India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News February 22, 2025
యర్రగొండపాలెం MLA సంచలన ట్వీట్
కూటమి ప్రభుత్వంపై యర్రగొండపాలెం ఎమ్మెల్యే కీలక వ్యాఖ్యలు చేశారు. ‘ప్రకాశం జిల్లా పొట్ట కొట్టి, అమరావతి నడుముకు నగషీలు చెక్కడం ధర్మమా?. కృష్ణా నది వరదలకు అమరావతి మునిగిపోకుండా ఉండేందుకు రూ.458.12 కోట్లతో వరద నియంత్రణ చేయనున్నారు. ఆ డబ్బులు వెలిగొండ పునరావాసం కోసం వాడితే రూ.25 లక్షల మందికి తాగునీరు, 4.50 లక్షల ఎకరాలకు సాగు నీరు వస్తుంది’ అంటూ Xలో ట్వీట్ చేశారు.
News February 22, 2025
ఒంగోలు: పెళ్లిలో భోజనాల వద్ద గొడవ
పెళ్లిలో భోజనాల గొడవ గాలివానలా పోలీసు స్టేషన్ వరకు వెళ్లింది. ఒంగోలులోని ఓ కళ్యాణ మండపంలో గురువారం రాత్రి పెళ్లి జరిగింది. అందులో జిలానీ భోజనాలు వడ్డిస్తుండగా, తమకు సరిగా మర్యాద చేయలేదని అన్వర్, నజీర్, సూరి ఆగ్రహం వ్యక్తం చేశారు. దీంతో వారి మధ్య వాగ్వాదం చోటుచేసుకుంది. అంతటితో వివాదం ముగిసిందనగా, విందు ముగిసిన తరువాత జిలానీపై ముగ్గురు దాడి చేశారు. జిలానీ కుటుంబీకులు పోలీసులకు ఫిర్యాదు చేశారు.
News February 22, 2025
ప్రకాశం జిల్లా టాప్ న్యూస్
☛ కించపరిచే పోస్టులు పెడితే కఠిన చర్యలు: ఎస్పీ ☛ శ్రీశైలం యాత్రకు 24 గంటలు అనుమతి ☛ ఇంటర్ విద్యార్థుల కోసం కంట్రోల్ రూమ్: కలెక్టర్ ☛ ఆర్గానిక్ సేద్యాన్ని ప్రోత్సహించాలి: జిల్లా వ్యవసాయ శాఖ అధికారి ☛ భర్త పురుగు మందు తాగాడని పోలీసులకు ఫోన్☛ గ్రూప్ – 2 పరీక్షలకు ఏడు కేంద్రాలు ఏర్పాటు: కలెక్టర్ ☛ చీమకుర్తిలో క్షుద్ర పూజల కలకలం ☛ గ్రూప్-2 మెయిన్స్ వ్రాత పరీక్ష కేంద్రాల వద్ద పటిష్టమైన బందోబస్తు
News February 21, 2025
చీమకుర్తిలో క్షుద్ర పూజల కలకలం
చీమకుర్తి మండలంలో క్షుద్ర పూజల కలకలం రేగింది. ఏలూరివారి పాలెం – కూనంనేనివారి పాలెం గ్రామాల మధ్య గుర్తు తెలియని వ్యక్తులు క్షుద్ర పూజలు నిర్వహించినట్లు స్థానికులు తెలిపారు. దీంతో గ్రామస్థులు భయాందోళనకు గురయ్యారు. శుక్రవారం ఉదయాన్నే పనులకు వెళ్తున్న వారికి నిమ్మకాయలు, పసుపు, కుంకుమ, పెద్ద ముగ్గు, మట్టి కుండలు దర్శనం ఇవ్వడంతో ఒక్కసారిగా ఉలిక్కిపడ్డారు. పూర్తి వివరాలు తెలియాల్సి ఉంది.
News February 21, 2025
గ్రూప్-2 పరీక్షలకు 7 కేంద్రాలు ఏర్పాటు: కలెక్టర్
గ్రూప్-2 మెయిన్స్ పరీక్షల కోసం జిల్లాలో 7 కేంద్రాలను ఏర్పాటు చేసినట్లు జిల్లా కలెక్టర్ అన్సారియా తెలిపారు. 23వ తేదీన ఉదయం, మధ్యాహ్నం ఈ పరీక్షలు నిర్వహిస్తున్నట్లుగా కలెక్టర్ తెలిపారు. ఈ పరీక్షలకు 4,544 మంది అభ్యర్థులు హాజరు కాబోతున్నట్లు తెలిపారు. ఇందుకు సంబంధించిన ఏర్పాట్లను అధికారులు ఇప్పటికే పూర్తి చేశారని, ఏవైనా సందేహాలు ఉంటే 8801188046 నంబర్‌ను సంప్రదించాలన్నారు.
