India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News November 24, 2024
ZP సర్వసభ్య సమావేశంలో ‘MLAల ఆగ్రహం’
శనివారం జరిగిన నెల్లూరు జిల్లా ప్రజా పరిషత్ సర్వసభ్య సమావేశంలో అధికారుల తీరుపై ఎమ్మెల్యేలు ఆగ్రహం వ్యక్తం చేశారు. కొన్ని శాఖల అధికారులు సమావేశానికి ఎందుకు హాజరు కాలేదని నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డి, వెంకటగిరి ఎమ్మెల్యే కురుగొండ రామకృష్ణ ప్రశ్నించారు. సమావేశానికి హాజరు కాని అధికారులపై మంత్రి ఆనం, కలెక్టర్ ఓ ఆనంద్‌కు వారు ఫిర్యాదు చేశారు.
News November 24, 2024
కందుకూరులో జిల్లా ఎస్పీ పోలీస్ స్టేషన్లను సందర్శన
నెల్లూరు జిల్లా కందుకూరు DSP ఆఫీస్, కందుకూరు టౌన్, రూరల్, ఉలవపాడు, VV పాలెం పోలీసు స్టేషన్లను శనివారం జిల్లా ఎస్పీ జి.కృష్ణకాంత్ సందర్శించారు. పోలీస్ స్టేషన్ల మ్యాప్, చార్ట్ ను, స్టేషన్ పరిధిలో ఉన్న పరిస్థితులు, శిథిలావస్థలో ఉన్న వాహనాలను పరిశీలించి, కోర్టు అనుమతితో వేలం వేయాలని ఆదేశాలు జారీ చేశారు. హైవేపై రోడ్డు ప్రమాదాల నివారణకు ప్రత్యేక శ్రద్ధ చూపాలని సూచించారు.
News November 24, 2024
ప్రతినిధులు జిల్లా అభివృద్ధిలో భాగ స్వాములు కావాలి : ఆనం
స్థానిక సంస్థల ప్రజా ప్రతినిధులు జిల్లా అభివృద్ధిలో భాగస్వాములు కావాలని మంత్రి ఆనం రామనారాయణ రెడ్డి అన్నారు. శనివారం జిల్లా ప్రజా పరిషత్ కార్యాలయంలో జరిగిన సర్వసభ్య సమావేశంలో ఆయన మాట్లాడారు. కేంద్ర రాష్ట్ర ప్రభుత్వాలు స్థానిక సంస్థలకు ఎక్కువ ప్రాధాన్యత ఇస్తున్నాయని అన్నారు. ప్రభుత్వాలు నిధులు ఇవ్వడానికి సిద్ధంగా ఉన్నాయని, అ మేరకు ప్రజా ప్రతినిధులు ప్రభుత్వానికి సహకరించాలని కోరారు.
News November 23, 2024
ప్రతినిధులు జిల్లా అభివృద్ధిలో భాగ స్వాములు కావాలి : ఆనం
స్థానిక సంస్థల ప్రజా ప్రతినిధులు జిల్లా అభివృద్ధిలో భాగస్వాములు కావాలని మంత్రి ఆనం రామనారాయణ రెడ్డి అన్నారు. శనివారం జిల్లా ప్రజా పరిషత్ కార్యాలయంలో జరిగిన సర్వసభ్య సమావేశంలో ఆయన మాట్లాడారు. కేంద్ర రాష్ట్ర ప్రభుత్వాలు స్థానిక సంస్థలకు ఎక్కువ ప్రాధాన్యత ఇస్తున్నాయని అన్నారు. ప్రభుత్వాలు నిధులు ఇవ్వడానికి సిద్ధంగా ఉన్నాయని, అ మేరకు ప్రజా ప్రతినిధులు ప్రభుత్వానికి సహకరించాలని కోరారు.
News November 23, 2024
రాజ్యాంగానికి అతీతంగా చంద్రబాబు పాలన: కాకాణి
రాజ్యాంగాన్ని తుంగలో తొక్కి అరాచకపాలనకు సీఎం చంద్రబాబు బీజాల వేశాడని మాజీ మంత్రి కాకాణి గోవర్ధన్ రెడ్డి విమర్శించారు. YSRCP అధినేత జగన్, ఆయన కుటుంబీకులపై అనుచిత పోస్ట్‌లు పెడుతున్న వారిపై చర్యలు తీసుకోవాలని ఆయన వేదాయాపాలెం P.Sలో ఫిర్యాదు చేశారు. పార్టీ కార్యకర్తలను వేధిస్తున్న ఏ ఒక్కరినీ వదిలిపెట్టనని కాకాణి హెచ్చరించారు. తమ పార్టీ కార్యకర్తల ఆవేదనను ప్రభుత్వం తట్టుకోలేదని స్పష్టం చేశారు.
