India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News August 24, 2024
నెల్లూరు జైలు వద్ద టెన్షన్.. టెన్షన్
EVM ధ్వంసం కేసులో అరెస్టై నెల్లూరు జైలులో ఉన్న మాచర్ల మాజీ MLA పిన్నెల్లి రామకృష్ణారెడ్డికి నిన్న బెయిల్ మంజూరైన విషయం తెలిసిందే. సంబంధిత కాపీలు జైలుకు అందకపోవడంతో ఆయన నిన్న విడుదల కాలేదు. మరికాసేపట్లో ఆయన విడుదలయ్యే అవకాశం ఉంది. ఇప్పటికే జిల్లాకు చెందిన మాజీ మంత్రులు అనిల్, కాకాణి జైలు వద్దకు చేరుకున్నారు. బయటకు వచ్చే పిన్నెల్లిని మరో కేసులో అరెస్ట్ చేస్తారని ప్రచారం జరిగింది.
News August 24, 2024
వెంకటాచలం: పోలీసులను ఢీ కొట్టిన వాహనం
వెంకటాచలం టోల్ ప్లాజా వద్ద తనిఖీలు పోలీసులను ఓ వాహనం ఢీకొట్టింది. గంజాయి రవాణా చేస్తున్నారన్న సమాచారంతో ఎస్పీ ఆదేశాలతో నెల్లూరు రూరల్ డీఎస్పీ శ్రీనివాసరావు వాహనాలు చెక్ చేశారు. ఈక్రమంలో వేగంగా వచ్చిన ఓ వాహనం పోలీసులను ఢీకొట్టింది. ఈ ఘటనలో డీఎస్పీ శ్రీనివాసరావు గాయపడ్డారు. వెంటనే చికిత్స నిమిత్తం ఆయనను నెల్లూరులోని ఓ ప్రైవేట్ ఆసుపత్రికి తరలించారు. దీనిపై మరిన్ని వివరాలు తెలియాల్సి ఉంది.
News August 24, 2024
నెల్లూరు జైలు సూపరింటెండెంట్ బదిలీ
చెముడుగుంటలోని నెల్లూరు సెంట్రల్ జైలు సూపరింటెండెంట్ రాజేశ్వరరావు కడప సెంట్రల్ జైలుకు బదిలీ అయ్యారు. నెల్లూరు ఏపీ స్టార్స్ ప్రిన్సిపల్‌గా ఉన్న రాజారావుకు స్థానిక సెంట్రల్ జైలు సూపరింటెండెంట్ బాధ్యతలు అప్పగించారు. అలాగే కడప సెంట్రల్ జైల్ ఇన్‌ఛార్జ్ సూపరింటెండెంట్ ప్రకాశ్‌ను ఏపీ స్టార్స్ ప్రిన్సిపల్‌గా నియమిస్తూ జైళ్ల శాఖ డీఐజీ కుమార్ విశ్వజిత్ ఉత్తర్వులు జారీ చేశారు.
News August 24, 2024
కావలి: ఆర్టీసీలో రూ.10 నాణెం చెల్లుతుంది
నెల్లూరు జిల్లాలో ఇప్పటికీ రూ.10 కాయిన్‌ను కొన్ని చోట్ల తీసుకోవడం లేదు. మరోవైపు ఆర్టీసీ బస్సుల్లోనూ వీటిని తీసుకోవడం లేదని ఫిర్యాదులు వస్తున్నాయి. ఈ నేపథ్యంలో కావలి డిపో మేనేజర్ శ్రీనివాసరావు స్పందించారు. ‘ఆర్టీసీలో రూ.10 కాయిన్ చెల్లుతుంది. ప్రయాణికులు ఇచ్చే కాయిన్ తీసుకోవాల్సిందేనని సిబ్బందికి ప్రత్యేకంగా చెప్పాం. రూ.10 కాయిన్ చెల్లుతుందని బస్టాండ్ ఆవరణలో నోటీసు బోర్డు పెట్టాం’ అని తెలిపారు.
News August 24, 2024
నెల్లూరు: భర్తకు భార్య అసభ్యకర ఫొటోలు
భార్య అసభ్యకర ఫొటోలు భర్తకు పంపిన ఘటన నెల్లూరు జిల్లాలో జరిగింది. అల్లూరు మండలంలోని ఓ గ్రామానికి చెందిన రాజా 28 ఏళ్ల వివాహిత అసభ్యకర చిత్రాలను ఆమె భర్తకు గత మార్చి నుంచి వాట్సప్ చేస్తున్నాడు. దీంతో భార్యను భర్త శారీరకంగా వేధించాడు. చివరకు ఆ ఫోన్ నంబర్‌ను పరిశీలిస్తే రాజానే ఇలా చేస్తున్నాడని తెలిసి గ్రామ పెద్దలు మందలించారు. రాజా ప్రవర్తనలో మార్పు రాకపోవటంతో పోలీసులకు ఫిర్యాదు చేశారు.
