India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News August 25, 2024
కాకినాడ: రోడ్డు ప్రమాదంలో యువకుడి దుర్మరణం
తాళ్లరేవు మండలం పోలేకుర్రు గ్రామం సంకటరేవు రామాలయం వద్ద ఆదివారం ఉదయం జరిగిన రోడ్డు ప్రమాదంలో యువకుడు దుర్మరణం చెందాడు. యానాం వైపు నుంచి వస్తున్న ఆర్టీసీ బస్ తాళ్లరేవు వైపు నుంచి వస్తున్న బైక్ ఢీకొన్నాయి. ఘటనా స్థలానికి చేరుకున్న కోరంగి ఎస్ఐ సత్యనారాయణ వివరాలు సేకరిస్తున్నారు. మృతుడు గాడిమొగ వాసిగా గుర్తించారు.
News August 25, 2024
అదృశ్యమైన వ్యక్తి మృతదేహం లభ్యం
గేదెలను మేపేందుకు వెళ్లి అదృశ్యమైన వ్యక్తి చివరికి శవమై కనిపించాడు. గోకవరం మండలం కామరాజుపేటకు చెందిన జట్ల తాసు(54) గేదెలను మేపుతూ జీవనం సాగించేవాడు. ఈ నెల 20న గేదెలను తోలుకుని వెళ్లిన తాసు తిరిగి రాకపోవడంతో కుటుంబసభ్యులు పలుచోట్ల గాలించారు. చివరికి నెల్లిపూడి వెళ్లే దారిలో కాలువ వద్ద శవమై కనిపించాడు. కేసు నమోదు చేసి దర్యాప్తు చేస్తున్నట్లు ఎస్సై పవన్ కుమార్ తెలిపారు.
News August 25, 2024
ఈ నెల 27 నుంచి విద్యార్థులకు పరీక్షలు
స్కూలు విద్యార్థులకు సెల్స్ అసెస్‌మెంట్ (ఎస్ఏ) పరీక్షలను ఈ నెల 27 నుంచి నిర్వహించేందుకు అధికారులు ఏర్పాటు చేశారు. 1-8వ తరగతి వరకు విద్యార్థులకు తరగతి గది (CBA) మూల్యాంకన విధానంలో, 9, 10 తరగతులకు రెగ్యులర్ పద్ధతిలో నాన్ సీబీఏ విధానంలో పరీక్షలు నిర్వహిస్తారు. తూ.గో జిల్లాలో 980, కాకినాడ జిల్లాలో 1258, కోనసీమ జిల్లాలో 1574 పాఠశాలలు ఉన్నాయి. ఆ పాఠశాలలకు చెందిన విద్యార్థులు పరీక్షలకు హాజరుకానున్నారు.
News August 25, 2024
నేడు తూ.గో జిల్లాలో విద్యుత్ బిల్లులు చెల్లించవచ్చు
తూ.గో జిల్లాలోని విద్యుత్ రెవెన్యూ కార్యాలయాల్లోని విద్యుత్ బిల్లుల వసూళ్ల కౌంటర్లు ఆదివారం కూడా పనిచేస్తాయని ఏపీ ఈపీడీసీఎల్ సూపరింటెండింగ్ ఇంజినీర్ కే.తిలక్ కుమార్ ప్రకటించారు. జిల్లాలోని విద్యుత్ వినియోగదారులు అందరూ ఈ అవకాశాన్ని సద్వినియోగం చేసుకుని విద్యుత్ బిల్లులు చెల్లించాలని కోరారు. ఏపీ ఈపీడీసీఎల్ సెక్షన్ ఆఫీస్ కలెక్షన్ కౌంటర్లు, ఏటీపీ సెంటర్లలో కూడా చెల్లించవచ్చునని తెలిపారు.
News August 25, 2024
ఏలేరు ప్రాజెక్టులోకి 1,622 క్యూసెక్కుల వరద నీరు
ఏలేశ్వరం మండలంలోని ఏలేరు ప్రాజెక్టులో జలకళ ఉట్టిపడుతోంది. ఎగువన కురుస్తున్న వర్షాలకు 1,622 క్యూసెక్కుల వరద నీరు ప్రాజెక్టులోకి వచ్చి చేరుతోంది. దీంతో శనివారం 86.56 మీటర్లకు 82.80 మీటర్లు, 24.11 టీఎంసీలకు 17.08 టీఎంసీల నీటి నిల్వలు చేరుకున్నాయి. ఆయకట్టుకు 400, విశాఖకు 300 క్యూసెక్కుల నీటి విడుదల చేస్తున్నారు.
