India's largestHyperlocal short
news App
Get daily news updates that are tailored for you based on your preferred language & location.
download Way2News app now
Anantapur
News October 2, 2025
అంతర్జాతీయ ఫిడే క్లాసికల్ రేటింగ్‌లో చిన్నారి రతనతేజ్
అతిచిన్న వయసులోనే తాడిపత్రికి చెందిన చెస్ క్రీడాకారుడు చిన్నారి రతనతేజ్ బుధవారం విడుదల చేసిన అంతర్జాతీయ ఫిడే క్లాసికల్ రేటింగ్‌లో స్థానం సాధించాడు. శిక్షకుడు సురేంద్రనాథ్ మాట్లాడుతూ.. స్విట్జర్లాండ్‌లోని ప్రపంచ చదరంగం సమాఖ్య విడుదల చేసిన ఇంటర్నేషనల్ ఫిడే రేటింగ్ క్రీడాకారుల జాబితాలో కేవలం ఏడేళ్ల రతనతేజ్ ఉండటం ఆనందంగా ఉందన్నారు. ఇంటర్నేషనల్ ఆర్బిటర్ ఉదయ్ కుమార్ అభినందించారు.
News October 1, 2025
పెన్షన్లు పంపిణీ చేసిన జిల్లా కలెక్టర్ ఆనంద్
అనంతపురంలోని బుడ్డప్ప నగర్లో బుధవారం ఉదయం పెన్షన్ లబ్ధిదారులకు జిల్లా కలెక్టర్ ఓ.ఆనంద్ పెన్షన్లు పంపిణీ కార్యక్రమాన్ని చేపట్టారు. కలెక్టర్ మాట్లాడుతూ.. జిల్లాలో 2లక్షల 79వేల మందికి పింఛన్లు అందజేస్తున్నామని తెలిపారు. అనంతరం అక్కడి స్థానికుల సమస్యలను అడిగి తెలుసుకున్నారు. కార్యక్రమంలో ఎమ్యెల్యే దగ్గుపాటి ప్రసాద్, జిల్లా స్థాయి అధికారులు పాల్గొన్నారు.
News September 30, 2025
రేషన్ షాపులకు అక్టోబర్ నెల రేషన్ సరుకుల రాక
అనంతపురం జిల్లాలోని 6,62,014 రైస్ కార్డుదారులకు సరిపడా నిత్యావసర సరుకులు 1645 చౌక ధరల దుకాణాలకు కేటాయించామని జాయింట్ కలెక్టర్ శివ నారాయణ శర్మ తెలిపారు. ప్రతి నెల 1 నుంచి 15వ తేదీ వరకు ఉదయం 8 నుంచి మధ్యాహ్నం 12 గంటల వరకు, తిరిగి సాయంత్రం 4 నుంచి రాత్రి 8 గంటల వరకు రేషన్ షాపుల వద్దనే బియ్యం కార్డుదారులకు సరఫరా చేస్తామని వెల్లడించారు.
News September 30, 2025
కలెక్టర్ ఆనంద్ మార్క్.. అధికారుల్లో దడ!
అనంతపురం (D) కలెక్టర్ ఆనంద్ తనదైన మార్క్ చూపిస్తూ విధుల్లో నిర్లక్ష్యం వహిస్తున్న అధికారులకు వణుకు పుట్టిస్తున్నారు. ‘మార్పు రావాల్సిందే. లేకుంటే మార్చేస్తా’ అంటూ స్పష్టమైన హెచ్చరిక జారీ చేశారు. ఇటీవల ఉరవకొండ ప్రభుత్వాసుపత్రిలో బాలుడు మృతిచెందడంతో నిర్లక్ష్యం వహించిన ఇద్దరు వైద్యులను వెంటనే సస్పెండ్ చేశారు. అలాగే తన క్యాంపు కార్యాలయంలో వ్యక్తిగత సిబ్బందిని సైతం 9 నుంచి ముగ్గురికి తగ్గించడం విశేషం.
News September 29, 2025
అర్జీలు స్వీకరించిన అనంతపురం కలెక్టర్
అనంతపురంలోని కలెక్టరేట్ కార్యాలయంలో సోమవారం జిల్లా కలెక్టర్ ఆనంద్ ప్రజా సమస్యల పరిష్కార వేదిక కార్యక్రమాన్ని నిర్వహించారు. ఈ సందర్భంగా ప్రజలు తాము ఎదుర్కొంటున్న సమస్యలను అర్జీల రూపంలో కలెక్టర్‌కు అందజేశారు. జిల్లా నలుమూలల నుంచి ప్రజలు తరలివచ్చి అర్జీలు ఇచ్చారు. ఈ కార్యక్రమంలో జాయింట్ కలెక్టర్ సచిన్ రహర్, డీఆర్ఓ మలోల పాల్గొన్నారు.
