• Download our app

Prakasam

News September 7, 2024

కురిచేడు: పలు రైళ్లు రద్దు

image

గిద్దలూరు- దిగువమెట్ట మధ్య రెండో లైను పనులు జరుగుతున్న కారణంగా పలు రైళ్లను రద్దు చేస్తున్నట్లు గుంటూరు మండల రైల్వే అధికారి తెలిపారు. ఈ నెల 11 నుంచి 20వ తేదీ వరకు గుంటూరు- కాచిగూడ (17251), గుంటూరు – డోన్ (17228) ను రద్దు చేస్తున్నట్లు తెలిపారు. ప్రయాణికులు గమనించాలన్నారు.

News September 7, 2024

ప్రజలకు వినాయక చవితి శుభాకాంక్షలు: ఎస్పీ

image

జిల్లా ప్రజలకు, పోలీసు అధికారులకు, సిబ్బందికి, మీడియా మిత్రులకు ఎస్పీ దామోదర్ వినాయక చవితి పండుగ శుభాకాంక్షలు తెలిపారు. ప్రజలు వినాయక చవితి ఉత్సవాలను ప్రశాంత వాతావరణంలో జరుపుకోవాలని, మత సామరస్యం కొనసాగించాలని సూచించారు. జిల్లా ప్రజలందరికీ సకల శుభాలు కలగాలని, అందరి జీవితాల్లో విఘ్నాలు తొలగిపోయి విజయాలు సిద్ధించాలని ఆకాంక్షించారు.

News September 7, 2024

ఒంగోలులో కొబ్బరికాయలతో 17 అడుగుల గణనాథుడు

image

ఒంగోలులోని సమతానగర్‌లో కొబ్బరి కాయలతో గణనాథుడిని తయారుచేశారు. గత 30 ఏళ్లుగా స్థానిక ‘కమిటీ కుర్రాళ్లు’ గణేష్ ఉత్సవాలను నిర్వహిస్తున్నారు. కాగా ఈ ఏడాది సరికొత్తగా దాదాపు 1500 కొబ్బరికాయలతో 17 అడుగుల ఎత్తులో గణేష్‌ను రూపొందించారు. ప్రతి ఒక్కరూ పర్యావరణ హితానికి ముందుకు రావాలని కోరారు.

News September 7, 2024

ప్రశాంత వాతావరణంలో గణేష్ ఉత్సవాలు జరుపుకోండి: SP

image

వినాయక చవితి పర్వదినం పురస్కరించుకుని జిల్లా ప్రజలకు, పోలీస్ అధికారులకు, సిబ్బందికి మీడియా మిత్రులకు ఎస్పీ ఏఆర్ దామోదర్ శుభాకాంక్షలు తెలియజేశారు. జిల్లాలో వినాయక చవితి పందిళ్లు/ మండపాల ఏర్పాట్లలో ఉత్సవ కమిటీ వారు, పోలీసువారి సూచనలు పాటించి ప్రశాంతమైన వాతావరణంలో గణేష్ ఉత్సవాలను జరుపుకోవాలన్నారు. సంఘటనలు తలెత్తితే వెంటనే స్థానిక పోలీసు లేదా డయల్ 112/100 ద్వారా సమాచారం ఇవ్వాలన్నారు.

News September 6, 2024

గుంటూరు రేంజ్ ఐజీని కలిసిన MLA ఉగ్ర

image

గుంటూరు రేంజ్ ఐజీ సర్వశ్రేష్ఠ త్రిపాఠిని కనిగిరి MLA ముక్కు ఉగ్ర నరసింహారెడ్డి శుక్రవారం గుంటూరు ఐజీ ఆఫీసులో మర్యాదపూర్వకంగా కలిశారు. ఈ సందర్భంగా MLA ఉగ్ర మాట్లాడుతూ.. శాంతి భద్రతల విషయంలో రాజీ పడకుండా కఠినంగా వ్యవహరించాలని ఐజీని కోరినట్లు తెలిపారు. పోలీసు అధికారులకు తమ సహాయసహకారాలు ఎప్పుడూ ఉంటాయన్నారు.

