India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News December 23, 2024
అర్ధరాత్రి పోలీస్‌స్టేషన్‌కు వెళ్లిన పరిటాల శ్రీరామ్
బత్తలపల్లి మండలం తంబాపురం గ్రామానికి చెందిన టీడీపీ కార్యకర్త ఎరుకల శివను పోలీసులు అదుపులోకి తీసుకున్నారు. విషయం తెలుసుకున్న ధర్మవరం నియోజకవర్గ ఇన్‌ఛార్జ్ పరిటాల శ్రీరామ్ అర్ధరాత్రి పోలీస్‌స్టేషన్‌కు వెళ్లి పోలీసులతో మాట్లాడారు. కార్యకర్తను విడుదల చేయించారు. కాగా జనసేన నాయకుల ఒత్తిడితోనే టీడీపీ కార్యకర్తను పోలీసులు అదుపులోకి తీసుకుని ఇబ్బంది పెట్టారని టీడీపీ నేతలు ఆరోపించారు.
News December 23, 2024
పుట్టపర్తిలో డ్రోన్ కెమెరాలతో నిఘా
పుట్టపర్తి గ్రామీణ ప్రాంతాలలోని నిర్మానుష్య ప్రదేశాలపై పోలీసులు డ్రోన్ కెమెరాలతో పర్యవేక్షణ చేపట్టారు. ఆదివారం సాయంత్రం అటవీ ప్రాంతాలైన అమకొండపాళ్యం, వెంగళమ్మ చెరువు పరిసర ప్రాంతాలతో పోలీసులు ప్రత్యేక డ్రోన్ కెమెరాలతో పర్యవేక్షణ ఏర్పాటు చేశారు. ఆయా ప్రాంతాల్లో బహిరంగ మద్యం తాగటం, పేకాట వంటి అసాంఘిక కార్యకలాపాల నిర్వహణ జరగకుండా పోలీసులు ప్రత్యేక పర్యవేక్షణ పెట్టారు.
News December 22, 2024
ప్రజా సమస్యలపై రేపు అర్జీలు స్వీకరిస్తాం: ఇన్‌ఛార్జ్ కలెక్టర్
ప్రజా సమస్యలపై రేపు (సోమవారం) అర్జీలు స్వీకరిస్తామని అనంతపురం జిల్లా ఇన్‌ఛార్జ్ కలెక్టర్ శివ్ నారాయణ్ శర్మ వెల్లడించారు. కలెక్టరేట్‌లో ప్రజా సమస్యల పరిష్కార వేదిక (పబ్లిక్ గ్రీవెన్స్ రెడ్రసెల్ సిస్టం-పీజీఆర్ఎస్) కార్యక్రమం ఉంటునాదన్నారు. కార్యక్రమానికి అన్ని శాఖల అధికారులు హాజరవుతారన్నారు. ప్రజలు తమ సమస్యలపై అర్జీలు ఇవ్వాలని కోరారు.
News December 22, 2024
వైసీపీ జిల్లా బూత్ కమిటీల విభాగం అధ్యక్షుడిగా అమర్నాథ్ రెడ్డి
అనంతపురం వైసీపీ జిల్లా బూత్ కమిటీల విభాగం అధ్యక్షుడిగా వై.అమర్నాథ్ రెడ్డి నియమితులయ్యారు. ఈ మేరకు శనివారం సాయంత్రం వైసీపీ కేంద్ర కార్యాలయం నుంచి ఉత్తర్వులు జారీ అయ్యాయి. అమర్నాథ్ రెడ్డి మాట్లాడుతూ.. తనకు అవకాశం కల్పించిన వైసీపీ అధినేత వైఎస్ జగన్‌కు, వైసీపీ జిల్లా అధ్యక్షుడు అనంత వెంకటరామిరెడ్డికు రుణపడి ఉంటానని తెలిపారు.
News December 22, 2024
బీసీ వసతి గృహ విద్యార్థి అదృశ్యం.. మంత్రి సవిత ఫైర్
శ్రీ సత్యసాయి జిల్లా పరిధిలోని కదిరి బీసీ వసతి గృహంలో 10వ తరగతి చదువుతున్న జగదీశ్ నాయక్ అదృశ్యం కావడంపై బీసీ సంక్షేమ శాఖ మంత్రి సవిత తీవ్ర ఆగ్రహం వ్యక్తం చేశారు. తక్షణమే విద్యార్థిని వెతికి పట్టుకోవాలని పోలీసులను ఆదేశించారు. తనకల్లు మండలం రత్నా నాయక్ తండాకు చెందిన జగశ్ష్ నాయక్ శనివారం ఉదయం అదృశ్యమైనట్టు తోటి విద్యార్థులు పేర్కొన్నారు. విద్యార్థుల కదిలికపై కన్నేసి ఉంచాలని సిబ్బందిని ఆదేశించారు.
