India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News September 27, 2024
వెంకటరెడ్డికి OCT 10 వరకు రిమాండ్ విధింపు
గనుల శాఖ మాజీ డైరెక్టర్ వెంకటరెడ్డికి విజయవాడ కోర్టు అక్టోబర్ 10 వరకు రిమాండ్ విధిస్తూ శుక్రవారం ఆదేశాలిచ్చింది. గనుల కేటాయింపులలో వెంకటరెడ్డి పలు సంస్థలకు అనుచిత లబ్ధి చేకూర్చారంటూ ఏసీబీ కేసు నమోదు చేసింది. ఈ కేసులో వెంకటరెడ్డిని A1గా అధికారులు చేర్చారు. కాగా గత రాత్రి హైదరాబాద్‌లో ఆయనను అదుపులోకి తీసుకున్న పోలీసులు.. విజయవాడ GGHలో వైద్యపరీక్షలు నిర్వహించి కోర్టులో ప్రవేశపెట్టారు.
News September 27, 2024
నూజివీడు IIIT మెస్ కాంట్రాక్టర్లను మార్చండి: మంత్రి
నూజివీడు IIIT అధికారులతో మంత్రి పార్థసారథి శుక్రవారం సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ.. విద్యార్థులు బాగా చదువుకునేందుకు అనువైన వాతావరణాన్ని కాలేజీ ప్రాంగణంలో ఏర్పాటు చేయాలన్నారు. ఆహార నాణ్యతను పెంచాలన్నారు. ఆహార వస్తువులు, నాణ్యతను చూసేందుకు ప్రత్యేక సిబ్బందిని ఏర్పాటు చేయాలన్నారు. మెస్ కాంట్రాక్టర్లను మార్చాలని ఆదేశించారు.
News September 27, 2024
కృష్ణా: పండుగల సందర్భంగా ప్రత్యేక రైళ్లు
పండుగల సందర్భంగా విజయవాడ మీదుగా MGR చెన్నై సెంట్రల్(MAS), షాలిమార్(SHM) మధ్య ప్రత్యేక రైళ్లను నడపనున్నట్లు రైల్వే అధికారులు తెలిపారు. ఈ మేరకు నం.02841 SHM- MAS ట్రైన్‌ను ఈ నెల 30 నుంచి నవంబర్ 18 వరకు ప్రతి సోమవారం, నం.02842 MAS-SHM ట్రైన్‌ను అక్టోబర్ 2 నుంచి నవంబర్ 20వరకు ప్రతి బుధవారం నడుపుతామని రైల్వే వర్గాలు పేర్కొన్నాయి. ఈ ట్రైన్లు విజయనగరం, రాజమండ్రి, గూడూరు తదితర స్టేషన్లలో ఆగుతాయన్నారు.
News September 27, 2024
మీ ఆలోచ‌న‌లు, స‌ల‌హాల‌ను పంచుకోండి: కలెక్టర్
స్వ‌ర్ణాంధ్ర 2047మిష‌న్‌లో ప్రజలంతా భాగ‌స్వాములు కావాలని కలెక్టర్ జి. సృజన పిలుపునిచ్చారు. https://swarnandhra.ap.gov.in/suggestions అధికారిక వెబ్‌సైట్‌లో ప్రజలంతా ఆంధ్రప్రదేశ్ విజన్ కోసం తమ ఆలోచ‌న‌లు, స‌ల‌హాల‌ను పంచుకోవాలని ఆమె కోరారు. ఈ వెబ్‌సైట్‌లో ఆయా అంశాలపై సలహాలు ఇవ్వాలని ఆమె తాజాగా ఒక ప్రకటన విడుదల చేశారు.
News September 27, 2024
కృష్ణా: రాజమండ్రి మెము స్పెషల్ రైలు రద్దు
కొవ్వూరు-కడియం రైల్వే సెక్షన్ల మధ్య నాన్ ఇంటర్ లాకింగ్ పనులు జరుగుతున్నందున విజయవాడ-రాజమండ్రి మెము స్పెషల్ రైలును ఈ నెల 30వ తేదీన దక్షిణ మధ్య రైల్వే రద్దు చేసింది. ఈ మేరకు రైల్వే అధికారులు ఒక ప్రకటన విడుదల చేశారు. ఈ నెల 30న విజయవాడ-రాజమండ్రి మెము రైలు(నం.07768) రద్దు చేసిన విషయాన్ని ప్రయాణికులు గమనించాలని అధికారులు సూచించారు.
