India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News December 29, 2024
సహకార సంఘాల సభ్యులు ఈకేవైసీని చేపట్టాలి: కలెక్టర్
అనంతపురం: ప్రాథమిక సహకార సంఘాల సభ్యుల ఈకెవైసీని చేపట్టాలని జిల్లా కలెక్టర్ శివ్ నారాయణ శర్మ (ఎఫ్ఏసీ) పేర్కొన్నారు. కేంద్ర ప్రాయోజిత పథకమైన పీఏసీఎస్ కంప్యూటరైజేషన్‌‌లో భాగంగా రికార్డులలో ఈకేవైసీ నవీకరించుకోవాలని మిషన్ మోడ్‌లో చేపట్టినట్లు తెలిపారు. జిల్లాలోని అన్ని సహకార సంఘాల సభ్యులందరూ తప్పనిసరిగా ఈకేవైసీ చేసుకుంటే అర్హులైన వారు ప్రభుత్వ ఆర్థిక ప్రయోజనాలను పొందేందుకు అవకాశం ఉంటుందన్నారు.
News December 29, 2024
అనంత జిల్లా వాసులను ఢీకొట్టిన కారు
కడప జిల్లాలో జరిగిన రోడ్డు ప్రమాదంలో అనంతపురం జిల్లాకు చెందిన వారు తీవ్రంగా గాయపడ్డారు. ముద్దనూరు నుంచి తాడిపత్రి వైపు వెళ్తున్న కారు తాడిపత్రి నుంచి కొండాపురం వైపు వస్తున్న బైక్ ఎదురెదురుగా ఢీకొన్నాయి. అందులో బైకుమీదున్న సూరేపల్లి గ్రామానికి చెందిన రాము(33), ప్రణయ్(10) కాగా.. వారికి కాలు, చేయి విరిగినట్లు స్థానికులు తెలిపారు.
News December 29, 2024
అనంత: పోలీస్ స్టేషన్‌లోనే లాయర్ మృతి
పోలీస్ స్టేషన్‌లోనే లాయర్ కుప్పకూలి మృతి చెందిన ఘటన అనంతపురంలో శనివారం రాత్రి జరిగింది. ఆస్తి వివాదంపై లాయర్ శేషాద్రిని పోలీసులు స్టేషన్‌కు పిలిచి విచారించారు. సీఐ శాంతిలాల్ ఛాంబర్‌లో మాట్లాడుతుండగా కుప్పకూలి మృతిచెందినట్లు అతని సన్నిహితులు చెబుతున్నారు. అయితే విచారణకు పిలిచి కానిస్టేబుళ్లు, సీఐ కఠినంగా వ్యవహరించారని , తీవ్ర ఒత్తిడికి లోనై శేషాద్రి మృతి చెందాడని సన్నిహితులు ఆరోపిస్తున్నారు.
News December 29, 2024
కానిస్టేబుల్ అభ్యర్థులకు అనంతపురం ఎస్పీ కీలక సూచన
పోలీసు ఉద్యోగాల నియామకం విషయంలో దళారుల మాటలు నమ్మి మోసపోవద్దని అనంతపురం జిల్లా ఎస్పీ జగదీశ్ అభ్యర్థులకు సూచించారు. శనివారం ఆయన నగరంలోని సంజీవ రెడ్డి స్టేడియాన్ని పరిశీలించారు. ఎస్పీ మాట్లాడుతూ.. ప్రభుత్వ ఉద్యోగాలు ప్రతిభ ఆధారంగానే వస్తాయని స్పష్టం చేశారు. నిష్పక్షపాతంగా, పారదర్శకంగా పోలీసు కానిస్టేబుల్ దేహదారుఢ్య పరీక్షలు నిర్వహించేందుకు అన్ని రకాల ఏర్పాట్లు పూర్తి చేసినట్లు ఎస్పీ వెల్లడించారు.
News December 29, 2024
ధర్మవరం నుంచి శబరిమలకు సైకిల్ యాత్ర
అయ్యప్ప స్వాములు ధర్మవరం నుంచి శబరిమలకు సైకిల్ యాత్ర చేపడుతున్నారు. పట్టణంలోని చెరువు కట్ట వద్ద ఉన్న శ్రీ అయ్యప్ప స్వామి భజన మందిరం గురుస్వామి విజయ్ కుమార్ శిష్యులు 18 మంది సైకిల్‌పై అయ్యప్ప సన్నిధికి వెళ్తుండగా శనివారం పూజా కార్యక్రమాలు నిర్వహించారు. ఆదివారం ఉదయం 5 గంటల యాత్ర ప్రారంభమవుతుందని గురుస్వామి తెలిపారు. సుమారు 788 కి.మీ ప్రయాణించి వారు శబరిమల చేరుకుంటారు.