News November 23, 2024
అంచనాల కమిటీ సభ్యులుగా గూడూరు ఎమ్మెల్యే ఎంపిక
అసెంబ్లీలో శుక్రవారం నిర్వహించిన ఎన్నికల్లో అంచనాల కమిటీ సభ్యుడిగా గూడూరు ఎమ్మెల్యే డాక్టర్ సునీల్ కుమార్ ఎంపికయ్యారు. ఈ నేపథ్యంలో ఆయన అంచనాల కమిటీ సభ్యుడిగా అవకాశం కల్పించిన ముఖ్యమంత్రి చంద్రబాబు, డిప్యూటీ సీఎం పవన్ కళ్యాణ్, విద్యాశాఖ మంత్రి నారా లోకేశ్ బాబుతో సహ శాసన సభ్యులకు కృతజ్ఞతలు తెలిపారు.
News November 23, 2024
STల సమస్యలపై ప్రత్యేక దృష్టి సారిస్తాం: కలెక్టర్
షెడ్యూల్డ్ తరగతుల సమస్యలపై ప్రత్యేక దృష్టి సారిస్తామని జిల్లా కలెక్టర్ ఓ. ఆనంద్ అన్నారు. శుక్రవారం విడవలూరు మండలం పార్లపల్లి ఎస్టీ కాలనీ, కొడవలూరు మండలం నార్త్ రాజుపాలెం ఎస్టీ కాలనీని అధికారులతో కలసి సందర్శించారు. అనంతరం అసోసియేషన్ ఆఫ్ రూరల్ డెవలప్మెంట్(ARD) సంస్థ ఆధ్వర్యంలో ఏర్పాటుచేసిన కార్యక్రమంలో ఎస్టీ మహిళల నుంచి అర్జీలు స్వీకరించారు.
News November 22, 2024
కావలిలో వ్యక్తి దారుణ హత్య !
కావలి సమీపంలోని జగనన్న లే ఔట్ లో ఓ వ్యక్తి దారుణ హత్యకు గురయ్యాడు. మృతుడు ముసునూరుకు చెందిన ముప్పవరపు శాంతి కుమార్(35)గా పోలీసులు గుర్తించారు. ఓ యువతితో కలిసి జగనన్న లేఔట్‌కి వచ్చిన శాంతి కుమార్, యువతి వెళ్లిపోయిన కాసేపటికి వచ్చి చూసేసరికి మృతి చెందినట్లు స్థానిక మహిళ తెలిపారు. ఘటన స్థలానికి కావలి DSP శ్రీధర్, రూరల్ సీఐ రాజేశ్వరరావు చేరుకున్నారు. పూర్తి వివరాలు తెలియాల్సి ఉంది.
News November 22, 2024
మాదకద్రవ్యాలకు లోనైతే జీవితం అంధకారం : ఎస్పీ
మాదకద్రవ్యాల వ్యసనానికి లోనైన వ్యక్తి జీవితం అంధకారంలోకి వెళ్తుందని జిల్లా ఎస్పీ కృష్ణ కాంత్ తెలిపారు. శుక్రవారం నెల్లూరు జిల్లాలోని పలు కళాశాలలో ఆయన మాదకద్రవ్యాలపై విద్యార్థులకు అవగాహన కార్యక్రమాలు నిర్వహించారు. ఆయన మాట్లాడుతూ.. సైబర్ నేరాలు పట్ల ప్రతి ఒక్కరు అప్రమత్తంగా ఉండాలని అన్నారు. ఉన్నత లక్ష్యాన్ని ఏర్పరుచుకొని, సమయాన్ని వినియోగించుకుంటూ బాగా చదవాలని విద్యార్థులకు పిలుపునిచ్చారు.
News November 22, 2024
23, 24 తేదీల్లో మీ ఓటును సరిచూసుకోండి : కలెక్టర్
ఎన్నికల సంఘం వారి ఆదేశాల మేరకు అందరు బూత్ స్థాయి అధికారులచే ఈ నెల 23, 24 తేదీల్లో ఓటర్లు వారి పేరు ఓటర్ల జాబితాలో నమోదైందో లేదో పరిశీలించుకోవాలని కలెక్టర్ ప్రకటనలో తెలిపారు. ఆ రోజులలో బూత్ స్థాయి అధికారులు పోలింగ్ కేంద్రాల వద్ద ముసాయిదా ఓటర్ల జాబితా, ఫారం 6, ఫారం 7, ఫారం 8 లతో ఉదయం 10 గంటల నుంచి సాయంత్రం 5 గంటలు వరకు దరఖాస్తులు స్వీకరిస్తారని పేర్కొన్నారు.
Featured News
Sorry, no posts matched your criteria.