India's largestHyperlocal short
news App
Get daily news updates that are tailored for you based on your preferred language & location.
download Way2News app now
Kurnool
News February 4, 2025
కర్నూలు జిల్లాలో టీడీపీలోకి 500 వైసీపీ కుటుంబాలు
కర్నూలు జిల్లా కోడుమూరు, ఆలూరు, ఎమ్మిగనూరు నియోజకవర్గాలకు చెందిన వైసీపీ కార్యకర్తలు టీడీపీలో చేరారు. సుమారు 500 వైసీపీ కుటుంబాలు టీడీపీ ఎమ్మెల్యే కోట్ల సూర్యప్రకాశ్ రెడ్డి సమక్షంలో ఆ పార్టీ తీర్థం పుచ్చకున్నాయి. కోడుమూరు వైసీపీ నేత ఎరుకల లింగన్న ఆధ్వర్యంలో మూడు నియోజకవర్గాల నుంచి టీడీపీలో చేరారు. పార్టీలో తగిన గుర్తింపు ఇస్తామని వారికి కోట్ల హామీ ఇచ్చారు.
News February 4, 2025
మత్తులో పురుగు మందు తాగాడు..
మద్యం మత్తులో ఓ వ్యక్తి పురుగు మందు తాగాడు. ఈ ఘటన కర్నూలు జిల్లాలో జరిగింది. ఆదోని మండలం నాగనాథనహళ్లికి చెందిన సిద్ధప్ప (40) మద్యం మత్తులో ఉన్నాడు. ఇంట్లో ఎవరూ లేని సమయంలో తెలియక పురుగు మందుతాగాడు. అనంతరం అపస్మారకస్థతిలోకి వెళ్లాడు. కాసేపటి తర్వాత గమనించిన కుటుంబ సభ్యులు వెంటనే ఆదోని ప్రభుత్వ ఆసుపత్రికి తీసుకెళ్లారు. అక్కడ మృతి చెందారు. ఘటనపై పోలీసులు కేసు నమోదు చేసుకుని దర్యాప్తు చేపట్టారు.
News February 4, 2025
ఉద్యోగం ఇప్పిస్తానని రూ.3లక్షల మోసం
ఉద్యోగం పేరుతో కర్నూలు యువకుడిని బెంగళూరు వ్యక్తి మోసం చేశాడు. బెంగళూరుకు చెందిన మనీషా అనే వ్యక్తి సాఫ్ట్‌వేర్ ఉద్యోగం ఇప్పిస్తాని నమ్మబలకడంతో కర్నూలులోని నరసింగరావు పేటకు చెందిన సమీర్‌ అనే వ్యక్తి నమ్మాడు. రూ.3లక్షలు చెల్లించాడు. రోజులు గడుస్తున్నా ఉద్యోగం రాకపోవడం, డబ్బులు తిరిగి చెల్లింకపోవడంతో బాధితుడు కర్నూలు జిల్లా ఎస్పీ విక్రాంత్ పాటిల్‌కు ఫిర్యాదు చేశారు. న్యాయం చేయాలని కోరారు.
News February 4, 2025
మంత్రాలయంలో యువకుడి ఆత్మహత్య
మంత్రాలయం మండల కేంద్రంలోని రాఘవేంద్ర నగర్ కాలనీలో వసంత్ (32)అనే యువకుడు ఆత్మహత్య చేసుకున్నట్లు ఎస్ఐ శివాంజల్ తెలిపారు. సోమవారం ఆయన మాట్లాడారు. వసంత్ గత ఆరు నెలలుగా పైల్స్, కడుపు నొప్పితో బాధపడుతున్నారు. ఈ క్రమంలో సోమవారం నొప్పిని తాళలేక ఇంట్లోనే ఉరి వేసుకుని ఆత్మహత్య చేసుకున్నాడు. భార్య హేమవతి ఇచ్చిన ఫిర్యాదు మేరకు పోలీసులు కేసు నమోదు చేశారు.
News February 4, 2025
ఆదోని: బ్రిడ్జి పైనుంచి పడి వ్యక్తి మృతి
కర్నూలు జిల్లా ఆదోని మాసా మసీద్ కాలనీకి చెందిన సయ్యద్ నూర్ (55) అనే వ్యక్తి కొత్త ఓవర్ బ్రిడ్జిపై నుంచి ప్రమాదవశాత్తు కింద పడ్డాడు. దీంతో తలకు తీవ్ర గాయాలు అయ్యాయి. గుర్తించిన స్థానికులు హుటాహుటిన ప్రభుత్వ ఆసుపత్రికి తరలించారు. అప్పటికే మృతి చెందినట్లు వైద్య సిబ్బంది నిర్ధారించినట్లు కుటుంబ సభ్యులు తెలిపారు. పోలీసులకు ఫిర్యాదు చేసినట్లు పేర్కొన్నారు.