News December 22, 2024
జాతి వైర్యాన్ని మరిచి తల్లి ప్రేమను చాటిన వరాహం
రాయదుర్గంలో జాతి వైర్యాన్ని సైతం మరిచి ఓ వరాహం శునకం పిల్లలకు పాలు ఇచ్చి అమ్మతనాన్ని చాటుకుంది. కోటలో శంకరమఠం ఆలయం సమీపాన ఈ వింత ఘటన చోటుచేసుకుంది. ప్రజలు ఈ ఘటన చూసి ఆశ్చర్యం వ్యక్తం చేశారు. మనుషుల్లో మానవత్వం కనుమరుగవుతున్న నేపథ్యంలో ఈ ఘటన ఆశ్చర్యానికి గురిచేసిందని స్థానికులు తెలిపారు.
News December 22, 2024
రౌడీషీటర్లు, చెడునడత కల్గిన వారిపై ప్రత్యేక నిఘా కొనసాగించండి: ఎస్పీ
రౌడీషీటర్లు, చెడునడత కల్గిన వారిపై ప్రత్యేక నిఘా కొనసాగించాలని జిల్లా ఎస్పీ జగదీష్ ఆదేశించారు. కసాపురం పోలీస్ స్టేషన్‌లో శనివారం ఆయన వార్షిక తనిఖీ నిర్వహించారు. పోలీస్ స్టేషన్ పరిసరాలను, రిసెప్షన్ కౌంటర్‌ను, లాకప్ గదులను, కంప్యూటర్ గదిని క్షుణ్ణంగా తనిఖీ చేశారు. పెండింగ్ కేసుల సీడీ ఫైల్స్‌ను పరిశీలించి, ఆయా కేసుల పురోగతిని తెలుసుకుని తగు సూచనలు చేశారు.
News December 21, 2024
అనంతపురం జిల్లాలో వరుస రోడ్డు ప్రమాదాలు
అనంతపురం జిల్లాలో వరుస రోడ్డు ప్రమాదాలు భయాందోళన కలిగిస్తున్నాయి. 2 నెలల వ్యవధిలో మూడు ఘోర ప్రమాదాలు జరగ్గా 18 మంది మృతి చెందారు. అక్టోబర్ 26న శింగనమల సమీపంలో ఎదురుగా వస్తున్న లారీని కారు ఢీకొట్టిన దుర్ఘటనలో ఆరుగురు అక్కడికక్కడే మృతి చెందారు. నవంబరు 23న గార్లదిన్నె మం. తలగాసుపల్లె వద్ద ఆటోను RTC బస్సు ఢీకొనడంతో 8 మంది మృతి దుర్మరణం చెందారు. నేడు మడకశిర మండలంలో జరిగిన ప్రమాదంలో నలుగురు మృతిచెందారు.
News December 21, 2024
అనంతలో విషాదం.. యువకుడి సూసైడ్
అనంతపురంలోని హౌసింగ్ బోర్డు కాలనీలో నివాసముండే కురుబ శివా అనే యువకుడు శుక్రవారం ఇంట్లో ఎవరూ లేని సమయంలో ఉరివేసుకుని ఆత్మహత్యకు పాల్పడ్డాడు. స్థానికులు పోలీసులకు సమాచారం అందించడంతో వారు ఘటనా స్థలానికి చేరుకుని పరిశీలించారు. మృతదేహాన్ని పోస్ట్‌మార్టం నిమిత్తం ఆసుపత్రికి తరలించారు. ఆత్మహత్యకు గల కారణాలు తెలియాల్సి ఉంది. ఈ ఘటనపై పోలీసులు విచారణ చేపట్టారు.
News December 21, 2024
ఏపీ అభివృద్ధి కి నిధులు ఇవ్వండి: పయ్యావుల
రాజస్తాన్‌లో కేంద్రం ఆర్థిక మంత్రి నిర్వహించిన రాష్ట్ర ఆర్ధిక మంత్రుల సమావేశంలో ఏపీ ఆర్థిక శాఖ మంత్రి పయ్యావుల కేశవ్ పాల్గొన్నారు. 2025-26 కేంద్ర బడ్జెట్‌పై సమావేశం నిర్వహించారు. రాష్ట్ర ఆర్థిక అవసరాలు, ప్రాధాన్యతా రంగాలకు అవసరమైన నిధులపై కేంద్ర మంత్రి నిర్మలా సీతారామన్‌కు వివరించారు. వెనుకబడిన జిల్లాల అభివృద్ధి, చేనేత క్లస్టర్ల ఏర్పాటు, ఏవియేషన, పెట్రోల్ యూనివర్సిటీలకు నిధులు ఇవ్వాలని కోరారు.
Featured News
Sorry, no posts matched your criteria.