India's largestHyperlocal short
news App
Get daily news updates that are tailored for you based on your preferred language & location.
download Way2News app now
Krishna
News August 7, 2024
కృష్ణా: LLB రీ వాల్యుయేషన్ పరీక్షల ఫలితాల విడుదల
కృష్ణా యూనివర్సిటీ పరిధిలో నిర్వహించిన LLB కోర్సుల 3, 7, 9వ సెమిస్టర్ల రీ వాల్యుయేషన్ పరీక్షల ఫలితాలు గురువారం విడుదలయ్యాయి. రీ వాల్యుయేషన్‌కై దరఖాస్తు చేసుకున్న విద్యార్థులు అధికారిక వెబ్‌సైట్‌లో తమ రిజిస్టర్ నెంబర్ ద్వారా రిజల్ట్స్ తెలుసుకోవచ్చు. పరీక్షల ఫలితాలకై అధికారిక వెబ్‌సైట్ https://kru.ac.in/ చెక్ చేసుకోవాలని కృష్ణా యూనివర్సిటీ పరీక్షల విభాగం తెలిపింది.
News August 7, 2024
కృష్ణా: కాంట్రాక్టర్లకు కీలక సూచనలు చేసిన కలెక్టర్ బాలాజీ
ప్రభుత్వం అప్పగించిన పనులను నాణ్యత ప్రమాణాలు విధిగా పాటిస్తూ వేగవంతంగా నిర్ణీత కాలంలో పూర్తి చేయాలని కృష్ణా జిల్లా కలెక్టర్ DK బాలాజీ కాంట్రాక్టర్లకు సూచించారు. బుధవారం ఆయన మచిలీపట్నంలోని తన కార్యాలయంలో వివిధ శాఖలలో చేపట్టిన అభివృద్ధి పనులకు సంబంధించిన కాంట్రాక్టర్లు, ఆయా శాఖల ఇంజనీర్లతో సమావేశమయ్యారు. జిల్లాలో చేపట్టిన పనుల పురోగతిని ఇంజినీరింగ్ విభాగం పర్యవేక్షిస్తూ ఉండాలని కలెక్టర్ సూచించారు.
News August 7, 2024
పంచాయితీరాజ్ అధికారులతో సమీక్ష నిర్వహించిన కలెక్టర్
కలెక్టర్ సృజన బుధవారం విజయవాడ కలెక్టరేట్‌లోని పింగళి వెంకయ్య సమావేశ మందిరంలో అధికారులతో సమీక్ష నిర్వహించారు. ఈ సమావేశంలో పంచాయితీరాజ్, ఉపాధి హామీ తదితర విభాగాల అధికారులు పాల్గొన్నారు. సమీక్షలో భాగంగా ఆయా మండలాల్లో నిర్వహిస్తున్న అభివృద్ధి పనుల పురోగతిపై ఆమె అధికారులతో చర్చించారు. నిర్దేశిత గడువులోపు ఆయా అభివృద్ధి పనులను పూర్తి చేసేలా క్షేత్రస్థాయి అధికారులు చర్యలు తీసుకోవాలన్నారు.
News August 7, 2024
స్పోర్ట్స్ క్యాలెండర్ రూపొందించండి: కలెక్టర్ బాలాజీ
కృష్ణా జిల్లా స్పోర్ట్స్ అథారిటీ కమిటీ సమావేశం బుధవారం మచిలీపట్నంలోని కలెక్టర్ కార్యాలయంలో జరిగింది. ఈ సమావేశానికి జిల్లా కలెక్టర్ DK బాలాజీ అధ్యక్షత వహించారు. స్పోర్ట్స్ క్యాలెండర్ రూపొందించి అమలు చేయడం ద్వారా క్రీడాకారులను ప్రోత్సహించాలని కలెక్టర్ అధికారులను ఆదేశించారు. జిల్లాలో క్రీడాభివృద్ధికి విస్తృతంగా కృషి చేయాలని ఆయన క్రీడా శాఖ అధికారులకు సూచించారు.
News August 7, 2024
కృష్ణా జిల్లాలో PACSల బలోపేతానికి చర్యలు: కలెక్టర్
జిల్లాలో ప్రాథమిక వ్యవసాయ సహకార పరపతి సంఘాల (PACS) బలోపేతానికి చర్యలు తీసుకోవాలని కృష్ణాజిల్లా కలెక్టర్ డీకే బాలాజీ అధికారులను ఆదేశించారు. బుధవారం కలెక్టరేట్ వీడియో కాన్ఫరెన్స్ హాలులో కలెక్టర్ జిల్లా సహకార అభివృద్ధి కమిటీ సమావేశం జరిగింది. ఈ సమావేశంలో ప్రధానంగా PACSల కంప్యూటరీకరణ, PACSలలో విద్యుత్, హార్డ్వేర్, PM కిసాన్ సమృద్ధి కేంద్రాలు తదితర అంశాలపై సమీక్షించారు.
