India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News June 18, 2024
పోలీసు అధికారులతో వీడియో కాన్ఫరెన్స్
నెల్లూరు జిల్లాలోని పోలీసు అధికారులతో జిల్లా ఎస్పీ కె.ఆరీఫ్ హఫీజ్ వీడియో కాన్ఫరెన్స్ నిర్వహించారు. మంగళవారం నెల్లూరులోని పోలీస్ కార్యాలయంలో ఆయన వీడియో కాన్ఫరెన్స్‌లో మాట్లాడుతూ.. సబ్ డివిజన్ పరిధిలో నేర సమీక్షలు నిర్వహించాలని, లోక్ అదాలత్‌పై అవగాహన, రాత్రి పూట గస్తీ పటిష్టం చేయాలని, స్కూల్స్ కళాశాలలు ప్రారంభం, ముగింపు సమయంలో తప్పకుండా విజబుల్ పోలీసింగ్ నిర్వహించాలన్నారు.
News June 18, 2024
ఉదయగిరి: గురుకుల పాఠశాలలో టీచర్ పోస్టులకు నోటిఫికేషన్
ఉదయగిరి మండలంలోని ఏపీ గురుకుల పాఠశాలలో ఖాళీగా ఉన్న ఉపాధ్యాయుల పోస్టుల భర్తీకి అర్హుల నుంచి దరఖాస్తులు కోరుతున్నట్లు ప్రిన్సిపల్ పుష్పరాజ్ తెలిపారు. ఇంగ్లిష్, టీజీటీ, గణితం, బయోలాజికల్ సైన్స్, పీజీటీ, ఫిజికల్ సైన్స్ గెస్ట్ ఉపాధ్యాయుల ఖాళీలు ఉన్నాయన్నారు. 2018 డీఎస్సీ గైడ్లైన్స్ ప్రకారం దరఖాస్తు చేసుకోవాలన్నారు. దరఖాస్తుతో పాటు విద్యార్హతల జిరాక్స్ కాపీలను ఈనెల 24వ తేదీలోపు అందించాలన్నారు.
News June 18, 2024
రాష్ట్రంలోని ఆలయాల పూర్వవైభవానికి కృషి: మంత్రి ఆనం
రాష్ట్రంలోని ఆలయాల అభివృద్ధి, పునర్నిర్మాణ పనులపై ప్రత్యేక దృష్టి సారించి ఆలయాల పూర్వవైభవానికి కృషి చేస్తామని రాష్ట్ర దేవాదాయ శాఖ మంత్రి ఆనం రామనారాయణరెడ్డి పేర్కొన్నారు. మంగళవారం నెల్లూరు సంతపేటలోని మంత్రి నివాసంలో ఆయన విలేఖర్లతో మాట్లాడారు. రాష్ట్రంలో అనేక శతాబ్ధాల చరిత్ర గల ఆలయాలు ఎన్నో ఉన్నాయని, వీటి అభివృద్ధి, పునర్నిర్మాణ పనులపై ముఖ్యమంత్రి చంద్రబాబుతో మాట్లాడి చర్యలు చేపడతామన్నారు.
News June 18, 2024
నాయుడుపేట: హైవేపై రోడ్డు ప్రమాదం.. ఒకరు స్పాట్ డెడ్
నాయుడుపేట మండలం పండ్లూరు జాతీయ రహదారిపై నట్టేటి చెంగయ్య (70)ను ఆర్టీసీ బస్సు ఢీ కొట్టింది. దీంతో వృద్ధుడు అక్కడికక్కడే మృతి చెందాడు. గ్రామ సమీపంలోని పంట పొలాల వద్దకు నడిచి వెళ్తుండగా ఈ ప్రమాదం చోటుచేసుకుంది. మృతదేహాన్ని నాయుడుపేట ప్రభుత్వ ఆసుపత్రికి తరలించారు. సమాచారం అందుకున్న పోలీసులు కేసు నమోదు చేసి దర్యాప్తు చేపట్టారు.
News June 18, 2024
జంతువు వెంట్రుకలు, అడుగులు ల్యాబ్‌కు పంపించాం: ఫారెస్ట్ అధికారి
నెల్లూరు జిల్లా మర్రిపాడు మండలం కదిరినాయుడుపల్లి అటవీ ప్రాంతంలో నిన్న పులి కారును ఢీకొట్టింది. ఈ ఘటనపై ఆత్మకూరు ఫారెస్ట్ అధికారి శేఖర్ స్పందించారు. స్థానికుల సమాచారంతో అటవీ ప్రాంతంలో నిన్న మధ్యాహ్నం నుంచి 25 మంది సిబ్బందితో తనిఖీలు చేయిస్తున్నట్లు చెప్పారు. గ్రామంలో కాపరులకు జంతువులు ఎదురైతే సమాచారం ఇవ్వాలని కోరారు. కారుకు తగిలిన వెంట్రుకలు, జంతువు అడుగులు ల్యాబ్ కు పంపించామని తెలిపారు.