News September 28, 2025
ధన్, ధాన్య కృషి యోజనలో అనంతపురం జిల్లా ఎంపిక
PM ధన్, ధాన్య కృషి యోజన కింద దేశంలోని 100 ఆశావహ వ్యవసాయ జిల్లాల్లో అనంతపురం ఎంపికైనట్లు MP అంబికా లక్ష్మీనారాయణ ఆదివారం తెలిపారు. PM మోదీ, కేంద్ర మంత్రి శివరాజ్ సింగ్ చౌహాన్‌, CM చంద్రబాబుకి కృతజ్ఞతలు తెలిపారు. అధికారులు పంట ఉత్పాదకత తక్కువగా ఉండడం, తక్షణ రుణాల పంపిణీ పరిమితంగా ఉండడం వంటివి ఆధారంగా తీసుకున్న నిర్ణయం మంచిపరిణామమన్నారు.
News September 28, 2025
అనంతపురం జిల్లాలో పింఛన్లకు రూ.124.77 కోట్లు మంజూరు
అక్టోబర్ 1న ఎన్టీఆర్ సామాజిక భద్రత పింఛన్లు పంపిణీ చేయనున్నట్లు అధికారులు వెల్లడించారు. అనంతపురం జిల్లాలో 2,79,933 మంది లబ్ధిదారులకు రూ.124.7 కోట్లు మంజూరు చేశారు. సచివాలయం సిబ్బంది ఉదయం 7 గంటలకు లబ్ధిదారుల ఇళ్ల వద్దకు వెళ్లి సొమ్ము అందజేయనున్నారు. అక్టోబర్ 2 సెలవు కారణంగా మొదటి రోజు పొందని వారు అక్టోబర్ 3న సచివాలయాలలో పెన్షన్ తీసుకోవచ్చని DRDA పీడీ శైలజ తెలిపారు.
News September 28, 2025
‘తాడిపత్రిలో 23 ఏళ్ల తర్వాత ఒక్కటయ్యారు’
తాడిపత్రిలో ఆ మిత్రులందరూ 23 ఏళ్ల తర్వాత ఒకే చోట కలుసుకున్నారు. దాదాపు 30 మంది విద్యార్థులు ఉన్నత విద్యాభ్యాసం అభ్యసించి డాక్టర్లు, జడ్జి, టీచర్స్, ASPలుగా ఉన్నత పదవుల్లో ఉన్నారు. దాదాపు 23 ఏళ్ల తర్వాత తమ గురువులతో కలిసి మిత్రులతో సంతోషంగా గడపడం ఎంతో సంతోషంగా ఉందని కరస్పాండెంట్ సిస్టర్ సెలీన్ పేర్కొన్నారు.
News September 27, 2025
అనంతపురం జిల్లాలో 82.6 మి.మీ వర్షపాతం నమోదు
అనంతపురం జిల్లా వ్యాప్తంగా 82.6 మి.మీ వర్షపాతం నమోదైనట్లు జిల్లా ముఖ్య ప్రణాళిక అధికారి అశోక్ కుమార్ తెలిపారు. విడపనకల్ 11.4, గుత్తి 10.8, ఉరవకొండ 6.8, ఆత్మకూరు 5.4, కనేకల్ 5.2, పెద్దవడుగూరు 5.2, వజ్రకరూరు 5.0, గుంతకల్ 4.2, గార్లదిన్నె 4.2, నార్పల 3.6, BKS 3.2, బొమ్మనహళ్ 2.4, పామిడి 2.4, బెలుగుప్పలో 1.8 మిల్లీమీటర్ల వర్షం కురిసిందని చెప్పారు.
News September 27, 2025
రానున్న 4 రోజులపాటు వర్షాలు
రానున్న రెండు రోజులపాటు అనంతపురం జిల్లాకు వర్ష సూచన ఉందని వ్యవసాయ పరిశోధన స్థానం ప్రధాన శాస్త్రవేత్త విజయ్ శంకర్ బాబు, సీనియర్ శాస్త్రవేత్త నారాయణ స్వామి తెలిపారు. నేడు 10.5 మి.మీ సగటుతో మోస్తరు వర్షం పడే సూచనలు ఉన్నాయన్నారు. 28న 3 మి.మీ సగటు వర్షపాతం నమోదు కానుందన్నారు. 29, 30, 31వ తేదీలలో తుంపర్లు పడే సూచన ఉందని పేర్కొన్నారు.
Featured News
Sorry, no posts matched your criteria.