India's largestHyperlocal short
news App
Get daily news updates that are tailored for you based on your preferred language & location.
download Way2News app now
Guntur
News December 23, 2024
నేడు అమరావతిపై CRDA కీలక సమావేశం
అమరావతి పనులపై ముఖ్యమంత్రి చంద్రబాబు అధ్యక్షతన సోమవారం 44వ CRDA కీలక సమావేశం జరగనుంది. జోన్ 7, జోన్ 10, మౌలిక వసతుల కల్పనకు అథారిటీ ఆమోదం తెలపనుంది. ఇప్పటికే రూ.45,249 కోట్ల విలువైన పనులు చేపట్టేందుకు ఆమోదం తెలపనున్నట్లు సీఆర్డీఏ అధికారులు చెబుతున్నారు. మరో 2వేల కోట్లకు పైబడి పనులు చేపట్టేందుకు ఆమోదం తెలియజేయనుంది.
News December 23, 2024
వైసీపీలో కనిపించని సుచరిత ఆచూకీ
ఎన్నికల అనంతరం మాజీ హోం మంత్రి సుచరిత ఆచూకీ కనిపించడం లేదని జిల్లా ప్రజలు అంటున్నారు. ఎన్నికల్లో ఆమె పోటీ చేసిన తాడికొండ నియోజకవర్గ ఇన్‌ఛార్జ్ బాధ్యతలు జగన్మోహన్ రెడ్డి డైమండ్ బాబుకు అప్పగించారు. అప్పటి నుంచి సుచరిత పార్టీ కార్యక్రమాల్లో కూడా పాల్గొనకపోవడంతో ఆమె పార్టీ మారతారనే వార్తలు వచ్చాయి. కానీ పార్టీ మారేది లేదని అనారోగ్య కారణాల వల్ల సుచరిత దూరంగా ఉంటున్నట్లు ఆమె అనుచరులు చెబుతున్నారు.
News December 23, 2024
27లోపు అభ్యంతరాలు చెప్పొచ్చు: గుంటూరు DEO
గుంటూరు జిల్లాలో ఏర్పాటు చేయనున్న స్కూల్ కాంప్లెక్స్ సముదాయాల వివరాల ఉత్తర్వులు, జాబితాను ఉప, మండల విద్యాశాఖ అధికారులు తమ కార్యాలయాల్లో ప్రదర్శించాలని గుంటూరు డీఈవో సి.వి రేణుక సూచించారు. దీనిపై అభ్యంతరాలను 27వ తేదీ లోపు జిల్లా, మండల విద్యాశాఖాధికారి కార్యాలయాల్లో అందించవచ్చని చెప్పారు. https://cse.ap.gov.in వెబ్ సైట్ ద్వారా ఈ నెల 23 నుంచి కూడా అభ్యంతరాలు తెలియజేయడానికి అవకాశం ఉంటుందని తెలిపారు.
News December 22, 2024
GNT: కాకులు వాలని కొండ ఎక్కడ ఉందో తెలుసా.?
కాకులు వాలని కొండ గురించి ఎప్పుడూ విని ఉండరు. కొండ ఎక్కుతున్నప్పుడు దారిలో అనేక కాకులు కనిపించినా కొండపై మాత్రం ఒక్క కాకి కూడా కనిపించదు. ఇప్పటి వరకు ఈ కొండపైకి కాకులు వచ్చిన దాఖలాలు లేవు. ఇది నరసరావుపేట కోటప్పకొండ త్రికోటేశ్వరుని సన్నిధిలో ఉంది. ప్రతి ఏటా కార్తీకమాసంలో తిరునాళ్లు, కార్తీక వన సమారాధనలు జరుగుతాయి. ఈ తిరునాళ్లలో చుట్టుప్రక్కల గ్రామాల నుంచి ప్రభలతో భక్తులు దర్శించుకుంటారు.
News December 22, 2024
GNT: హాస్టల్లోనే ఫార్మసీ విద్యార్థిని ప్రసవం
గుంటూరు కలెక్టర్, ఎస్పీ ఆఫీస్‌కి కూతవేటు దూరంలో ఉన్న సాంఘిక సంక్షేమశాఖ వసతిగృహంలో 19ఏళ్ల ఫార్మసీ విద్యార్థిని ఆడబిడ్డకు జన్మనివ్వడం చర్చనీయాంశంగా మారింది. ప్రకాశం జిల్లాకు దర్శికి చెందిన విద్యార్థిని హాస్టల్లోనే ప్రసవించడంతో అధికారులు జీజీహెచ్‌కి తరలించారు. ఈఘటనపై కలెక్టర్ నాగలక్ష్మీ హెచ్ డబ్ల్యూఓ జయప్రదను సస్పెండ్ చేసి విచారణ కమిటీని ఏర్పాటు చేశారు. సమీప బంధువు గర్భానికి కారణమని సమాచారం.
