India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News August 31, 2024
సీజనల్ వ్యాధులపై అప్రమత్తంగా ఉండండి: మంత్రి
ప్రజలు, అధికారులు ప్రస్తుత వర్షాల పట్ల అప్రమత్తంగా ఉండాలని ధర్మవరం ఎమ్మెల్యే, రాష్ట్ర వైద్యారోగ్యశాఖ మంత్రి సత్యకుమార్ యాదవ్ పేర్కొన్నారు. శనివారం ఆయన మాట్లాడుతూ.. ధర్మవరంలో వర్షాలు ఎక్కువగా కురుస్తున్నందున వైద్య సిబ్బంది, అధికారులు అప్రమత్తంగా ఉండాలన్నారు. సీజనల్ వ్యాధులు ప్రబలకుండా ప్రతిరోజు శానిటేషన్ కార్యక్రమాలు చేస్తుండాలని, ఆస్పత్రులలో డాక్టర్లు అందుబాటులో ఉండాలని సూచించారు.
News August 31, 2024
సత్యసాయి: హెయిర్ కలర్ తాగి ఆత్మహత్యాయత్నం
ధర్మవరం మండలం వెంకట తిమ్మాపురం గ్రామానికి చెందిన అక్కమ్మ శనివారం తలకు వేసుకునే రంగును నీటిలో కలుపుకొని తాగి ఆత్మహత్యాయత్నం చేసింది. కుటుంబ సభ్యులు గమనించి అక్కమ్మను ధర్మవరం ప్రభుత్వ ఆసుపత్రికి తరలించారు. ఆమె భర్త వెంకటేశులు ఆటో డ్రైవర్‌గా పని చేస్తున్నాడు. అక్కమ్మ ఆత్మహత్యాయత్నానికి గల కారణాలపై ధర్మవరం రూరల్ పోలీసులు కేసు నమోదు చేసుకుని దర్యాప్తు చేస్తున్నారు. పూర్తి వివరాలు తెలియాల్సి ఉంది.
News August 31, 2024
అనంతపురం జిల్లాలో TODAY TOP NEWS
☞ ఆత్మకూరులో పర్యటించిన కలెక్టర్ వినోద్ కుమార్ ☞ భారీ వర్షాలు.. కంట్రోల్ రూమ్ ఏర్పాటు ☞ దులీప్ క్రికెట్ ట్రోపీకి ఎంట్రీ పాసుల పంపిణీ ☞ అనంత జిల్లాలో వర్షంలోనూ పింఛన్ పంపిణీ ☞ గుత్తిలో గ్యాస్ సిలిండర్ లీక్.. పరుగులు తీసిన జనాలు ☞ అనంత జిల్లాలో 206.8 మిల్లీమీటర్ల వర్షపాతం ☞ ఉరవకొండలో విద్యుత్ షాక్ తో రైతు మృతి ☞ పెన్నాహోబిలంలో ఘనంగా శ్రీవారి పల్లకి ఉత్సవం ☞ భక్తులతో కిటకిటలాడిన కసాపురం క్షేత్రం.
News August 31, 2024
సత్యసాయి జిల్లాలో TODAY TOP NEWS
☞ చిలమత్తురులో పాఠశాలను తనిఖీ చేసిన మంత్రి సవిత ☞ కొత్తచెరువులో పింఛన్ పంపిణీ చేసిన కలెక్టర్ చేతన్ ☞ ముదిగుబ్బలో విద్యుత్ సబ్ స్టేషన్‌కు తలలు వేసిన రైతులు ☞ మడకశిరలో పోలీస్ స్టేషన్ ముందు సైకో వీరంగం ☞ కొత్తచెరువులో ఉద్రిక్తత ☞ బత్తలపల్లిలో ఆర్టీసీ బస్సుపై పడిన విద్యుత్ స్తంభం ☞ 13 ఏళ్ల తర్వాత కోడికొండ చెక్ పోస్ట్ కేసు కొట్టివేత ☞ పుట్టపర్తిలో టీచర్ గా మారిన ఎమ్మెల్యే సింధూర రెడ్డి.
News August 31, 2024
శ్రీసత్యసాయి: సంస్కృతి, వారసత్వంపై రీల్స్ చేస్తే.. లక్ష బహుమతి
శ్రీ సత్య సాయి జిల్లాలోని పర్యాటక ప్రదేశాల సంస్కృతి, వారసత్వాన్ని ప్రతిబింబించే విధంగా వీడియోలు, రీల్స్ చేయాలని జిల్లా పర్యాటకశాఖ అధికారి జయ కుమార్ బాబు తెలిపారు. రీల్స్ చేసిన వారిలో ముగ్గురిని ఎంపిక చేసి వారికి ప్రోత్సాహక బహుమతులు అందజేస్తామన్నారు. ప్రథమ బహుమతి లక్ష రూపాయలు, ద్వితీయ బహుమతి రూ.50,000, తృతీయ బహుమతి రూ.25000 ఇవ్వడం జరుగుతుందన్నారు. సెప్టెంబర్ 5 లోగా రీల్స్ పంపాలన్నారు.