News August 25, 2024
కోల్‌కతా ఘటపై NHRCని ఆశ్రయించి అమలాపురం న్యాయవాది
కోల్‌కతాలో జూనియర్ వైద్యురాలిపై హత్యాచారానికి పాల్పడిన వారిపై కఠిన చర్యలు తీసుకోవాలని అమలాపురానికి చెందిన న్యాయవాది కుడిపూడి అశోక్ శనివారం జాతీయ మానవ హక్కుల కమిషన్‌ (NHRC)ను ఆశ్రయించారు. వైద్యురాలిని హింసించి, ఆమెపై లైంగిక దాడికి పాల్పడ్డారని పిటిషన్‌లో పేర్కొన్నారు. కేసు విచారణ సక్రమంగా సాగటం లేదన్నారు. నిందితులకు రాజకీయ పక్ష నేతలు రక్షణగా నిలుస్తున్నారని ఆరోపించారు.
News August 24, 2024
తూ.గో: మరో అల్పపీడనం.. వర్షాలకు ఛాన్స్
తూర్పు గోదావరి, కాకినాడ, కోనసీమ జిల్లాల్లో రాగల 24 గంటల్లో మోస్తరు వర్షాలు కురుస్తాయని వాతావరణ శాఖ హెచ్చరికలు జారీ చేసింది. ఉత్తర బంగాళాఖాతంలో మరో అల్పపీడనం ఏర్పడిందని పేర్కొంది. కాకినాడ జిల్లాలో మోస్తరు వర్షాలు, కోనసీమ, తూ.గో జిల్లాలో భారీ వర్షాలు కురుస్తాయని తెలిపింది. తీరం వెంబడి 35 నుంచి 45 కిలోమీటర్ల వేగంతో ఈదురు గాలులు వీస్తాయని, మత్స్యకారులు సముద్రంలో వేటకు వెళ్లరాదని సూచించింది. SHARE IT..
News August 24, 2024
తూ.గో: స్కూటీని ఢీకొన్న లారీ.. టీచర్ దుర్మరణం
కొవ్వూరు మండలం దేచెర్ల చెరువు వద్ద శనివారం ఘోర రోడ్డు ప్రమాదం చోటుచేసుకుంది. స్కూటీపై వెళ్తున్న మహిళను లారీ ఢీకొట్టడంతో ఆమె అక్కడికక్కడే మృతి చెందింది. దేవరపల్లి నుంచి రాజమండ్రి వైపు వెళ్తుండగా ఈ ఘటన చోటుచేసుకుంది. సదరు మహిళ రాజమండ్రికి చెందిన రాజ్యలక్ష్మి (హిందీ టీచర్)గా తెలుస్తుంది. పూర్తి వివరాలు పోలీసుల దర్యాప్తులో తేలనుంది.
News August 24, 2024
తూ.గో: తగ్గిన చికెన్ అమ్మకాలు
శ్రావణమాసం, విష జ్వరాలతో చికెన్ అమ్మకాలు గణనీయంగా తగ్గాయి. దీంతో కోళ్ల పరిశ్రమ ఒడిదొడుకులు ఎదుర్కొంటోంది. ఉమ్మడి జిల్లాలో రోజుకు 3.2 లక్షల కిలోల చికెన్ వినియోగం జరిగేదని, ప్రస్తుతం అది సగానికి పరిమితం అయ్యిందని వ్యాపారస్థులు వాపోయారు. అమ్మకాలు తగ్గడంతో ధరలు పడిపోయాయని అంటున్నారు. కిలో బాయిలర్ చికెన్ ధర రూ.350 నుంచి రూ.185కి, రూ.167 పలికిన లైవ్ ధర రూ.90కి పడిపోయింది.
News August 24, 2024
పిఠాపురం MLAపై అభ్యంతరకర పోస్టులు.. ఉద్యోగి సస్పెండ్
సోషల్ మీడియాలో సీఎం చంద్రబాబు, పవన్ కళ్యాణ్ పై అభ్యంతరకర పోస్టులు పెట్టి ఉద్యోగ నిబంధనలు ఉల్లంఘించిన సహకార శాఖ సీనియర్ ఇన్స్పెక్టర్ రవిశంకర్‌ సస్పెండ్ అయ్యారు. ఈ మేరకు సహకార శాఖ రిజిస్ట్రార్, కమిషనర్ గురువారం ఉత్తర్వులు జారీ చేశారు. కొవ్వూరుకు చెందిన చౌదరి ఇతనిపై కమిషనర్‌కు, మంత్రికి ఈ నెల 21న ఫిర్యాదు చేయగా అధికారులు చర్యలు తీసుకున్నారు. ప్రస్తుతం ఆయన కొవ్వూరు నుంచి బదిలీపై విజయవాడకు వెళ్లారు.
Featured News
Sorry, no posts matched your criteria.