News August 24, 2024
29 న ఏడు స్థాయి సంఘాల సమావేశం
నెల్లూరులోని జిల్లా పరిషత్ కార్యాలయంలో ఈనెల 29వ తేదీ జిల్లాపరిషత్ కు సంబంధించిన ఏడు స్థాయి సంఘాల సమావేశం నిర్వహించనున్నట్లు జెడ్పీ సీఈవో కన్నమనాయుడు తెలిపారు. పంచాయతీరాజ్ ఇంజనీరింగ్, గ్రామీణ నీటి సరఫరా, పారిశుధ్య, ఆర్ అండ్ బి, జిల్లా నీటి యాజమాన్య సంస్థ, గృహనిర్మాణ, విద్యుత్ శాఖ, పశుసంవర్థక, మత్స్య, ఉద్యానవన, విద్య, వైద్య, ఐసీడీఎస్, గిరిజనాభివృద్ది, సాంఘిక సంక్షేమ శాఖలతో సమావేశం జరుగుతుందన్నారు.
News August 23, 2024
నెల్లూరు RTC బస్టాండులో నీళ్లు తాగడానికి వెళ్లి వ్యక్తి మృతి
నెల్లూరులోని ఆర్టీసీ బస్టాండ్‌లో గుర్తుతెలియని వ్యక్తి మంచినీళ్లు తాగడానికి వెళ్లి అక్కడికక్కడే కుప్పకూలి పడిపోయాడు. అక్కడ ఉన్నవారు దగ్గరకు వెళ్లి చూడగా మరణించినట్లు గుర్తించారు. వెంటనే పోలీసులకు సమాచారం ఇవ్వగా వారు వచ్చి పరిశీలించారు. పై ఫోటోలోని వ్యక్తి ఎవరికైనా తెలిసినట్లయితే ఒకటవ పట్టణ పోలీస్ స్టేషన్లో సంప్రదించగలరని పోలీసులు తెలిపారు.
News August 23, 2024
నెల్లూరు జిల్లాకు రూ.80 కోట్లు
నెల్లూరు జిల్లా వ్యాప్తంగా శుక్రవారం జరగనున్న ఉపాధి హామీ పథకం గ్రామ సభల్లో మెటీరియల్ కాంపోనెంట్ కింద పనులకు ప్రతిపాదనలు చేయనున్నారు. ఇందుకు జిల్లాకు రూ.80 కోట్లు కేటాయించారు. ప్రతి నియోజకవర్గానికి రూ.10 కోట్లు చొప్పున ఈ నిధులు వెచ్చించారు. గ్రామ సభలో గుర్తించిన పనులను ఎంపీడీవోల ద్వారా జిల్లా కలెక్టర్‌ కు నివేదిస్తారు.
News August 23, 2024
నెల్లూరు: పెళ్లిలో వివాదం.. యువకుడికి గాయాలు
బోగోలు మం. ఏనుగులబావి గ్రామంలో పెళ్లిలో ఘర్షణ జరిగింది. పోలీసుల వివరాల మేరకు.. గురువారం వివాహం జరుగుతుండగా కొందరు యువకులు గొడవకు దిగారు. మాటమాటా పెరిగి దాడి చేసుకున్నారు. ఈ క్రమంలో శ్రీను అనే యువకుడు గాయాలపాలయ్యారు. అతన్ని కుటుంబ సభ్యులు హుటాహుటిన కావలి పట్టణంలోని ప్రభుత్వ ఆసుపత్రికి తీసుకొచ్చి చికిత్స అందిస్తున్నారు. పోలీసులు కేసు నమోదు చేసి విచారణ జరుపుతున్నారు. ఘటనకు కారణాలు తెలియాల్సి ఉంది.
News August 23, 2024
నెల్లూరు: పల్లె ప్రగతికి రూ.34.68 కోట్లు
జిల్లాలోని పంచాయతీలకు రూ.34.68 కోట్ల ఆర్థిక సంఘం నిధులు మంజూరయ్యాయి. 2023-24 సంవత్సరానికి రెండో విడత 15వ ఆర్థిక సంఘం నిధులు మంజూరయ్యాయి. ట్రేడ్ గ్రాంట్‌గా రూ.20,81,17,976లు, అన్ ట్రేడ్ కింద రూ.13,87,45,162లు.. మొత్తంగా రూ.34,68,63,138 విడుదలయ్యాయి. ఈ నిధుల ద్వారా పంచాయతీల్లో కనీస వసతులు మెరుగుపర్చుకునేందుకు అవకాశం ఉంటుంది.
Featured News
Sorry, no posts matched your criteria.