News December 29, 2024
ఇంటి పట్టాలు పంపిణీ చేసిన విప్ కాలవ శ్రీనివాసులు
బొమ్మనహాల్ మండలంలోని గోనేహాళ్ గ్రామంలో శనివారం ప్రభుత్వ విప్, రాయదుర్గం ఎమ్మెల్యే కాలవ శ్రీనివాసులు పర్యటించారు. కళ్యాణదుర్గం ఆర్డీవో వసంత బాబు, తుంగభద్ర ప్రాజెక్ట్ వైస్ ఛైర్మన్ కేశవరెడ్డితో కలిసి 75 మంది లబ్ధిదారులకు ఇంటి పట్టాల పంపిణీ చేశారు. కూటమి ప్రభుత్వం పేదల సంక్షేమమే లక్ష్యంగా పని చేస్తోందని ఆయన తెలిపారు. అనేక సంక్షేమ పథకాలు ప్రవేశపెడుతున్నట్లు వివరించారు.
News December 28, 2024
అనంతపురం జేఎన్టీయూ పరిధిలో ఫలితాలు విడుదల
అనంతపురం జేఎన్టీయూ పరిధిలో అక్టోబర్, నవంబర్ నెలల్లో నిర్వహించిన ప్రీ పీహెచ్‌డీ సప్లిమెంటరీ పరీక్షల ఫలితాలను విడుదల చేసినట్లు డైరెక్టర్ ఆఫ్ ఎవాల్యూయేషన్ నాగప్రసాద్ నాయుడు, కంట్రోలర్ ఆఫ్ ఎగ్జామినేషన్స్ శివ కుమార్ తెలిపారు. విద్యార్థులు తమ ఫలితాల కోసం https://jntuaresults.ac.in/ వెబ్ సైట్‌ను సందర్శించాలని సూచించారు.
News December 28, 2024
మన్మోహన్ సింగ్.. శ్రీ సత్యసాయి బాబా భక్తుడు
శ్రీ సత్యసాయి జిల్లా పుట్టపర్తికి మాజీ ప్రధాని మన్మోహన్ సింగ్ బాబా దర్శనం కోసం వచ్చేవారు. 2010లో సత్యసాయి సెంట్రల్ ట్రస్ట్ 29వ కాన్విగేషన్ సర్టిఫికెట్ల ప్రదానం కార్యక్రమానికి ఆయన అతిథిగా వచ్చారు. అనంతరం 2011లో సత్యసాయి బాబా మరణించిన రోజు వచ్చి కన్నీటి పర్యంతమయ్యారు. 2016లో సత్యసాయి బాబా మహా సమాధిని దర్శించుకున్నారు.
News December 28, 2024
ఉరవకొండ మాజీ ఎమ్మెల్యేపై కేసు నమోదు
ఉరవకొండ వైసీపీ మాజీ ఎమ్మెల్యే విశ్వేశ్వర్ రెడ్డిపై పోలీసులు కేసు నమోదు చేశారు. 30 పోలీస్ యాక్ట్ అమలులో ఉండగా విద్యుత్ ఛార్జీలు తగ్గించాలంటూ వైసీపీ శ్రేణులు ర్యాలీ నిర్వహించాయని, దీంతో రాకపోకలు స్తంభించి ప్రజలు ఇబ్బందులకు గురయ్యారని టీడీపీ మండల కార్యదర్శి గోవిందు పోలీసులకు ఫిర్యాదు చేశారు. మాజీ ఎమ్మెల్యేతో పాటు 16 మందిపై కేసు నమోదైంది.
News December 28, 2024
బత్తలపల్లి: అభిమానులతో జగన్ సెల్ఫీ
కడప జిల్లా పర్యటన ముగించుకున్న జగన్ నిన్న శ్రీసత్యసాయి జిల్లా మీదుగా బెంగళూరు వెళ్లారు. ఈక్రమంలో బత్తలపల్లి టోల్‌గేట్ వద్ద ధర్మవరం మాజీ ఎమ్మెల్యే కేతిరెడ్డి జగన్‌ను కలిశారు. ఆయనతో పాటు వైసీపీ అభిమానులు భారీగా వచ్చారు. వైసీపీ అధినేతతో ముచ్చటించడానికి పోటీ పడ్డారు. అందరితో జగన్ కరచాలనం చేశారు. చివరిలో ఇలా సెల్ఫీ తీశారు.
Featured News
Sorry, no posts matched your criteria.