India's largestHyperlocal short
news App
Get daily news updates that are tailored for you based on your preferred language & location.
download Way2News app now
Nellore
News June 15, 2024
నెల్లూరు: అత్యుత్తమ రాజధానిగా అమరావతి: మంత్రి నారాయణ
అత్యుత్తమ రాజధానిగా అమరావతిని నిర్మిస్తామని మున్సిపల్ శాఖ మంత్రి పొంగూరు నారాయణ తెలిపారు. శనివారం చింతారెడ్డిపాలెంలోని నారాయణ మెడికల్ కాలేజీ ఆవరణలోని ఆయన నివాసంలో పాత్రికేయులతో మాట్లాడారు. రెండున్నర ఏళ్లలోనే రాజధాని అమరావతిని పూర్తి చేసేందుకు పక్కా ప్రణాళికను రూపొందిస్తున్నామన్నారు. రాష్ట్రంలోని అన్ని మున్సిపాలిటీల అభివృద్ధికి చర్యలు తీసుకుంటామన్నారు.
News June 15, 2024
భక్తి, త్యాగం, ఐక్యతకు ప్రతీక బక్రీద్: నెల్లూరు ఎస్పీ ఆరీఫ్ హఫీజ్
జూన్ 17న బక్రీద్ పండుగ సందర్భంగా ఇరు మత పెద్దలతో ఎస్పీ ఆరీఫ్ హఫీజ్ సమావేశమయ్యారు. భక్తి భావం, త్యాగం, ఐక్యతకు ప్రతీకగా నిలిచిన బక్రీద్ పండుగను కులమతాలకు అతీతంగా, సామరస్యంగా, ప్రశాంత వాతావరణంలో జరుపుకోవాలని సూచించారు. ఈ సందర్భంగా ఒకరికొకరు సహకరించుకుంటూ పండుగ జరుపుకుంటామని హిందూ, ముస్లిం మత పెద్దలు ప్రమాణం చేశారు. గోవధ చట్టాలను అనుసరించి పండగ చేసుకోవాలని కోరారు.
News June 15, 2024
దుత్తలూరు: రూ.100కు చేరువగా టమాటా
మార్కెట్లో లభ్యమయ్యే నాణ్యమైన మొదటి రకం టమాటా ధర సెంచరీకి దగ్గరైంది. జిల్లాలోని దాదపు అన్ని మండల కేంద్రాల్లో తృతీయ శ్రేణి టమాటాలు కిలో రూ.60 పైగానే వ్యాపారులు విక్రయిస్తున్నారు. ఇప్పటికే నెల్లూరు జిల్లాలో కేజీ ఉల్లిగడ్డ రూ.60 పలుకుతోంది. నిత్యం వాడే కురగాయల ధరలు ఆకాశాన్నంటుతుండటంతో ఖర్చుల భారం పెరిగిపోతుందని ప్రజలు వాపోతున్నారు. ధరలు తగ్గేలా ప్రభుత్వం చర్యలు తీసుకోవాలని కోరుతున్నారు.
News June 15, 2024
దుత్తలూరు: ఇవి తింటే అంతే సంగతులు !
ప్రస్తుతం దుత్తలూరుతో పాటు జిల్లాలోని పలు ప్రాంతాల్లో గడువుతీరిన చిన్నారుల మెచ్చే వివిధ రకాల చిరుతిళ్ల ప్యాకెట్లు హల్చల్ చేస్తున్నాయి. కంపెనీ 50 శాతం అదనంగా ఇస్తామంటూ ఆఫర్లను పెట్టి గడువు తీరిన వివిధ రకాల ప్యాకెట్లను మార్కెట్లోని అందుబాటులోకి తెచ్చి విక్రయ దారులకు తగినంత కమిషన్ ఇచ్చి తమ మార్కెట్ పెంచుకుంటున్నారు. తల్లిదండ్రులు ఇవేమీ ఆలోచించకుండా ఈ ప్యాకెట్లు చిన్నారులకు అందజేస్తున్నారు.
News June 15, 2024
మంత్రి నారాయణను క‌లిసిన కలెక్టర్, ఎస్పీ
రాష్ట్ర పుర‌పాల‌క శాఖ మంత్రిగా బాధ్యతలు చేపట్టిన డాక్ట‌ర్ పొంగూరు నారాయణను శనివారం ఉదయం నెల్లూరు మంత్రి నివాసంలో జిల్లా కలెక్టర్ హ‌రినారాయ‌ణ్‌, ఎస్పీ ఆరీఫ్ హఫీజ్ లు మ‌ర్యాద‌పూర్వ‌కంగా క‌లిశారు. పుష్ప గుచ్ఛాలు అంద‌జేసి జ‌న్మ‌దిన శుభాకంక్షలు తెలియ‌జేశారు. అనంతరం వారు కొంత సేపు జిల్లా అభివృద్ధి, శాంతిభ‌ద్ర‌త‌లు ఇతర అంశాల విషయాలపై చర్చించుకున్నారు.