News December 22, 2024
జమిలి ఎన్నికలకు మా పార్టీ సంపూర్ణ మద్దతు: సుబ్రహ్మణ్యం
ఒకే దేశం ఒకే ఎన్నిక పేరుతో ఎన్డీఏ ప్రభుత్వం జమిలి ఎన్నికలు నిర్వహించడం కోసం తెచ్చిన బిల్లు అన్ని పార్టీలు సమర్థించాలని నవతరం పార్టీ జాతీయ అధ్యక్షుడు రావు సుబ్రహ్మణ్యం అన్నారు. శనివారం చిలకలూరిపేట నవతరం పార్టీ కార్యాలయంలో ఆయన మీడియాతో మాట్లాడారు. జమిలి ఎన్నికలు బిల్లు చారిత్రాత్మక నిర్ణయమని, చరిత్రలో నిలిచిపోయే బిల్లు అని అన్నారు. జమిలి ఎన్నికలకు తమ పార్టీ సంపూర్ణంగా మద్దతు ఇస్తుందని రావు తెలిపారు.
News December 21, 2024
ముచ్చటైన ముగ్గులకు ఆహ్వానం!
ధనుర్మాసం ప్రారంభమైంది. విష్ణుమూర్తికి ఎంతో ప్రీతికరమైన ఈ మాసంలో మహిళలు ఉదయాన్నే ఇంటి వాకిటను శుభ్రం చేసి ముగ్గులు వేస్తారు. న్యూ ఇయర్, సంక్రాంతి వరకు రంగురంగుల రంగవళ్లులను తీర్చిదిద్దుతుంటారు. మరి మీ అందమైన ముగ్గులను మాకు పంపండి. మీ పేరుతో Way2Newsలో మేము పబ్లిష్ చేస్తాం.
● ఇలా పంపండి: ముగ్గు ఫొటో, మీ పేరు, ఊరి పేరు, పాస్‌పోర్టు సైజు ఫొటోను 97036 22022కు వాట్సాప్ చేయండి.
News December 21, 2024
బాలయేసు కేథడ్రల్ చరిత్ర మీకు తెలుసా.?
ఫిరంగిపురంలోని బాలయేసు కేథడ్రల్ ఆంధ్రప్రదేశ్‌లో అతిపెద్ద చర్చి. ఈ చర్చి నిర్మాణానికి దశాబ్దాలుగా కృషిచేసిన ఫాదర్ థియోడర్ డిక్మన్ 1891లో పూర్తిచేశారు. జులై, క్రిస్మస్‌లో ఇక్కడ జరిగే ఉత్సవాలు ప్రసిద్ధం. జులై 14,15,16 DEC 23,24,25 తేదీల్లో ఇక్కడ క్రిస్మస్ వేడుకలు ఘనంగా నిర్వహిస్తారు. 24రాత్రి గుంటూరు బిషప్ చర్చిలో దివ్య బలిపూజా నిర్వహిస్తారు. కాగా ఈ బలి పూజను గుంటూరు జిల్లా నుంచే ప్రారంభమవుతుంది.
News December 21, 2024
తెనాలి: ఇస్రో ప్రయోగంతో అంతరిక్షంలోకి ఎన్ స్పెస్ టెక్ కమ్యూనికేషన్
తెనాలికి చెందిన రక్షణ ఎయిరోస్పేస్‌ సంస్థ ఎన్–స్పేస్‌టెక్‌ రూపొందించిన తొలి యూహెచ్‌ఎఫ్‌ కమ్యూనికేషన్ పేలోడ్‌ను ఇస్రోకు చెందిన పీఎస్‌ఎల్‌వీ–సీ60 మిషన్‌లో ప్రయోగించనున్నారు. స్వదేశీ సామర్థ్యంతో, ఉపగ్రహ కమ్యూనికేషన్‌లో వినూత్నతను ప్రతిబింబించే స్వేచ్ఛాశాట్‌–వీఓ మిషన్‌ పేరుతో చేపడుతున్న ఈప్రయోగం చివరి వారంలో ఇస్రో పొయెం-4 ప్లాట్‌ఫాం ద్వారా జరుగుతుందని ఎన్–స్పేస్‌టెక్‌ సీఈవో దివ్య కొత్తమాసు తెలిపారు.
News December 21, 2024
పేరేచర్ల: అర్ధరాత్రి ప్రమాదం.. యువకుడు స్పాట్ డెడ్
మేడికొండూరు పోలీస్ స్టేషన్ పరిధిలోని పేరేచర్ల కాలువ సమీపంలో అర్ధరాత్రి ప్రమాదం సంభవించి ఓ యువకుడు ఘటనాస్థలంలోనే మృతిచెందాడు. సమాచారం అందుకున్న పోలీసులు సంఘటనా స్థలానికి చేరుకొని మృతదేహాన్ని పరిశీలించి ఆధారాలు సేకరించారు. అనంతరం మృతదేహాన్ని గుంటూరు ప్రభుత్వ ఆసుపత్రిలోని మార్చురీకి తరలించారు. ఘటనకు సంబంధించి పూర్తి వివరాలు తెలియాల్సి ఉంది.
Featured News
Sorry, no posts matched your criteria.