుతానికి ప్రయోగాత్మకంగా సికింద్రాబాద్-మణికొండ రూట్(47ఎల్ బస్సులు)లో నడుపుతున్నట్లు పేర్కొన్నారు. ఈ చర్యతో మెట్రోకు దీటుగా బస్సుల్లో రద్దీ పెరుగుతుందని వారు ఆశాభావం వ్యక్తం చేశారు.
Similar News
News January 19, 2026
స్పెయిన్ రైలు ప్రమాదం.. 39కి చేరిన మృతుల సంఖ్య
దక్షిణ స్పెయిన్లో జరిగిన రైలు ప్రమాదంలో మృతుల సంఖ్య 39కి చేరింది. మలగా నుంచి మాడ్రిడ్ వెళ్తున్న ఇరియో హైస్పీడ్ రైలు అడముజ్ సమీపంలో పట్టాలు తప్పి ఎదురుగా వస్తున్న మరో రైలును బలంగా ఢీకొట్టింది. ఈ ఘటనలో 2 రైళ్ల బోగీలు నుజ్జునుజ్జయ్యాయి. సహాయక చర్యలు కొనసాగుతున్నాయి. మరణాల సంఖ్య మరింత పెరిగే అవకాశం ఉంది. పదేళ్ల కాలంలో స్పెయిన్లో జరిగిన అత్యంత భయంకరమైన రైలు ప్రమాదం ఇదే.
News January 19, 2026
INC అంటే ఇటలీ నేషనల్ కాంగ్రెస్: బండి
TG: సీఎం రేవంత్ <<18890595>>వ్యాఖ్యలకు<<>> కేంద్ర మంత్రి బండి సంజయ్ కౌంటర్ ఇచ్చారు. INC ఇప్పుడు ఇటలీ నేషనల్ కాంగ్రెస్గా మారిందన్నారు. స్వాతంత్ర్యం తర్వాత కాంగ్రెస్ను రద్దు చేయాలన్న గాంధీ విష్ను ఆ పార్టీ నెరవేర్చలేదన్నారు. తాము అధికారంలోకి వచ్చాక 70 ఏళ్ల కాంగ్రెస్ బానిసత్వ ఆలోచనలను తొలగిస్తున్నామన్నారు. సీఎం స్కిల్స్ యూనివర్సిటీలో పాలిటిక్స్ కోర్సును చేర్చి విద్యార్థిగా చేరాలని చురకలు అంటించారు.
News January 19, 2026
‘చైనా ఆస్టర్’ సాగుకు అనువైన వాతావరణం
‘చైనా ఆస్టర్’ పువ్వులను కట్ఫ్లవర్గా, వేడుకల్లో డెకరేషన్ కోసం, పూజా కార్యక్రమాల్లో వాడుతుంటారు. ఈ పువ్వుల సాగుకు మంచి సూర్యరశ్మితో పాటు చల్లని వాతావరణం అవసరం. నీరు బాగా ఇంకే లోతైన ఎర్రగరప నేలలు వీటి సాగుకు అనుకూలం. IIHR బెంగళూరు రూపొందించిన కామిని, వయోలెట్, కుషన్, శశాంక్, అర్చనా, పూర్ణిమ రకాలు అధిక పూల దిగుబడిని అందిస్తాయి. ఈ మొక్కలను నాటిన 70 నుంచి 80 రోజులకు (రకాన్ని బట్టి) పూలు వస్తాయి.