India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News January 12, 2025
తూ.గో: భోగి మంట వేస్తున్నారా?
సంక్రాంతి వేడుకలో మొదటి రోజు భోగి. తెల్లవారుజామున భోగి మంటలు వేయడంతో పండుగ సెలబ్రేషన్స్‌ మొదలవుతాయి. ఇంటింటా ఉత్సాహంగా భోగి మంటలు వేసుకుంటారు. మరి మీరూ రేపు భోగి మంట వేస్తున్నారా? మీసెలబ్రేషన్స్‌‌ను వే2న్యూస్‌లో చూడాలనుకుంటున్నారా? అయితే మీ భోగి మంటను వీడియో తీసి ఈ 73311 61607కు వాట్సాప్ చేయండి. మీ గ్రామం, మండలం పేర్లు తప్పక పంపండి. మేము పబ్లిష్ చేస్తాం.
News January 12, 2025
తూ.గో: ఘోర ప్రమాదాలు.. ఐదుగురి మృతి
ఉమ్మడి తూ.గో.జిల్లాలో శనివారం జరిగిన ప్రమాదాల్లో మొత్తం ఐదుగురు మృతి చెందగా.. నలుగురు గాయపడ్డారు. శంఖవరం మండలం కత్తిపూడిలో జరిగిన ప్రమాదంలో భీమవరం వాసులు ముగ్గురు మృతి చెందారు. భీమవరానికి చెందిన సత్యనాగమధు కుటుంబీకులు అన్నవరం బయలుదేరారు. శ్యాంప్రసాద్, దివ్య, ఆమె భర్త శివనారాయణ మృతిచెందారు. గంగవరం మండలం చిన్నఅడ్డపల్లిలో గుర్తుతెలియని వాహనం ఢీకొని ఇద్దరు యువకులు మృతి చెందారు.
News January 12, 2025
తూ.గో: అసాంఘిక కార్యకలాపాలకు పాల్పడే వారిపై కఠిన చర్యలు
రానున్న సంక్రాంతి పండుగ సందర్భంగా తూ.గో.జిల్లాలో అసాంఘిక కార్యకలాపాలకు పూనుకుంటున్న వారి పట్ల కఠినమైన చర్యలు తీసుకోవాలని జిల్లా ఎస్పీ డి.నరసింహ కిషోర్ ఆదేశాలు జారీ చేశారు. ఈ నేపథ్యంలో శనివారం సీతానగరం పోలీస్ స్టేషన్ల పరిధిలో కోడిపందేలు కోసం ఏర్పాటు చేసిన బరులను ధ్వంసం చేశారు. అలాగే ప్రజలకు అవగాహన కార్యక్రమాలు నిర్వహించారు.
News January 11, 2025
తూ.గో: అసాంఘిక కార్యకలాపాలకు పాల్పడే వారిపై కఠిన చర్యలు
రానున్న సంక్రాంతి పండుగ సందర్భంగా తూ.గో.జిల్లాలో అసాంఘిక కార్యకలాపాలకు పూనుకుంటున్న వారి పట్ల కఠినమైన చర్యలు తీసుకోవాలని జిల్లా ఎస్పీ డి.నరసింహ కిషోర్ ఆదేశాలు జారీ చేశారు. ఈ నేపథ్యంలో శనివారం సీతానగరం పోలీస్ స్టేషన్ల పరిధిలో కోడిపందేలు కోసం ఏర్పాటు చేసిన బరులను ధ్వంసం చేశారు. అలాగే ప్రజలకు అవగాహన కార్యక్రమాలు నిర్వహించారు.
News January 11, 2025
తూ.గో: విమాన ధరలతో పోటీ పడుతున్న బస్సు టికెట్లు
సంక్రాంతి కోసం సొంత గ్రామాలకు నగరవాసులు తరలిరావడంతో ప్రెవేట్ బస్ ఛార్జీలు విమాన ధరలతో పోటీ పడుతున్నాయి. సాఫ్ట్వేర్ ఉద్యోగులకు శని, ఆదివారాలు వీకెండ్ 13,14,15 తేదీలు వరుసగా సంక్రాంతి సెలవులు కావడంతో ధరలకు రెక్కలు వచ్చాయి. దీంతో అమలాపురం, కాకినాడ,రాజమండ్రి పట్టణాలకు వచ్చేందుకు హైదరాబాద్, బెంగళూరు, చెన్నై నుంచి టికెట్ ధరలు సాధారణంగా వెయ్యి లోపు ఉంటే ఇప్పుడు రూ.3 వేల నుంచి 5 వేలకు పెరిగాయి.
