India's largestHyperlocal short
news App
Get daily news updates that are tailored for you based on your preferred language & location.
download Way2News app now
EastGodavari
News July 28, 2024
పెద్దాపురం: నవోదయలో ప్రవేశానికి దరఖాస్తుల ఆహ్వానం
పెద్దాపురం జవహార్ నవోదయ విద్యాలయం (2025-2026)లో 6వ తరగతి ప్రవేశానికి దరఖాస్తులు స్వీకరిస్తున్నట్లు పెద్దాపురం విద్యాలయ ఇన్‌ఛార్జి ప్రిన్సిపల్ రామకృష్ణయ్య తెలిపారు. ఉమ్మడి తూ.గో జిల్లాలోని 43 మండలాల నుంచి ప్రభుత్వ, గుర్తింపు పొందిన ప్రైవేట్ పాఠశాలల్లో 5వ తరగతి చదువుతున్న విద్యార్థులు పరీక్షలకు అర్హులన్నారు. సెప్టెంబర్ 16వ తేదీలోగా దరఖాస్తు చేసుకోవాలన్నారు. 2025 జనవరి 18న పరీక్ష జరుగుతాయన్నారు.
News July 28, 2024
529 కుటుంబాలకు రూ.3వేల ఆర్థిక సహాయం: కలెక్టర్
గోదావరి వరదల వల్ల తూ.గో జిల్లాలో ముంపునకు గురైన 1,421 కుటుంబాలకు పునరావాస పరిహారం కింద నిత్యావసర సరకులు పంపిణీ చేస్తామని కలెక్టర్ పి.ప్రశాంతి ఓ ప్రకటనలో తెలిపారు. సరకులను ప్రజాప్రతినిధులు, అధికారుల సమక్షంలో అందజేస్తామన్నారు. జిల్లాలో 529 వరద బాధిత కుటుంబాలకు ఒకొక్క కుటుంబానికి రూ.3 వేల చొప్పున ఆర్థిక సహాయం అందచేస్తామని కలెక్టర్ వెల్లడించారు.
News July 28, 2024
నేడు ఉమ్మడి తూ.గో జిల్లాలో మంత్రి అచ్చెన్న పర్యటన
రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు ఆదివారం ఉమ్మడి తూర్పు గోదావరి జిల్లాలోని పలు మండలాల్లో పర్యటిస్తారని అధికారులు ఓ ప్రకటనలో తెలిపారు. ఉదయం 9 గంటల నుంచి మంత్రి పర్యటన మొదలవుతుందన్నారు. ఉండ్రాజవరం, నిడదవోలు, రామచంద్రపురం, కె.గంగవరం, సీతానగరం మండలాల్లోని గోదావరి వరద ముంపు ప్రాంతాలను పరిశీలిస్తారని పేర్కొన్నారు. నష్టపోయిన పంటల వివరాలు, బాధితుల కష్టాలు తెలుసుకోనున్నారు.
News July 27, 2024
అల్లకల్లోలంగా సముద్రం.. చేపల వేట నిషేధం
బంగాళాఖాతంలో ఏర్పడిన అల్పపీడనం వాయుగుండంగా మారిన నేపథ్యంలో తీర ప్రాంతంలో సముద్రం అల్లకల్లోలంగా మారింది. కాకినాడ జిల్లా తొండంగి మండలంలోని పెరుమల్లాపురం, కొత్త చోడిపల్లిపేటలో అలలు ఎగిసిపడుతున్నాయి. దీంతో వారం రోజుల పాటు మత్స్యకారులు బోటుపై చేపల వేటను నిలిపివేశారు. వేట ఆగిపోవడంతో గంగపుత్రులు ఉపాధి లేక ఇబ్బంది పడుతున్నారు. అనుకూల వాతావరణం వచ్చేవరకు చేపల వేటకు వెళ్లొద్దని అధికారులు హెచ్చరిస్తున్నారు.
News July 27, 2024
రామసేతు శిలను సేకరించిన కోనసీమ జిల్లా వాసి
అంబేడ్కర్ కోనసీమ జిల్లా కొత్తపేటకు చెందిన పురోహితులు పెద్దింటి రామం అరుదైన రామసేతు శిలను సేకరించారు. రాములు ఇటీవల రామసేతు వారధిని సందర్శించగా..అక్కడి నుంచి శిలను సేకరించినట్లు తెలిపారు. ఈ రాయితోనే రాముడు, లక్ష్మణుడు, ఆంజనేయుడు వానరులతో కలిసి వంతెన వంతెన నిర్మించారన్నారు. సుమారు 225 గ్రాముల బరువు ఉంటుందని, ఈ రాయి నీటిలో మునగదని ఆయన వివరించారు. చుట్టుపక్కల వారు ఆ శిలను ఆసక్తిగా తిలకిస్తున్నారు.