News August 31, 2024
సెంట్రల్ యూనివర్శిటీలో అడ్మిషన్ లకు గడువు పొడిగింపు
అనంతపురంలోని ఆంధ్రప్రదేశ్ కేంద్రీయ విశ్వవిద్యాలయంలో యూజీ కోర్సుల స్పాట్ అడ్మిషన్ ల గడువును సెప్టెంబర్ 6 వరకూ పొడగించినట్లు విశ్వవిద్యాలయ పరీక్షల నిర్వహణాధికారి ప్రొఫెసర్ హనుమాన్ కెన్నడి శనివారం ఒక ప్రకటనలో తెలియజేశారు. ఆసక్తి గల వారు సెప్టెంబర్ 6వ తేదీ లోపు తమ యూనివర్శిటీకి మెయిల్ చేసి దరఖాస్తు చేసుకోవచ్చని తెలియజేశారు. పూర్తీ వివరాలకు యూనివర్శిటీ లోని సంబంధిత అధికారులను సంప్రదించాలని కోరారు.
News August 31, 2024
సింగల్ విండో విధానంతో గణేష్ ఉత్సవాలకు అనుమతులు
శ్రీ సత్య సాయి జిల్లాలో గణేష్ ఉత్సవాలు నిర్వహించే నిర్వాహకులకు సింగల్ విండో విధానంతో అనుమతులు ఇవ్వనున్నట్టు జిల్లా ఎస్పీ రత్న పేర్కొన్నారు. రాష్ట్ర ప్రభుత్వం నూతనంగా రూపొందించిన ప్రత్యేక పోర్టల్ ద్వారా అనుమతులు పొందవచ్చునన్నారు. 7995095800 నెంబర్ కు వాట్సప్ ద్వారా”Hi”అని సందేశం పంపిస్తే ఎన్వోసీ పత్రం కోసం అనుసరించాల్సిన ప్రక్రియ వాట్సాప్ కు వస్తుందన్నారు.
News August 31, 2024
ఒకే కుటుంబానికి రూ.40 వేల పింఛన్
అనంతపురం జిల్లా కళ్యాణదుర్గం మండలంలో ఎమ్మెల్యే అమిలినేని సురేంద్ర బాబు ఒకే కుటుంబానికి రూ.40 వేల పింఛన్ అందజేశారు. బోరంపల్లి గ్రామంలోని ఎర్రిస్వామి కుటుంబంలో ఒక వృద్ధ్యాప్య, ఒక దివ్యాంగ పింఛన్లతో మంచానికే పరిమితమైన వారి పింఛన్లు రెండు ఉన్నాయి. దీంతో వృద్ధ్యాప్య పింఛన్ ₹4 వేలు, దివ్యాంగ పింఛన్ ₹6 వేలు, మంచానికి పరిమితమైన ఇద్దరికీ చెరో రూ.15 వేలు చొప్పున మొత్తంగా ₹40 వేలను ఆ కుటుంబానికి అందజేశారు.
News August 31, 2024
పండగలా పింఛన్ల పంపిణీ
అనంతపురం, సత్యసాయి జిల్లాల్లో పింఛన్ పంపిణీ జోరుగా సాగుతోంది. ఉదయం 6 గంటల నుంచే సచివాలయ సిబ్బంది ఇంటింటికీ వెళ్లి లబ్ధిదారులకు నగదు అందజేస్తున్నారు. ఉదయం 10 గంటలకు అనంతపురం జిల్లాలో 2,84,358 మందికి గానూ 2,41,351 మందికి, సత్యసాయి జిల్లాలో 2,68,079 మందికి గానూ 1,99,592 మందికి పింఛన్ సొమ్ము అందజేశారు. అనంతపురం జిల్లాలో 84.88%, సత్యసాయి జిల్లాలో 74.45% పంపిణీ పూర్తయింది.
News August 31, 2024
దిలీప్ ట్రోఫీ.. నేడే ఫ్రీ పాసుల జారీ
అనంతపురంలోని ఆర్డీటీ క్రికెట్ మైదానంలో నేటి నుంచి దులీప్ ట్రోఫీ మ్యాచ్‌లకు సంబంధించి ఉచిత పాసులు ఇవ్వనున్నట్లు ఏసీఏ త్రిసభ్య కమిటీ సభ్యుడు మాంచో ఫెర్రర్ తెలిపారు. ఉదయం 11 గంటల నుంచి పాసులు జారీ చేస్తామన్నారు. సెప్టెంబర్ 5 నుంచి జరగనున్న మ్యాచ్‌లను ప్రత్యక్షంగా తిలకించాలంటే పాసులు తప్పనిసరి అని తెలిపారు. ఈ టోర్నీలో గిల్, రాహుల్, SKY, రుతురాజ్, కుల్‌దీప్ తదితర ప్లేయర్లు బరిలోకి దిగనున్నారు.
Featured News
Sorry, no posts matched your criteria.