India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News December 30, 2024
పోలీస్ నిబంధనలు ఉల్లంఘిస్తే చట్టరీత్యా చర్యలు తప్పవు: ఎస్పీ
నూతన సంవత్సర వేడుకలలో ఎలాంటి అవాంఛనీయ ఘటనలు జరగకుండా చూసుకోవాలని, పోలీస్ నిబంధనలు ఉల్లంఘిస్తే చట్టరీత్య చర్యలు తప్పవని శ్రీ సత్యసాయి జిల్లా ఎస్పీ రత్న హెచ్చరించారు. జిల్లా వ్యాప్తంగా 30 పోలీస్ యాక్ట్ అమలులో ఉంటుందన్నారు. నూతన సంవత్సర వేడుకలు ఆరోగ్యకరమైన రీతిలో జరుపుకోవాలని అన్నారు. బహిరంగ ప్రదేశాలలో, రహదారులపై వేడుకల నిర్వహణకు అనుమతులు లేవన్నారు.
News December 30, 2024
యాడికి కానిస్టేబుల్‌కు CBWRలో చోటు
ఛాంపియన్ ఆఫ్ బుక్ ఆఫ్ వరల్డ్ రికార్డ్స్ (CBWR)లో అనంతపురం జిల్లా యాడికి పోలీస్ స్టేషన్ కానిస్టేబుల్ విష్ణు భగవాన్‌కు చోటు దక్కింది. ప్రపంచంలోని పురాతన నాణేల సేకరణలో విష్ణు భగవాన్ అత్యంత ప్రతిభ కనబరిచారని ఛాంపియన్ బుక్ ఆఫ్ వరల్డ్ రికార్డ్స్ నిర్వాహకులు పేర్కొన్నారు. ఈ నెల 31న గుజరాత్‌లో అవార్డు అందుకోనున్నారు.
News December 30, 2024
బంగారు దొంగలించిన ముగ్గురు ముద్దాయిల అరెస్టు
గోరంట్ల: ఇటీవల జరిగిన దొంగతనం పాల్పడిన దొంగలను ఎట్టికేలకు పట్టుకొని వారి వద్ద నుంచి 12 తులాల బంగారు నగలు, బైక్‌ను స్వాధీనం చేసుకుని ముద్దాయిలను అరెస్టు చేశామని సీఐ బోయ శేఖర్ తెలిపారు. ఈ మేరకు వివరాలను మీడియాకు వివరించారు. వీరు కొంత కాలంగా తాళాలు వేసిన ఇళ్లల్లో దొంగతనాలతో పాటు ఒంటరి మహిళలను టార్గెట్ చేస్తూ పలు దోపిడీలకు పాల్పడినట్లు తేలిందని వెల్లడించారు.
News December 29, 2024
కానిస్టేబుల్ ఈవెంట్స్‌కు 6,479 మంది: ఎస్పీ
ఈనెల 30 నుంచి జనవరి 17వ తేదీ వరకు నిర్వహించే పోలీస్ ఫిజికల్ ఈవెంట్స్‌కు 6,479 మంది హాజరవుతున్నారని అనంతపురం ఎస్పీ జగదీశ్ తెలిపారు. నగరంలోని నీలం సంజీవరెడ్డి మైదానంలో ఈరోజు చేపట్టిన ట్రైల్‌ రన్‌ సక్సెస్‌ అయ్యిందన్నారు. వీరిలో 5,242 మంది పురుష అభ్యర్థులు, 1,237 మంది మహిళా అభ్యర్థులు ఉన్నారని, మొత్తం కలిపి 6,479 మంది వస్తున్నట్లు ఎస్పీ వెల్లడించారు.
News December 29, 2024
నా పిల్లల్ని తెలుగులోనే చదివిస్తున్నా: మంత్రి సత్యకుమార్
మాతృ భాషలో చదువుకుంటేనే పిల్లలకు తెలివితేటలు వస్తాయని మంత్రి సత్యకుమార్ యాదవ్ అన్నారు. విజయవాడలో జరుగుతున్న ప్రపంచ తెలుగు రచయితల మహాసభల్లో ఆదివారం ఆయన మాట్లాడారు. తాను మరాఠీ అయినా తన పిల్లల్ని మాత్రం తెలుగులోనే చదివిస్తున్నానన్నారు. సంస్కృతి, వారసత్వం అన్నీ భాషతోనే ముడిపడి ఉంటాయని, ప్రస్తుతం చాలామందికి తెలుగు రాయడం, చదవడం రావట్లేదన్నారు. మన తెలుగు ఎప్పటికీ నిలిచి ఉంటుందని ఆయన వ్యాఖ్యానించారు.