News July 27, 2024
తూ.గో: రూ.2కోట్లతో పరార్.. 24గంటల్లో అరెస్ట్
ATMలలో డిపాజిట్ చేయాల్సిన డబ్బుతో పరారైన ఉద్యోగి వాసంశెట్టి అశోక్‌ను 24 గంటల్లో పోలీసులు అదుపులోకి తీసుకున్నారు. తూ.గో ఎస్పీ కిశోర్ కుమార్ మాట్లాడుతూ.. జల్సాలకు అలవాటు పడి నగదు చోరీకి పాల్పడ్డట్లు గుర్తించామన్నారు. రాత్రి వర్షంలో మండపేట సమీపంలో వాసంశెట్టి అశోక్‌ను అరెస్టు చేశామని తెలిపారు. అతడిపై చట్టపరంగా కఠిన చర్యలు తీసుకుంటామన్నారు. 24 గంటల్లో కేసును చేదించిన పోలీసులను ఎస్పీ అభినందించారు.
News July 27, 2024
కేంద్ర రైల్వేమంత్రితో రాజమండ్రి ఎంపీ సమావేశం
కేంద్ర రైల్వేశాఖ మంత్రి అశ్విని వైష్ణవ్‌‌తో రాజమండ్రి ఎంపీ, బీజేపీ రాష్ట్ర అధ్యక్షురాలు పురందీశ్వరి శనివారం ఢిల్లీలో సమావేశమయ్యారు. ఈ సందర్భంగా రాజమండ్రి రైల్వేస్టేషన్ అభివృద్ధి, ఇతర రైల్వే సమస్యలపై చర్చించారు. ఈ అభివృద్ధి పనులకు గాను బడ్జెట్‌లో రూ.269 కోట్లను కేటాయించినందుకు మంత్రికి ప్రత్యేక ధన్యవాదాలు తెలిపారు.
News July 27, 2024
ధవళేశ్వరం: 12.49 లక్షల క్యూసెక్కుల నీరు సముద్రంలోకి
ధవళేశ్వరం బ్యారేజీ వద్ద శనివారం ఉదయం 7 గంటల వరకు 13.60 అడుగులతో గోదావరి నీటిమట్టం నిలకడగా ఉందని జలవనరుల శాఖ అధికారులు తెలిపారు. బ్యారేజీ నుంచి 12.49 లక్షల క్యూసెక్కుల నీరు సముద్ర జలాల్లోకి వదులుతున్నారు. మూడు పంట కాలువల ద్వారా 5900 క్యూసెక్కుల నీటిని పంట సాగుకు విడుదల చేస్తున్నారు.
News July 27, 2024
కోనసీమ: విద్యుత్ సమస్యలపై మంత్రికి ఎమ్మెల్యే వినతి
రాజోలు నియోజకవర్గంలోని విద్యుత్ సమస్యలపై మంత్రి గొట్టిపాటి రవికుమార్‌కు ఎమ్మెల్యే దేవా వరప్రసాద్ వినతిపత్రం అందజేశారు. నియోజకవర్గంలో విద్యుత్ కొరతతో తాగునీటి సరఫరాకు ఇబ్బందులు ఏర్పడుతున్నాయన్న సమస్యలను మంత్రి దృష్టికి తెచ్చారు. ఈ సమస్యల పరిష్కారానికి గుడిమెళ్లంక, గుడిమూలలో విద్యుత్ సబ్ స్టేషన్లు మంజూరు చేయాలని, లక్కవరం, రాజోలు సబ్ స్టేషన్ల కెపాసిటీని 5ఎంవీఏ నుంచి 8 ఎంవీఏకు పెంచాలని కోరారు.
News July 26, 2024
ATMలలో జమ చేయాల్సిన డబ్బుతో ఉద్యోగి పరారీ
ATMలలో డిపాజిట్ చేయాల్సిన డబ్బుతో ఉద్యోగి పరారైన ఘటన రాజమండ్రిలో శుక్రవారం జరిగింది. పోలీసుల వివరాల ప్రకారం.. ఓ ప్రైవేట్ ఏజెన్సీకి చెందిన ఉద్యోగి అశోక్ కుమార్ ATMలలో నగదు డిపాజిట్ కోసం వెళ్లాడు. అయితే.. వాటిని డిపాజిట్ చేయకుండా ఉడాయించడంతో పోలీసులకు సమాచారం వచ్చింది. అశోక్ దాదాపు రూ.2.40 కోట్లతో పరారైనట్లు తెలిపారు. దీంతో పోలీసులు చెక్‌పోస్టుల వద్ద సిబ్బందిని అలర్ట్ చేసి అతడి కోసం గాలిస్తున్నారు.
Featured News
Sorry, no posts matched your criteria.