News August 7, 2024
మచిలీపట్నం: డిగ్రీ రీ వాల్యుయేషన్ పరీక్షల ఫలితాల విడుదల
కృష్ణా యూనివర్సిటీ పరిధిలోని నోబుల్ కళాశాల విద్యార్థుల డిగ్రీ కోర్సుల 1, 3, 5వ సెమిస్టర్ల రీ వాల్యుయేషన్ పరీక్షల ఫలితాలు గురువారం విడుదలయ్యాయి. విద్యార్థులు అధికారిక వెబ్‌సైట్‌లో తమ రిజిస్టర్ నెంబర్ ద్వారా రిజల్ట్స్ తెలుసుకోవచ్చు. పరీక్షల ఫలితాలకై అధికారిక వెబ్‌సైట్ https://kru.ac.in/ చెక్ చేసుకోవాలని కృష్ణా యూనివర్సిటీ పరీక్షల విభాగం తెలిపింది.
News August 7, 2024
రాష్ట్రంలో చేనేతకు పూర్వ వైభవం తెస్తాం: మంత్రి సవిత
రాష్ట్రంలో చేనేతకు పూర్వ వైభవం తెస్తామని బీసీ సంక్షేమ శాఖ మంత్రి సవిత అన్నారు. జాతీయ చేనేత దినోత్సవం పురస్కరించుకొని చేనేత జౌలి శాఖ ఆధ్వర్యంలో బుధవారం విజయవాడ మేరీస్ కాలేజీ వద్ద ర్యాలీ కార్యక్రమాన్ని నిర్వహించారు. ఈ ప్రభుత్వ హయాంలో చేనేత కార్మికులకు స్వర్ణ యుగమని అన్నారు. చేనేతల అన్నపై చంద్రబాబు ప్రత్యేక దృష్టి పెట్టారన్నారు. చేనేత కార్మికుల కుటుంబ సభ్యులందరికీ శుభాకాంక్షలు తెలియజేశారు.
News August 7, 2024
కృష్ణా: బాలికపై తాపీమేస్త్రి అత్యాచారం.. కేసు నమోదు
బాలికను అత్యాచారం చేసిన ఘటనలో పోలీసులు పోక్సో కేసు నమోదు చేశారు. గుడ్లపల్లేరుకు చెందిన ఓ వ్యక్తి స్నేహితుడైన తాపీమేస్త్రి వలివెల రామకృష్ణ సదరు బాలికను ప్రేమ పేరుతో వలలో వేసుకున్నాడు. కొద్దిరోజుల కిందట బాలికను హైదరాబాద్‌కు తీసుకెళ్లి పలుమార్లు అత్యాచారం చేశాడు. దీనికి శేరీదగ్గుమిల్లికి చెందిన కార్తీక్ సహకరించాడు. తల్లిదండ్రుల ఫిర్యాదుతో కార్తీక్, రామకృష్ణలపై పోలీసులు పోక్సో కేసులు నమోదు చేశారు.
News August 7, 2024
కృష్ణా: బాలికపై ఉపాధ్యాయుడు అసభ్య ప్రవర్తన
పామర్రు మండలంలోని ఓ గ్రామానికి చెందిన బాలిక నిమ్మకూరులో చదువుతోంది. తెలుగు ఉపాధ్యాయుడు డి.వెంకటరాజేశ్వరరావు ఈనెల 1న విద్యార్థులను గదికి రమ్మని, సదరు బాలికకు పుస్తకంలోని విషయాన్ని సరిచేయాలని సూచిస్తూ.. విద్యార్థిని శరీరాన్ని తాకుతూ అసభ్యంగా ప్రవర్తించాడు. బాలిక ఇంట్లో చెప్పగా, పోలీసులకు ఫిర్యాదు చేశారు. దీంతో ఉపాధ్యాయుడిపై పోక్సో కేసు నమోదుచేసి రిమాండ్ విధించారు. గతంలో ఈయనపై ఇలాంటి ఆరోపణలే ఉన్నాయి.
News August 6, 2024
జగ్గయ్యపేటలో ఘోర రోడ్డు ప్రమాదం
జగ్గయ్యపేట మండలం షేర్ మహమ్మద్ పేట జాతీయ రహదారిపై మంగళవారం తెల్లవారుజామున ఘోర రోడ్డు ప్రమాదం జరిగింది. ఓ వ్యక్తిని గుర్తు తెలియని వాహనం ఢీకొనడంతో నుజ్జు నుజ్జై శరీరం ఛిద్రమైఉంది. మృతుడు పడి ఉన్న తీరని చూస్తే భారీ వాహనం ఢీకొన్నట్లు స్థానికులు భావిస్తున్నారు. పూర్తి వివరాలు తెలియాల్సి ఉందని చిల్లకల్లు ఎస్ఐ సూచించారు.
Featured News
Sorry, no posts matched your criteria.