News December 29, 2024
సహకార సంఘాల సభ్యులు ఈకేవైసీని చేపట్టాలి: కలెక్టర్
అనంతపురం: ప్రాథమిక సహకార సంఘాల సభ్యుల ఈకెవైసీని చేపట్టాలని జిల్లా కలెక్టర్ శివ్ నారాయణ శర్మ (ఎఫ్ఏసీ) పేర్కొన్నారు. కేంద్ర ప్రాయోజిత పథకమైన పీఏసీఎస్ కంప్యూటరైజేషన్‌‌లో భాగంగా రికార్డులలో ఈకేవైసీ నవీకరించుకోవాలని మిషన్ మోడ్‌లో చేపట్టినట్లు తెలిపారు. జిల్లాలోని అన్ని సహకార సంఘాల సభ్యులందరూ తప్పనిసరిగా ఈకేవైసీ చేసుకుంటే అర్హులైన వారు ప్రభుత్వ ఆర్థిక ప్రయోజనాలను పొందేందుకు అవకాశం ఉంటుందన్నారు.
News December 29, 2024
అనంత జిల్లా వాసులను ఢీకొట్టిన కారు
కడప జిల్లాలో జరిగిన రోడ్డు ప్రమాదంలో అనంతపురం జిల్లాకు చెందిన వారు తీవ్రంగా గాయపడ్డారు. ముద్దనూరు నుంచి తాడిపత్రి వైపు వెళ్తున్న కారు తాడిపత్రి నుంచి కొండాపురం వైపు వస్తున్న బైక్ ఎదురెదురుగా ఢీకొన్నాయి. అందులో బైకుమీదున్న సూరేపల్లి గ్రామానికి చెందిన రాము(33), ప్రణయ్(10) కాగా.. వారికి కాలు, చేయి విరిగినట్లు స్థానికులు తెలిపారు.
News December 29, 2024
అనంత: పోలీస్ స్టేషన్‌లోనే లాయర్ మృతి
పోలీస్ స్టేషన్‌లోనే లాయర్ కుప్పకూలి మృతి చెందిన ఘటన అనంతపురంలో శనివారం రాత్రి జరిగింది. ఆస్తి వివాదంపై లాయర్ శేషాద్రిని పోలీసులు స్టేషన్‌కు పిలిచి విచారించారు. సీఐ శాంతిలాల్ ఛాంబర్‌లో మాట్లాడుతుండగా కుప్పకూలి మృతిచెందినట్లు అతని సన్నిహితులు చెబుతున్నారు. అయితే విచారణకు పిలిచి కానిస్టేబుళ్లు, సీఐ కఠినంగా వ్యవహరించారని , తీవ్ర ఒత్తిడికి లోనై శేషాద్రి మృతి చెందాడని సన్నిహితులు ఆరోపిస్తున్నారు.
News December 29, 2024
కానిస్టేబుల్ అభ్యర్థులకు అనంతపురం ఎస్పీ కీలక సూచన
పోలీసు ఉద్యోగాల నియామకం విషయంలో దళారుల మాటలు నమ్మి మోసపోవద్దని అనంతపురం జిల్లా ఎస్పీ జగదీశ్ అభ్యర్థులకు సూచించారు. శనివారం ఆయన నగరంలోని సంజీవ రెడ్డి స్టేడియాన్ని పరిశీలించారు. ఎస్పీ మాట్లాడుతూ.. ప్రభుత్వ ఉద్యోగాలు ప్రతిభ ఆధారంగానే వస్తాయని స్పష్టం చేశారు. నిష్పక్షపాతంగా, పారదర్శకంగా పోలీసు కానిస్టేబుల్ దేహదారుఢ్య పరీక్షలు నిర్వహించేందుకు అన్ని రకాల ఏర్పాట్లు పూర్తి చేసినట్లు ఎస్పీ వెల్లడించారు.
News December 29, 2024
ధర్మవరం నుంచి శబరిమలకు సైకిల్ యాత్ర
అయ్యప్ప స్వాములు ధర్మవరం నుంచి శబరిమలకు సైకిల్ యాత్ర చేపడుతున్నారు. పట్టణంలోని చెరువు కట్ట వద్ద ఉన్న శ్రీ అయ్యప్ప స్వామి భజన మందిరం గురుస్వామి విజయ్ కుమార్ శిష్యులు 18 మంది సైకిల్‌పై అయ్యప్ప సన్నిధికి వెళ్తుండగా శనివారం పూజా కార్యక్రమాలు నిర్వహించారు. ఆదివారం ఉదయం 5 గంటల యాత్ర ప్రారంభమవుతుందని గురుస్వామి తెలిపారు. సుమారు 788 కి.మీ ప్రయాణించి వారు శబరిమల చేరుకుంటారు.
Featured News
Sorry, no posts matched your criteria.