News June 15, 2024
నెల్లూరు: ఆరు తలల తాటి చెట్టు
అల్లూరు మండలంలోని గోగులపల్లి వద్ద ఆరు తలల తాటి చెట్టు ఉంది. చుట్టు పక్కల ప్రాంతాల వారు ఆ తాటి చెట్టును చూసి ఆశ్చర్యం వ్యక్తం చేస్తున్నారు. ఇలాంటి తాటి చెట్టును ఎప్పుడూ చూడలేదని అన్నారు.
News June 15, 2024
సూళ్లూరుపేట: రైలు నుంచి జారిపడి వ్యక్తి మృతి
రైలు నుంచి జారిపడి గుర్తుతెలియని వ్యక్తి మృతి చెందిన ఘటన సూళ్లూరుపేట రైల్వే స్టేషన్ పరిధిలో చోటుచేసుకుంది. నెల్లూరు నుంచి చెన్నై వెళ్లే మెమో రైలును సూళ్లూరుపేట రైల్వే స్టేషన్లో ఎక్కుతూ ఓ వ్యక్తి జారిపడ్డాడు. అతనికి తీవ్ర గాయాలు కావడంతో ప్రభుత్వ ఆసుపత్రికి తరలించారు. చికిత్స పొందుతూ మృతి చెందాడు. మృతుని వయస్సు 35 నుంచి 40 ఏళ్ల మధ్య ఉంటుందని, కేసు నమోదు చేసినట్లు పోలీసులు తెలిపారు.
News June 15, 2024
ఆత్మకూరు: ఉపాధ్యాయ ఖాళీలకు దరఖాస్తుల ఆహ్వానం
ఆత్మకూరు పట్టణంలోని బాలికల గురుకుల పాఠశాలలో ఖాళీగా ఉన్న ఉపాధ్యాయ పోస్టులకు అర్హత కలిగినవారు దరఖాస్తు చేసుకోవాలని ప్రిన్సిపల్ కామేశ్వరి తెలిపారు. ఇంగ్లీష్ టిజిటి, పిజిటి, ఫిజిక్స్ పిజిటి, హిందీ పిజిటి, టిజిటి పోస్టులు ఖాళీగా ఉన్నాయని తెలిపారు. మహిళలు మాత్రమే దరఖాస్తు చేసుకోవాలని తెలిపారు. దరఖాస్తు గడువును 20వ తేదీ వరకు పొడిగించినట్లు ఆమె తెలిపారు. పూర్తి వివరాలకు పాఠశాలలో సంప్రదించాలని తెలిపారు.
News June 15, 2024
నెల్లూరు: ఇద్దరు ఉపాధ్యాయుల సస్పెండ్
ఇటీవల ఓపెన్ స్కూల్ పరీక్షల్లో అలసత్వం ప్రదర్శించిన ఇద్దరు ఉపాధ్యాయులను సస్పెండ్ చేస్తూ విద్యాశాఖ ఉన్నతాధికారులు ఉత్తర్వులు జారీ చేశారు. కావలి పరీక్ష కేంద్రంలో వీరు ఇన్విజలేర్లుగా పనిచేశారు. వీరి సస్పెన్షన్ చర్చనీయాంశంగా మారింది.
News June 14, 2024
ఆనం మంత్రిగా పని చేసిన శాఖలు ఇవే
➤ 1983, 85: రోడ్లు, భవనాల శాఖ మంత్రి
➤ 2007-09: సమాచార, పౌర సరఫరాల మంత్రి
➤ 2009-12: మున్సిపల్ శాఖ మంత్రి
➤ 2012-14: ఆర్థిక శాఖ మంత్రి
➤ 2024: దేవదాయ శాఖ మంత్రి
NOTE: రాష్ట్రం విడిపోయాక తొలి మున్సిపల్ శాఖా మంత్రిగా పొంగూరు నారాయణ 2014 నుంచి 2019 వరకు పని చేశారు. మరోసారి టీడీపీ అధికారంలోకి రావడంతో ఇప్పుడూ ఆయనకు అదే శాఖ అప్పగించారు.
Featured News
Sorry, no posts matched your criteria.