News September 6, 2024

ఒంగోలు: కొబ్బరికాయలతో 17 అడుగుల గణనాథుడు

image

ఒంగోలులోని సమతానగర్‌లో కొబ్బరి కాయలతో గణనాథుడిని తయారుచేశారు. గత 30 ఏళ్లుగా స్థానిక ‘కమిటీ కుర్రాళ్లు’ గణేష్ ఉత్సవాలను నిర్వహిస్తున్నారు. కాగా ఈ ఏడాది సరికొత్తగా 17 అడుగుల ఎత్తులో కొబ్బరికాయలతో గణేష్‌ను రూపొందించారు. ప్రతి ఒక్కరూ పర్యావరణ హితానికి ముందుకు రావాలని కోరారు.

News September 6, 2024

‘X’లో పోస్ట్.. గంటలో సమస్య పరిష్కరించిన మంత్రి గొట్టిపాటి

image

టంగుటూరు మండలం జమ్ములపాలెంలో నాలుగేళ్ల నుంచి లో వోల్టేజీ సమస్య నెలకొంది. దీంతో నిత్యం ప్రజలు ఇబ్బందులు ఎదుర్కొంటున్నారు. ఉద్యోగులు మొదలు వృద్ధులు, చిన్నారులు తీవ్ర ఇబ్బందులు పడుతున్నారు. దీనిపై స్థానిక యువకుడు సమస్యను ప్రస్తావిస్తూ ‘X’ వేదికగా విద్యుత్ శాఖ మంత్రికి పోస్ట్ చేశారు. దీంతో స్పందించిన మంత్రి గంటలోనే సంబంధిత అధికారులతో మాట్లాడారు. సమస్యకు పరిష్కారం చూపాలన్నారు.

News September 6, 2024

చీరాలలో దొంగ నోట్ల ముఠా అరెస్ట్

image

చీరాల ఐటీసీలో ఉద్యోగం ఇప్పిస్తామని పోలిరెడ్డి అనే ఓ నిరుద్యోగికి నలుగురు వ్యక్తులు మాయమాటలు చెప్పారు. తర్వాత డబ్బుల కోసం బెదిరించి అతడి నుంచి రూ.1.5 లక్షల నగదు దోచుకున్నారు. దీనిపై ఫిర్యాదు అందడంతో పోలీసులు నిందితులను గురువారం అరెస్ట్ చేశారు. వారి నుంచి రూ.లక్ష రికవరీ చేసినట్లు డీఎస్పీ జగదీశ్ నాయక్ చెప్పారు. అలాగే నిందితుల వద్ద లభ్యమైన రూ.19 లక్షల నకిలీ నోట్లను కూడా సీజ్ చేశామని చెప్పారు.

News September 6, 2024

డ్వామా పీడీ రాజేశ్‌పై వేటు

image

విధి నిర్వహణలో నిర్లక్ష్యంగా వ్యవహరిస్తున్నారని డ్వామా పీడీ, చీరాల డీఎల్డీవో బి.రాజేశ్‌పై కలెక్టర్ వెంకట మురళి వేటు వేశారు. ఆయనను పంచాయతీరాజ్ కమిషనర్ కార్యాలయానికి సరెండర్ చేస్తూ ఉత్తర్వులు జారీ చేశారు. గత నెల 31న పింఛన్ల పంపిణీ, విపత్తు నిర్వహణ విధుల్లో ఆయన పాల్గొనకపోవడంతో విధుల నుంచి తప్పించారు. డ్వామా ఇన్‌ఛార్జి పీడీగా డీపీవో కె.రవికుమార్‌ను నియమించారు.

News September 5, 2024

ఒంగోలు: పాత కక్షలు.. యువకుడిపై దాడి

image

ఒంగోలు కేశవస్వామిపేటలో ఓ యువకుడిపై దాడి జరిగింది. రెండు నెలలక్రితం ఓ యువతి ఫొటో ఫేస్బుక్‌లో పెట్టినందుకు స్థానిక సీతారామాపురంలో నివాసం ఉండే పూజలదేవా కుమారుడిని జానకి రామ్ కొట్టాడు. ఈక్రమంలో దేవా కుమారుడు కంటిని కోల్పోయాడు. తమపై దాడికి పాల్పడిన జానకి రామ్‌పై బుధవారం సాయంత్రం దేవా దాడి చేసి గాయపరిచారు. రిమ్స్‌లో చికిత్స పొందుతూ, జానకి రామ్ పోలీసులకు ఫిర్యాదు చేశాడు.

Featured News

Sorry, no posts matched your criteria.

↑