News September 27, 2024
కృష్ణా జిల్లాలో ఆర్డీఓల బదిలీ
జిల్లాలోని మచిలీపట్నం, ఉయ్యూరు, గుడివాడ RDOలు బదిలీ అయ్యారు. మచిలీపట్నం ఆర్డీఓ ఎం. వాణి నూజివీడు ఆర్డీఓగా బదిలీ అవ్వగా ఆమె స్థానంలో ట్రైనింగ్ పూర్తి చేసుకున్న కె.స్వాతిని నియమించారు. ఉయ్యూరు RDO రాజు నర్సాపురం RDOగా బదిలీ అయ్యారు. పి. సంపత్ హేలా షారోన్ ఉయ్యూరు RDOగా రానున్నారు. గుడివాడ RDO పద్మావతి GADలో రిపోర్ట్ చేయమని ఆదేశించగా గుడివాడ మున్సిపల్ కమిషనర్ బాల సుబ్రహ్మణ్యంను RDOగా నియమించారు.
News September 27, 2024
నేడు తిరుమలకు YS జగన్.. షెడ్యూల్ ఇదే..
వైసీపీ అధినేత YS జగన్ శుక్రవారం మధ్యాహ్నం 3.20 గంటలకు తాడేపల్లి నుంచి గన్నవరం చేరుకుంటారు. అక్కడి నుంచి 4.50 గంటలకు రేణిగుంటకు విమానంలో చేరుకుంటారని ఆయన కార్యాలయం తాజాగా ఒక ప్రకటన విడుదల చేసింది. సాయంత్రం 5 గంటలకు తిరుమల చేరుకొని, 28వ తేదీన స్వామివారి దర్శనం అనంతరం మధ్యాహ్నం బెంగుళూరు సమీపంలోని యలహంకకు జగన్ చేరుకుంటారని సమాచారం వెలువడింది.
News September 27, 2024
విజయవాడ నుంచి బెంగుళూరుకు APSRTC ఏసీ బస్సు
ప్రయాణికుల సౌకర్యార్ధం విజయవాడ నుంచి బెంగుళూరు(ఎలక్ట్రానిక్ సిటీ)కు అమరావతి వోల్వో AC బస్సును నడుపుతున్నామని ఆర్టీసీ అధికారులు తెలిపారు. సాయంత్రం 6 గంటలకు విజయవాడలో బయలుదేరే ఈ బస్సు తర్వాతి రోజు ఉదయం 5.46 గంటలకు బెంగుళూరు చేరుకుంటుందన్నారు. తిరుగు ప్రయాణంలో ఈ బస్సు రాత్రి 7.30 గంటలకు బెంగుళూరులో బయలుదేరి ఉదయం 7.40 గంటలకు విజయవాడ చేరుతుందని, ప్రయాణికులు ఈ సర్వీసును ఆదరించాలని RTC విజ్ఞప్తి చేసింది.
News September 27, 2024
వరద బాధితులకు శరవేగంగా పరిహారం అందించాం: మంత్రి లోకేశ్
విజయవాడ వరద బాధితులకు శరవేగంగా 15 రోజులలో రూ.602కోట్ల నష్టపరిహారం అందించామని మంత్రి లోకేశ్ గురువారం ట్వీట్ చేశారు. సాంకేతిక పరిజ్ఞానం ఉపయోగించి 4 లక్షల మంది బ్యాంకు ఖాతాల్లో ఈ డబ్బు జమచేశామని లోకేశ్ పేర్కొన్నారు. గత వైసీపీ ప్రభుత్వం మిచాంగ్ తుఫాన్ బాధితులకు పరిహారం ఇచ్చేందుకు 5 నెలలపైనే సమయం తీసుకుందని లోకేశ్ ఈ సందర్భంగా ఎద్దేవా చేశారు.
News September 26, 2024
కృష్ణా: రోడ్డు భద్రతా నియమాలపై అవగాహన
కృష్ణా జిల్లా పోలీసులు రోడ్డు ప్రమాదాలను నివారించడానికి వాహనదారులు పాటించాల్సిన నియమాలపై గురువారం అవగాహన కల్పించారు. జిల్లాలోని పలు ప్రాంతాలలో తనిఖీలు చేస్తున్న సమయంలో హెల్మెట్ ధరించకుండా, నిబంధనలు పాటించకుండా వాహనం నడుపుతున్నవారికి పోలీసులు కౌన్సిలింగ్ ఇచ్చారు. ట్రాఫిక్ నియమాలు, నిబంధనలను ఉల్లంఘిస్తే జరిమానా విధిస్తామని వారు వాహనదారులను హెచ్చరించారు.
Featured News
Sorry, no posts matched your criteria.