News September 19, 2024
బ్రహ్మోత్సవాల్లో ప్రత్యేక దర్శనాలు రద్దు: TTD అదనపు ఈవో
AP: తిరుమల వార్షిక బ్రహ్మోత్సవాల్లో భాగంగా అక్టోబర్ 8న నిర్వహించే గరుడ వాహన సేవ ఏర్పాట్లపై TTD అదనపు ఈవో వెంకయ్య చౌదరి సమీక్ష జరిపారు. ఆ రోజున భక్తులకు ఇబ్బందులు కలగకుండా చర్యలు తీసుకోవాలని అధికారులను ఆదేశించారు. బ్రహ్మోత్సవాల సమయం(OCT 4-12)లో ప్రత్యేక దర్శనాలు రద్దు చేస్తున్నట్లు పేర్కొన్నారు. OCT 7న ఉ.6 గంటల నుంచి కొండపైకి బైకుల్ని నిలిపివేస్తామని, తిరిగి 9వ తేదీన ఉ.6 గం.కు అనుమతిస్తామన్నారు.
Similar News
News October 5, 2024
దర్శన్‌ను భయపెడుతోన్న రేణుకాస్వామి ఆత్మ!
కర్ణాటకలో సంచలనం సృష్టించిన <<14026281>>రేణుకాస్వామి<<>> హత్య కేసులో నిందితుడు హీరో దర్శన్ బళ్లారి జైలులో ఉన్నారు. ఇటీవల రేణుకాస్వామి ఆత్మ తనని వెంటాడుతోందని, కలలోకి వచ్చి భయపెడుతోందని జైలు అధికారులకు దర్శన్ చెప్పినట్లు తెలుస్తోంది. తనను బెంగళూరు జైలుకు మార్చాలని కోరుతున్నట్లు వార్తలు వస్తున్నాయి. అలాగే అర్ధరాత్రులు దర్శన్ గట్టిగా కేకలు వేస్తున్నారని, నిద్రలో కలవరిస్తున్నారని తోటి ఖైదీలు చెప్పినట్లు సమాచారం.
News October 5, 2024
టమాటా ధర రూ.73 దాటింది, ఎప్పుడు తగ్గిస్తారో చెప్పండి?: YCP
AP: తాను వచ్చాక ధరలు తగ్గిస్తానన్న చంద్రబాబు ఇప్పుడు ప్రజలను నట్టేట ముంచారని YCP విమర్శించింది. ‘ఏం కొనేటట్టు లేదు, ఏం తినేటట్టు లేదు నాగులో నాగన్న. బాబు వచ్చాక ప్రజలు బతికే పరిస్థితి లేదు. అన్ని ధరలూ ఆకాశాన్ని అంటాయి. కూరగాయల ధరలు రెట్టింపయ్యాయి. టమాటా రూ.73 దాటింది. పేదలు కొనలేక, తినలేక అవస్థలు పడుతున్నారు. ప్రజలను పక్కదారి పట్టించడం మానేసి ధరలు ఎప్పుడు తగ్గిస్తారో చెప్పండి?’ అని ప్రశ్నించింది.
News October 5, 2024
నిరాహార దీక్షకు ఆర్‌జీ కర్ వైద్యుల నిర్ణయం
కోల్‌కతాలోని RG కర్ ఆస్పత్రి జూనియర్ వైద్యులు 24గంటల పాటు నిరాహార దీక్ష చేయాలని నిర్ణయించినట్లు తాజాగా ప్రకటించారు. ఓవైపు తమ విధులు నిర్వహిస్తూనే ధర్మతల మెట్రో ఛానల్ ప్రాంతంలో నిరసనలు కొనసాగిస్తామని తెలిపారు. దుర్గాపూజ సమయంలోనూ వెనక్కి తగ్గేది లేదని తేల్చిచెప్పారు. ఆస్పత్రుల్లో వైద్యులకు రక్షణ కల్పించడంపై ప్రభుత్వం అత్యవసరంగా చర్యలు తీసుకోకుంటే వైద్య సేవల్ని మళ్లీ నిలిపివేస్తామని స్పష్టం చేశారు.