News January 11, 2025
పిఠాపురంలో ప్రతి ఊరికి వస్తా: పవన్
పిఠాపురం పర్యటనలో డిప్యూటీ సీఎం పవన్ కళ్యాణ్ ఆసక్తికర వ్యాఖ్యలు చేశారు. ‘ఇకపై పిఠాపురం నుంచే నా జర్నీ స్టార్ట్ చేస్తా. ఈ నియోజకవర్గంలోని ప్రతి ఊరిలో పర్యటిస్తా. కష్టపడి పనిచేస్తా. ఈ ఐదేళ్లలోనే నేను చేసిన పనులు నచ్చితేనే మరోసారి నాకు MLAగా అవకాశం ఇవ్వండి. లేకపోతే మీ ఇష్టం. పిఠాపురం శక్తిపీఠం మీద ఒట్టేసి చెబుతున్నా.. మా కూటమి ప్రభుత్వం 15 ఏళ్లు ఉండాలని కోరుకున్నా’ అని పవన్ అన్నారు.
News January 10, 2025
జిల్లా వెబ్ సైట్లో అర్హుల జాబితా: కలెక్టర్ ప్రశాంతి
జిల్లా కలెక్టర్ కార్యాలయంలో ఖాళీగా ఉన్న ఈ డిస్ట్రిక్ట్ మేనేజర్ పోస్టుకు ఒప్పంద ప్రాతిపదికన పని చేసేందుకు అభ్యర్థుల నుంచి స్వీకరించిన వాటిలో దరఖాస్తులను పరిశీలించిన అనంతరం అర్హుల తాత్కాలిక జాబితా సిద్ధం చేస్తామని కలెక్టర్ ప్రశాంతి శుక్రవారం తెలిపారు. తూర్పుగోదావరి జిల్లా అధికారిక వెబ్ సైట్ https:///east godavari.ap.gov.in లో ప్రచురించామన్నారు. దీనిపై అభ్యంతరాలు ఉంటే ఈ నెల 16 లోగా తెలపాలన్నారు.
News January 10, 2025
హైదరాబాద్‌లో పిఠాపురం మహిళ సూసైడ్
టెర్రస్ పైనుంచి దూకి బ్యాంకు ఉద్యోగిని ఆత్మహత్యకు పాల్పడిన ఘటన హైదరాబాద్‌లోని బాచుపల్లి PS పరిధిలో జరిగింది. పోలీసుల వివరాలు.. పిఠాపురానికి చెందిన సత్యలావణ్య బాచుపల్లిలో ఉంటూ రాజీవ్‌గాంధీ నగర్‌లోని ఓ బ్యాంకులో సహాయ మేనేజర్‌గా పనిచేస్తున్నారు. గురువారం బ్యాంకులో చెప్పి ఇంటికి వెళ్లి ఆమె టెర్రస్ పైనుంచి దూకగా తీవ్ర గాయాలయ్యాయి. దీంతో ఆసుపత్రికి తరలించగా మృతి చెందారు. దీనిపై కేసు నమోదైంది.
News January 10, 2025
KKD: కోడిపందాలపై హైకోర్టు ఆదేశాలు అమలుకు కమిటీలు
సంక్రాంతి సందర్భంగా కోడిపందాలు జరగకుండా చర్యలు తీసుకోవాలని హైకోర్టు ఆదేశించింది .ఈనేపథ్యంలో కాకినాడ ఆర్డీవో మల్లిబాబు గురువారం కార్యాలయంలో డివిజన్ పరిధిలోని ఎస్సై, తాహశీల్దార్లతో సమావేశం నిర్వహించారు. పంచాయితీ కార్యదర్శులు, మహిళా పోలీసులు, వీఆర్వోలతో బృందాలు ఏర్పాటు చేసి నిఘా పెట్టాలని ఆదేశించారు. పోలీసులు కట్టుదిట్టమైన చర్యలు తీసుకునేలా ఆదేశాలు ఇస్తున్నట్లు డీఎస్పీ రఘువీర్ విష్ణు తెలిపారు.
News January 9, 2025
తూ.గో: అదిరిపోతున్న బస్ ఛార్జీలు..
సంక్రాంతికి సొంతూర్లకు వచ్చేందుకు కోనసీమ జిల్లా ప్రజలు సిద్దమవుతున్నారు. ఇప్పటికే ట్రైన్ టికెట్స్ రిజర్వేషన్లు అయిపోయాయి. బస్ ఛార్జీలు అధికంగా ఉన్నాయని ప్రయాణీకులు వాపోతున్నారు. హైదరాబాద్ నుంచి అమలాపురం, కాకినాడ, రాజమండ్రి, మండపేట ప్రధాన పట్టణాలకు ప్రయివేట్ ట్రావెల్స్‌లో సుమారుగా రూ. 2,500 నుంచి రూ.3 వేల వరకు ఉన్నాయని చెబుతున్నారు. సంక్రాంతి సమయంలో ఛార్జీలు ఇంకా పెరిగే ఛాన్స్ ఉందని అంటున్నారు.
Featured News
Sorry, no posts matched your criteria.