India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News July 5, 2024
శ్రీకాకుళం: నిధులలేమితో సతమతమవుతున్న ప్రభుత్వ బడులు
జిల్లాలో ప్రభుత్వ పాఠశాలలు నిధులలేమితో సతమతమవుతున్నాయి. జిల్లాలో 3,046 పాఠశాలలు ఉండగా 2,6,420 మంది చదువుతున్నారు. వాటిలో విద్యుత్, స్టేషనరీ, గ్రంధాలయాలకు చెందిన ఖర్చులు పెరిగిపోవడంతో తమ సొంత నగదును ఖర్చు చేస్తున్నట్లు ప్రధానోధ్యాయులు వాపోతున్నారు. ఏపీసీ సమగ్ర శిక్షా అధికారి జయప్రకాశ్ మాట్లాడుతూ.. 2022-23 అకాడమిక్ ఇయర్‌కు 40 శాతం నిధులు జమ చేశామని, ఈ ఏడాది బిల్లులు రాగానే జమచేస్తామన్నారు.
News July 5, 2024
శ్రీకాకుళంలో పని చేయడం మధుర జ్ఞాపకం: కలెక్టర్ జిలాని
శ్రీకాకుళం జిల్లాలో పనిచేయడం తన కెరియర్‌‌లో ఒక మధుర జ్ఞాపకంగా ఉంటుందని బదిలీపై వెళ్తున్న కలెక్టర్ మనజీర్ జిలాని సమూన్ అన్నారు. ఓ ప్రైవేటు ఫంక్షన్ హాల్లో గురువారం సాయంత్రం జిల్లా అధికార బృందం ఆయనకు ఘనంగా వీడ్కోలు పలికింది. ఆయన మాట్లాడుతూ.. తన విధులలో ఒక్కసారి అయినా జిల్లా ఎన్నికల అధికారిగా పనిచేసి సమర్థవంతంగా, ప్రశాంతంగా నిర్వహించాలనే కల ఇక్కడ నెరవేరడం ఎంతో సంతృప్తినిచ్చిందని చెప్పారు.
News July 4, 2024
శ్రీకాకుళం: సూర్యనారాయణ స్వామిని దర్శించుకున్న కలెక్టర్
అరసవల్లి శ్రీ సూర్యనారాయణ స్వామిని శ్రీకాకుళం జిల్లా నూతన కలెక్టర్‌గా బాధ్యతలు స్వీకరించిన స్వప్నిల్ దినకర్ కుటుంబ సమేతంగా దేవాలయానికి విచ్చేసి స్వామిని దర్శించుకున్నారు. అనంతరం ప్రత్యేక పూజలు చేశారు. వారికి ఆలయ ప్రధాన అర్చకులు శంకర శర్మ స్వాగతం పలికారు. అనంతరం ఆలయ అర్చకులు వేద మంత్రాలతో ఆశీర్వచనాలు పలికి, శ్రీ స్వామివారి జ్ఞాపికను అందజేశారు.
News July 4, 2024
శ్రీకాకుళం: B.Ed పరీక్షల టైం టేబుల్ విడుదల
శ్రీకాకుళం జిల్లా డాక్టర్ బి.ఆర్ అంబేడ్కర్ యూనివర్సిటీ బి.ఎడ్ మొదటి సెమిస్టర్ పరీక్షల టైం టేబుల్ యూనివర్సిటీ ఎగ్జామినేషన్స్ డీన్ ఉదయ్ భాస్కర్ విడుదల చేశారు. ఈ సందర్భంగా ఆయన మాట్లాడుతూ.. పరీక్షలు జులై 19 నుంచి 25వ తేదీ వరకు నిర్వహించనున్నట్లు చెప్పారు. ఈ పరీక్షలు ఉదయం 9 గంటల నుంచి మధ్యాహ్నం 12 గంటల వరకు జరగనున్నాయని తెలిపారు.
News July 4, 2024
శ్రీకాకుళం: నూతన కలెక్టర్‌గా స్వప్నిల్ దినాకర్ బాధ్యతలు
శ్రీకాకుళం జిల్లా నూతన కలెక్టర్‌గా స్వప్నిల్ దినాకర్ గురువారం మధ్యాహ్నం బాధ్యతలు చేపట్టారు. కలెక్టర్ కార్యాలయానికి విచ్చేసిన ఆయనకు కార్యాలయ సిబ్బంది పూర్ణకుంభంతో స్వాగతం పలికారు. అనంతరం జిల్లా జాయింట్ కలెక్టర్ నవీన్, డీఆర్ఓ గణపతిరావు నూతన కలెక్టర్‌ను సత్కరించి, జ్ఞాపికను అందజేశారు.