News February 3, 2025
రాయలసీమకు రూ.1.52లక్షల కోట్ల పెట్టుబడులు
రాయలసీమకు రూ.1.52లక్షల కోట్ల పెట్టుబడులు రానున్నాయని మంత్రి టీజీ భరత్ ప్రకటించారు. వేల మందికి ఉద్యోగాలు లభిస్తామని తెలిపారు. కర్నూలులో ఏజీ జెన్కో, ఎన్‌హెచ్‌టీసీ రూ.1000కోట్ల పెట్టుబడి పెట్టేందుకు ముందుకు వచ్చాయని వివరించారు. కడప, నంద్యాల జిల్లాల్లో SAEL సోలాల్ ఎంహెచ్‌పీ-2 రూ.1,728 కోట్లతో ప్రాజెక్టు ఏర్పాటు చేయనుందని పేర్కొన్నారు. ఇక ఓర్వకల్లుకు వేల కోట్ల పెట్టుబడులు వస్తున్నాయని చెప్పారు.
News February 3, 2025
కర్నూలుకు జడ్జిల బృందం
కర్నూలులో హైకోర్టు బెంచ్ ఏర్పాటు ప్రక్రియ స్పీడందుకుంది. బెంచ్‌కు అనువైన భవనాన్ని ఎంపిక చేసేందుకు ఈ నెల 6న హైకోర్టు జడ్జిల బృందం కర్నూలుకు వస్తున్నట్లు మంత్రి ఫరూక్ తెలిపారు. దిన్నెదేవరపాడు వద్ద APERCకి చెందిన భవనాన్ని జడ్జిల బృందం పరిశీలిస్తుందని పేర్కొన్నారు. కాగా గతేడాది రూ.25కోట్ల నిధులతో అత్యాధునిక హంగులతో ఆ భవనాన్ని నిర్మించారు.
News February 3, 2025
బస్ డ్రైవర్‌కు గుండెపోటుకు.. ప్రయాణికులు క్షేమం
ఆలూరులో నిన్న ఓ బస్సు అదుపు తప్పి డివైడర్ పైకి దూసుకెళ్లిన విషయం తెలిసిందే. డ్రైవర్‌కు గుండెపోటుకు గురికావడమే ఈ ఘటనకు కారణంగా తెలిసింది. ట్రావెల్స్ బస్సు ఆదోని నుంచి బళ్లారికి వెళ్తోంది. పట్టణంలోని సాయిబాబా ఆలయం సమీపంలోకి రాగానే డ్రైవర్ ఉసేన్ (64)కు గుండెపోటు వచ్చింది. బస్సు స్టీరింగ్ అదుపు తప్పడం ఒక్కసారిగా రోడ్డు పక్కనున్న డివైడర్‌ను ఢీకొంది. అందులోని భయాందోళనకు గురయ్యారు. డ్రైవర్ మృతి చెందారు.
News February 3, 2025
ఇసుక కావలసినవారు నిబంధనలు పాటించాలి: సీఐ గంగాధర్
ఇసుక ఉచితంగా పొందాల్సిన వారు ప్రభుత్వ నిబంధనలు తప్పనిసరిగా పాటించాలని గోనెగండ్ల సీఐ గంగాధర్ తెలిపారు. ప్రభుత్వ నిబంధనలు ఉల్లంఘిస్తే చట్టపరమైన చర్యలు తీసుకుంటామని హెచ్చరించారు. మద్యం సేవించి వాహనాలు నడపవద్దని వాహన తనిఖీ నిర్వహించి కేసులు నమోదు చేస్తామని పేర్కొన్నారు. బహిరంగంగా మద్యం సేవించటం చట్టరీత్యా నేరమన్నారు. అలాంటి వారిపై కూడా కేసులో పెడతామన్నారు.
News February 2, 2025
వెల్దుర్తి ఎస్‌ఐకి మ్యాన్ ఆఫ్ ది మ్యాచ్ అవార్డు
పత్తికొండలో కేఈ మాదన్న స్మారక జ్ఞాపకార్థం దక్షిణ భారత స్థాయి టీ-20 క్రికెట్ పోటీలు శనివారం ప్రారంభమయ్యాయి. అందులో భాగంగా ఆదివారం పోలీసుల జట్టు, ఫ్రెండ్స్ లెవేన్ జట్టు తలపడగా.. పోలీస్ జట్టు విజయం సాధించింది. వెల్దుర్తి ఎస్ఐ అశోక్ బ్యాటింగ్లో అర్థ సెంచరీ, బౌలింగ్‌లో రెండు వికెట్లతో రాణించి సత్తా చాటాడు. విజయంలో కీలకంగా వ్యవహరించిన అశోక్‌కు మ్యాన్ ఆఫ్ ద మ్యాచ్ అవార్డు లభించింది.
Featured News
Sorry, no posts matched your criteria.