India's largestHyperlocal short
news App
Get daily news updates that are tailored for you based on your preferred language & location.
download Way2News app now
Prakasam
News August 27, 2024
ఒంగోలు: ‘ఎలక్ట్రికల్ హౌస్ వైరింగ్‌లో ఉచిత శిక్షణ’
ఒంగోలు రూట్ సెట్ సంస్థ ఆధ్వర్యంలో సెప్టెంబర్ 2వ తేదీ నుంచి 30 రోజులపాటు, ఎలక్ట్రికల్ హౌస్ వైరింగ్‌పై ఉచిత శిక్షణ ఇవ్వనున్నట్లు సంస్థ డైరెక్టర్ పి శ్రీనివాస్ రెడ్డి మంగళవారం తెలిపారు. జిల్లాకు చెందిన గ్రామీణ ప్రాంత నిరుద్యోగ యువత అర్హులని, వయస్సు 19- 45 ఉండి రేషన్, ఆధార్ కార్డులు కలిగి ఉండాలన్నారు. శిక్షణా కాలంలో భోజనం, వసతి సౌకర్యాలు ఉచితంగా అందించనున్నట్లు తెలిపారు.
News August 27, 2024
ఒంగోలు: ‘ఎలక్ట్రికల్ హౌస్ వైరింగ్‌లో ఉచిత శిక్షణ’
ఒంగోలు రూట్ సెట్ సంస్థ ఆధ్వర్యంలో సెప్టెంబర్ 2వ తేదీ నుంచి 30 రోజుల్లో పాటు ఎలక్ట్రికల్ హౌస్ వైరింగ్‌పై ఉచిత శిక్షణ ఇవ్వనున్నట్లు సంస్థ డైరెక్టర్ పి. శ్రీనివాస్ రెడ్డి మంగళవారం ఓ ప్రకటనలో తెలిపారు. జిల్లాకు చెందిన గ్రామీణ ప్రాంత నిరుద్యోగ యువత అర్హులని, 19- 45 సం. రేషన్, ఆధార్ కార్డులు కలిగి ఉండాలన్నారు. శిక్షణ కాలంలో శిక్షణతో పాటు భోజనం, వసతి సౌకర్యాలు ఉన్నాయని వెల్లడించారు.
News August 27, 2024
మెత్తటి మాటలతో మోసం చేశారు: ఎమ్మెల్యే తాటిపర్తి
ఎన్నికల ప్రచారంలో మెత్తటి మాటలతో పవన్ కళ్యాణ్ ప్రజలను మోసం చేశారని ఎమ్మెల్యే తాటిపర్తి చంద్రశేఖర్ ధ్వజమెత్తారు. ‘పాత పెన్షన్ పథకాన్ని (OPS) పునరుద్ధరిస్తాం, CPSను రద్దు చేస్తామని ఎన్నికల ఫలితాల తర్వాత కూడా ఉప ముఖ్యమంత్రి పవన్ కళ్యాణ్ హామీ ఇచ్చారు. OPS పునరుద్ధరించడం అసాధ్యమని కేంద్ర ప్రభుత్వం తెచ్చిన కొత్త UPS విధానంపై మీ నిర్ణయం ఏంటి..?’ అని ‘X’ వేదికగా ప్రశ్నించారు.
News August 27, 2024
బేస్తవారిపేట: రేపు జాబ్ మేళా
బేస్తవారిపేటలోని కందుల ఓబులరెడ్డి డిగ్రీ కళాశాలలో ఈ నెల 28వ తేదీన జాబ్ మేళా నిర్వహిస్తున్నట్లు కళాశాల ప్రిన్సిపల్ కందుల ఓబులరెడ్డి తెలిపారు. అమెజాన్, బ్లూస్టార్, టెక్ మహీంద్ర, పేమెంట్ బ్యాంక్, యాక్సిక్ బ్యాంక్, ఫ్లిప్ కార్ట్, డీమార్ట్, బిగ్ బాస్కెట్, ఇన్‌స్టా కార్ట్, హంటర్ డౌగ్లాస్ కంపెనీ ప్రతినిధులు ఇంటర్వ్యూలు చేస్తారన్నారు.
News August 27, 2024
ఒంగోలులో రూ.300 కోట్ల భూకుంభకోణం?
మాజీ మంత్రి బాలినేని శ్రీనివాసుల రెడ్డి కనుసన్నల్లో రూ.300 కోట్ల భూకుంభకోణం జరిగిందని విజయవాడలోని రాష్ట్ర బీజేపీ కార్యాలయంలో జరిగిన వారధి కార్యక్రమంలో పలువురు ఫిర్యాదు చేశారు. ఈ ఫిర్యాదులో ఒంగోలు నియోజకవర్గ పరిధిలో నకిలీ స్టాంపు పేపర్లతో దొంగ రిజిస్ట్రేషన్లతో సుమారు రూ.300 కోట్ల అవినీతి జరిగిందని పేర్కొన్నారు. దీనిపై ప్రత్యేక కమిటీ ఏర్పాటు చేసి దోషులను శిక్షించాలని కోరారు.