News February 21, 2025
భర్త పురుగుమందు తాగాడని పోలీసులకు ఫోన్
భర్త పురుగుమందు తాగాడంటూ ఓ మహిళ 100కు డయల్ చేసిన ఘటన ఉమ్మడి ప్రకాశం జిల్లా మద్దిపాడులో చోటుచేసుకుంది. ధర్మవరం గ్రామానికి చెందిన బండి రోశయ్య పురుగుల మందు తాగానని భార్యకు ఫోన్ చేసి చెప్పాడు. దీంతో ఆమె వెంటనే 100కు డయల్ చేసి విషయం చెప్పింది. పోలీసులు గాలించి రోశయ్యను మేదరమెట్ల బైపాస్ వద్ద గుర్తించారు. కుటుంబ కలహాల నేపథ్యంలో భార్యను బెదిరించడానికి అలా చెప్పినట్లు రోశయ్య పోలీసులకు తెలిపాడు.
News February 21, 2025
ఇంటర్ విద్యార్థుల కోసం కంట్రోల్ రూమ్: కలెక్టర్
ఇంటర్మీడియట్ పబ్లిక్ పరీక్షల నేపథ్యంలో జిల్లా స్థాయిలో కంట్రోల్ రూమ్ ఏర్పాటు చేస్తున్నట్లుగా ప్రకాశం కలెక్టర్ తమీమ్ అన్సారియా తెలిపారు. ఒంగోలులోని ప్రకాశం భవనంలో ఆమె మాట్లాడుతూ.. మార్చి 1 నుంచి 20వ తేదీ వరకు ఇంటర్మీడియట్ పబ్లిక్ పరీక్షలు నిర్వహిస్తున్నట్లుగా తెలిపారు. జిల్లాలో 67 పరీక్షా కేంద్రాలలో అధికారులు ఏర్పాట్లు పూర్తి చేశారని, 42,439 మంది విద్యార్థులు హాజరుకానున్నట్లుగా పేర్కొన్నారు.
News February 21, 2025
కించపరిచే పోస్టులు పెడితే కఠిన చర్యలు: ప్రకాశం ఎస్పీ
వాట్సాప్‌, ఫేస్‌బుక్‌, ఇన్‌స్టాగ్రామ్, టెలిగ్రామ్, యూట్యూబ్, ఇతర సోషల్ మీడియా వేదికల్లో ఇతరులను కించపరిచేలా పోస్టులు పెడితే చట్టపరమైన చర్యలు తీసుకుంటామని జిల్లా ఎస్పీ దామోదర్ హెచ్చరించారు. గురువారం ఆయన మాట్లాడుతూ.. సామాజిక మాధ్యమాల్లో ఫొటోలు, వీడియోల మార్ఫింగ్, ట్రోలింగ్ చేస్తే చట్టపరమైన చర్యలు తీసుకుంటామన్నారు.
News February 20, 2025
ప్రకాశం జిల్లా టాప్ న్యూస్
* మర్రిపూడిలో అన్నదమ్ముల మధ్య ఘర్షణ * వరల్డ్ ఛాంపియన్‌గా ప్రకాశం జిల్లా వ్యక్తి* ప్రకాశం జిల్లాలో బర్డ్ ప్లూ లేదు* రోడ్డు ప్రమాదంలో వ్యక్తి స్పాట్ డెడ్* వన్య ప్రాణుల ప్రాణాలకు విలువ లేదా?: ఎమ్మెల్యే తాటిపర్తి* 10వ తరగతి పబ్లిక్ పరీక్షలు సజావుగా నిర్వహించాలి: డీఆర్‌వో * వారబందీ విధానాన్ని పకడ్బందీగా అమలు చేయాలి: కలెక్టర్
News February 20, 2025
దోర్నాల: శ్రీశైలం వెళ్లే భక్తులకు అలర్ట్
మహాశివరాత్రి బ్రహ్మోత్సవాల సందర్భంగా దోర్నాల గుండా శ్రీశైలం వెళ్లే భక్తులను అటవీశాఖ అధికారులు 24 గంటలు అనుమతించినట్లు సోషల్ మీడియాలో వైరల్ అవుతున్న సంగతి తెలిసిందే. ఈ నేపథ్యంలో బుధవారం ప్రకాశం జిల్లా డీఎఫ్వో మాట్లాడుతూ.. 24 గంటల అనుమతి అని అసత్య ప్రచారం సాగుతుందని, భక్తులకు ఈ మార్గంలో రాత్రి 9 గంటల వరకే అనుమతి ఉంటుందని పేర్కొన్నారు.
Featured News
Sorry, no posts matched your criteria.