News July 4, 2024
శ్రీకాకుళం: కీలక కమిటీలలో ఎంపీ రామ్మోహన్‌కు స్థానం
కేంద్ర మంత్రి రామ్మోహన్‌ నాయుడుకు నరేంద్ర మోదీ ప్రభుత్వం తాజాగా రూపొందించిన 2 కీలక కేబినెట్ కమిటీలలో చోటు కల్పించింది. ఈ మేరకు పార్లమెంటరీ, రాజకీయ వ్యవహారాల కమిటీలో రామ్మోహన్‌కు కేంద్ర ప్రభుత్వం చోటు కల్పించినట్లు తాజాగా సమాచారం వెలువడింది. కాగా పార్లమెంటరీ వ్యవహారాల కమిటీకి కేంద్ర మంత్రి రాజ్‌నాథ్ సింగ్, రాజకీయ వ్యవహారాల కమిటీకి మోదీ నేతృత్వం వహిస్తారు.
News July 4, 2024
శ్రీకాకుళం: ఆదిత్యుని సేవలో సినిమా హీరో సంపూర్ణేశ్ బాబు
శ్రీకాకుళం నగరంలోని ప్రత్యక్షదైవం ఆరోగ్య ప్రదాత శ్రీ సూర్యనారాయణ స్వామివారిని సినిమా హీరో శ్రీ సంపూర్ణేశ్ బాబు స్వామి వారిని దర్శించుకున్నారు. ముందుగా ఆయనకు ఆలయ అర్చకులు ఘన స్వాగతం పలికారు. అనంతరం ఆలయ అర్చకులు వేద మంత్రాలతో ఆశీర్వదించారు. అనంతరం స్వామివారి ప్రసాదాలు, చిత్రపటాన్ని జ్ఞాపికగా ఆలయ జూనియర్ అసిస్టెంట్ బి. చక్రవర్తి అందజేశారు.
News July 4, 2024
శ్రీకాకుళం: విద్యార్థులకు పాఠాలు చెప్పిన ఎమ్మెల్యే
శ్రీకాకుళం జిల్లా రణస్థలం మండల కేంద్రంలో ప్రాథమికోన్నత పాఠశాలను ఎచ్చెర్ల ఎమ్మెల్యే ఈశ్వరరావు సందర్శించారు. 5వ తరగతి విద్యార్థులతో మాట్లాడి వారికి పాఠాలను చెప్పారు. విద్యార్థులు చదువుల్లో రాణించాలని సూచించారు. పాఠశాలలో ఉన్న సమస్యలను ఇన్‌ఛార్జ్ హెచ్ఎం సరళ ఎమ్మెల్యేకు వివరించారు. సర్పంచ్ భాను, ఎన్డీఏ కూటమి నాయకులు ఉన్నారు.
News July 4, 2024
జనవాసాల్లోకి చుక్కల దుప్పి
అటవీ ప్రాంతం నుంచి దారి తప్పిన ఓ చుక్కల దుప్పి జనావాసాల్లోకి వచ్చింది. దీనిపై కుక్కలు దాడి చేయడంతో శ్రీకాకుళం జిల్లా మందస మండలం కంచుమాయమ్మ కాలనీలోని ఓ ఇంటిలోకి ప్రవేశించింది. స్థానికులు అటవీ శాఖ అధికారులకు సమాచారాన్ని అందజేశారు. వెనుక కాలికి తీవ్ర గాయం అవ్వడంతో పశువైద్య సిబ్బంది ప్రథమ చికిత్స చేశారు. అనంతరం బుడంబో సమీప అటవీ ప్రాంతంలో విడిచిపెట్టారు.
News July 4, 2024
శ్రీకాకుళం: 5,6 తేదీల్లో పలు రైళ్ల రద్దు
పలాస-విశాఖపట్నం మెయిన్ రైల్వే లైన్‌లో జరగనున్న భద్రత, ఆధునీకరణ పనుల నేపథ్యంలో ఈనెల 5వ తేదీన జిల్లా మీదుగా నడిచే పలు రైళ్లను రద్దు చేస్తున్నట్లు రైల్వే అధికారులు వెల్లడించారు. 5న పలాస-విశాఖ ప్యాసింజర్, గునుపూర్-విశాఖ ప్యాసింజర్, విశాఖ-బరంపురం ప్యాసింజర్, విశాఖ-భువనేశ్వర్(ఇంటర్ సిటీ ఎక్స్ ప్రెస్) రైళ్లతో పాటు 6వ తేదీన బరంపురం-విశాఖ, భువనేశ్వర్-విశాఖ ఇంటర్ సిటీ రైళ్లు రద్దు చేస్తున్నట్లు తెలిపారు.
Featured News
Sorry, no posts matched your criteria.