News August 27, 2024
డీప్ ఫేక్ టెక్నాలజీ పట్ల అప్రమత్తంగా ఉండండి: ప్రకాశం పోలీస్
సైబర్ నేరగాళ్లు డీప్ ఫేక్ టెక్నాలజీని ఉపయోగించి మీకు తెలిసిన వ్యక్తుల వాయిస్‌తో ఫోన్ చేయటం లేదా ప్రముఖుల ఫొటోలను ప్రొఫైల్ పిక్చర్‌గా పెట్టుకొని డబ్బులు అడగటం, అత్యవసరం ఆపదలో ఉన్నామంటూ తొందరపెట్టి మీ నగదు కొట్టేసే ప్రయత్నం చేస్తారన్నారు. ఇలాంటి సైబర్ కేటుగాళ్ల పట్ల ప్రజలు అనుక్షణం అప్రమత్తంగా ఉండాలని జిల్లా ఎస్పీ AR దామోదర్ తెలియజేశారు. సైబర్ నేరాలపై హెల్ప్ లైన్ నంబర్ 1930కు సంప్రదించాలన్నారు.
News August 26, 2024
ప్రకాశం: తల్లిపై కుమారుడు గొడ్డలితో దాడి
కన్నతల్లిపై కొడుకు కర్కషంగా ప్రవర్తించిన ఘటన ప్రకాశం జిల్లాలో చోటు చేసుకుంది. వివరాల్లోకి వెళ్తే.. త్రిపురాంతకం మండలం రాజుపాలెంలో సోమవారం తల్లి మరియమ్మపై కొడుకు త్రిపురయ్య గొడ్డలితో దాడి చేశాడు. తల్లిని డబ్బులు అడిగితే ఇవ్వలేదనే కారణంతో దాడి చేసినట్లు బంధువులు తెలిపారు. తీవ్రంగా గాయపడిన మరియమ్మను 108 వాహనంలో యర్రగొండపాలెంలోని ప్రభుత్వ ఆసుపత్రికి తరలించారు. మరికొన్ని వివరాలు తెలియాల్సి ఉంది.
News August 26, 2024
ఒంగోలు MP మాగుంట బృందం తర్లుపాడు రాక
తర్లుపాడులో గల రైల్వే స్టేషన్‌కి ఎంపీ మాగుంట శ్రీనివాసరెడ్డి బృందం సాగర్ రెడ్డి, కృష్ణారెడ్డి వచ్చి రైల్వే స్టేషన్‌లో గల పలు సమస్యలను తెలుసుకున్నారు. మాగుంట బృందం దృష్టికి తర్లుపాడులో కరోనాకు ముందు ఆగే రైళ్లు ఇప్పుడు ఆగడం లేదని, మరల తిరిగి పునరుద్ధరించాలని కోరారు. అంతే కాకుండా రైల్వేగేట్‌ వల్ల మార్కాపురం వెళ్లాలంటే రాకపోకలకు ఇబ్బందులు పడుతున్నామని వారు అన్నారు.
News August 26, 2024
ప్రకాశం: దారి దోపిడీ.. రూ.36 లక్షలు స్వాహా
మార్టూరు మండంలో ఆదివారం భారీ దారి దోపిడి జరిగింది. CI శ్రీనివాసరావు వివరాల ప్రకారం.. జే. పంగులూరు మండలం రామ్‌కూర్‌కు చెందిన ధనచక్రవర్తి పంట ఉత్పత్తులు, పశువులను అమ్మడం ద్వారా వచ్చిన రూ.36 లక్షల నగదును, ద్రోణాదులలోని తన అత్తగారింట్లో దాచేందుకు బైక్‌లో నగదుతో వెళ్తండగా.. కోనంకి- ద్రోణాదుల గ్రామాల మధ్య గుర్తు తెలియని వ్యక్తులు అడ్డగించి డబ్బును అపహరించారు. దీనిపై మార్టూరు పోలీసులు కేసు నమోదు చేశారు.
News August 26, 2024
బేస్తవారిపేట వద్ద రోడ్డు ప్రమాదం.. వ్యక్తికి తీవ్ర గాయాలు
బేస్తవారిపేట వద్ద సోమవారం తెల్లవారుజామున ప్రమాదం చోటుచేసుకుంది. స్థానికుల వివరాల ప్రకారం.. బేస్తవారిపేటకు చెందిన సుభాని అనే వ్యక్తి బైక్ అదుపు తప్పి సెంటర్‌లోని సైడ్ రైలింగ్‌ను ఢీకొన్నాడు. దీంతో అతనికి తీవ్ర గాయాలయ్యాయి. స్థానికులు వెంటనే స్పందించి 108లో ఆసుపత్రికి తరలించారు. మరింత సమాచారం తెలియాల్సిఉంది.
Featured News
Sorry, no posts matched your criteria.