News June 18, 2024
ఇంటర్ సప్లిమెంటరీ Results.. నెల్లూరుకు 4th ర్యాంక్
ఇంటర్ సెకండియర్ సప్లిమెంటరీ పరీక్షల ఫలితాలు విడుదలయ్యాయి. నెల్లూరు జిల్లాలో 4970 మంది విద్యార్థులు పరీక్షలు రాయగా 3675 మంది పాసయ్యారు. 75 % పాస్ పర్సంటేజ్‌తో రాష్ట్రంలో 4వ స్థానంలో నిలిచింది. తిరుపతి జిల్లాలో 6023 మందికి 3602 మంది పాసయ్యారు. 60 % పాస్ పర్సంటేజ్‌తో 13వ స్థానంలో నిలిచింది. ఒకేషన్లో నెల్లూరు విద్యార్థులు 412 మందికి 325 మంది.. తిరుపతిజిల్లా విద్యార్థులు 380 మందికి 235 మంది పాసయ్యారు.
News June 18, 2024
NLR: రేపటి నుంచి ఐటీఐ కౌన్సెలింగ్
నెల్లూరు జిల్లాలో ఈనెల 19, 20వ తేదీల్లో ఐటీఐలో ప్రవేశాలకు కౌన్సెలింగ్ నిర్వహించనున్నట్లు ఐటీఐ కన్వీనర్, ప్రభుత్వ బాలుర ఐటీఐ ప్రిన్సిపల్ శ్రీధర్ రెడ్డి ఒక ప్రకటనలో తెలిపారు. దరఖాస్తు చేసుకున్న విద్యార్థులు నెల్లూరు వెంకటేశ్వరపురంలోని ప్రభుత్వ బాలుర ఐటీఐకు ఒరిజనల్ సర్టిఫికెట్లతో హాజరు కావాలని సూచించారు. 19న మెరిట్ నంబరు 1 నుంచి 300 వరకు, 20న మెరిట్ నంబరు 301 నుంచి 620 వరకు కౌన్సెలింగ్ ఉంటుంది.
News June 18, 2024
నెల్లూరు: ఇంకా కోలుకోని YCP నేతలు..!
నెల్లూరు జిల్లాలోని అన్ని స్థానాల్లో వైసీపీ అభ్యర్థులు ఓటమి చవిచూశారు. ఆ ఘోర ప్రభావం నుంచి నేతలు ఇంకా కోలుకోలేదు. ఒకరు ఇద్దరు మినహా మిగిలిన వాళ్లు ఎవరూ ఇప్పటికీ చాలామంది ప్రజల్లోకి రాలేదు. నిన్న బక్రీద్ కావడంతో టీడీపీ ఎమ్మెల్యేలు పలు చోట్ల ప్రార్థనల్లో పాల్గొనగా.. వైసీపీ నేతలు సామాజిక మాధ్యమాల్లో శుభాకాంక్షల పోస్ట్‌లకే పరిమితమయ్యారు. మరోవైపు నేతల భరోసా కోసం కార్యకర్తలు ఎదురు చూస్తున్నారు.
News June 18, 2024
జగన్ ఇంకా తేరుకోలేదు: సోమిరెడ్డి
ఎన్నికల్లో బ్యాలెట్ పేపర్లు వాడాలంటూ మాజీ సీఎం జగన్ చేసిన ట్వీట్‌కు మాజీ మంత్రి, సర్వేపల్లి ఎమ్మెల్యే సోమిరెడ్డి చంద్రమోహన్ రెడ్డి కౌంటర్ ఇచ్చారు. ‘ఓటమి షాక్ నుంచి జగన్ ఇంకా తేరుకోలేదు. అందుకే ఎలాన్ మస్క్‌లా మాట్లాడుతున్నాడు. గెలిస్తే తన గొప్ప.. ఓడితే ఈవీఎంల తప్పా? 2019లో గెలిచినప్పుడు జగన్ ఏం మాట్లాడాడో గుర్తు చేసుకోవాలి. ఇకనైనా జగన్ ఆత్మవిమర్శ చేసుకోవాలి’ అని సూచించారు.
News June 18, 2024
నెల్లూరు: 2 నెలలు కాపురం చేసి పరార్
ఉమ్మడి నెల్లూరు జిల్లా కోట(M) విద్యానగర్‌కు చెందిన నిహారిక అనే యువతి మోసపోయింది. ఇన్‌స్టాగ్రాం పరిచయంతో గద్వాల్ జిల్లాకు చెందిన బషీర్‌తో ఆమె కొద్ది రోజులు సహజీవనం చేసింది. తనకు విడాకులై ఇద్దరు పిల్లలు ఉన్నారని నిహారిక చెప్పినా మార్చి 18న బషీర్ తాళి కట్టాడు. 2 నెలలు కాపురం చేసి పారిపోయాడు. బక్రీద్ కావడంతో అతను సొంత ఇంటికి వస్తాడని నిహారిక నిన్న బషీర్ ఊరికి వెళ్లగా అతను దాడి చేసి తరిమేశాడు.
Featured News
Sorry, no posts matched your criteria.