India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News August 30, 2024
శ్రీకాకుళం జిల్లాలో నమోదైన వర్షపాతం వివరాలు
బంగాళాఖాతంలో ఏర్పడిన అల్పపీడనం ప్రభావంతో శ్రీకాకుళం జిల్లాలో గురువారం పలు మండలాలలో విస్తారంగా వర్షాలు కురిశాయి. శ్రీకాకుళంలో 26.0 మిల్లీమీటర్లు, ఆమదాలవలస 26.75, సంతబొమ్మాళి 29.5, రణస్థలం 16.0, కవిటి 8.5, పలాస 12.25, నందిగాం 7.5, ఇచ్ఛాపురం 19.75, ఎచ్చెర్ల 17.75, హిరమండలం 5.25 మిల్లీమీటర్ల వర్షపాతం నమోదయిందని సంబంధిత అధికారులు ఒక ప్రకటనలో వెల్లడించారు. ప్రజల అప్రమత్తంగా ఉండాలని అధికారులు సూచించారు.
News August 30, 2024
బ్యాంకర్ల భాగస్వామ్యంతోనే ఆర్థిక ప్రగతి: కలెక్టర్ స్వప్నిల్
జిల్లా ఆర్థిక ప్రగతిలో బ్యాంకర్ల భాగస్వామ్యం, సహకారం ఎంతో అవసరమని కలెక్టర్ స్వప్నిల్ దినకర్ పుండ్కర్ తెలిపారు. జిల్లా స్థాయి DCC, DLRC స‌మావేశం క‌లెక్ట‌రేట్లో గురువారం జ‌రిగింది. ఈ స‌మావేశంలో వివిధ స్వ‌యం ఉపాధి ప‌థ‌కాల అమ‌లు, రుణాల మంజూరు, గత త్రైమాసికంలో సాధించిన ప్ర‌గ‌తిపై బ్యాంకులు, ప్రభుత్వ శాఖ‌ల‌వారీగా కలెక్టర్ స‌మీక్షించారు.
News August 30, 2024
శ్రీకాకుళం జిల్లాలో ముమ్మరంగా వాహన తనిఖీలు
విజిబుల్ పోలీసింగ్‌లో భాగంగా వాహన తనిఖీలు నిర్వహించి, రోడ్డు భద్రత నియమాలపై అవగాహన కల్పిస్తున్నట్టు ఎస్పీ మహేశ్వరరెడ్డి తెలిపారు. గురువారం జిల్లాలోని వివిధ పోలీస్ స్టేషన్ల పరిధిలో విస్తృతంగా వాహన తనిఖీలు చేపట్టారు. ఈ క్రమంలో లావేరు పోలీసు స్టేషన్ ఎస్ఐ లక్ష్మణరావు వెంకటాపురం జంక్షన్ వద్ద వాహనాలు తనిఖీలు నిర్వహించారు. అతివేగం, ఓవర్ లోడ్‌తో వెళ్లిన వాహనాలను గుర్తించి రోడ్డు నియమాలు పాటించాలన్నారు.
News August 29, 2024
శ్రీకాకుళం జిల్లాలో రేపు మోస్తరు నుంచి భారీ వర్షాలు
ఉత్తర బంగాళాఖాతంలో ఏర్పడిన అల్పపీడన ప్రభావంతో రేపు జిల్లాలో వర్షాలు కురిసే అవకాశం ఉందని APSDMA ఎండీ రోణంకి కూర్మనాథ్ తెలిపారు. లోతట్టు ప్రాంత ప్రజలు అప్రమత్తంగా ఉండాలని, తగిన జాగ్రత్తలు తీసుకోవాలని సూచించారు. మత్స్యకారులు వేటకు వెళ్లవద్దని సూచించారు.
News August 29, 2024
ప్రతి అర్జీ పరిష్కారం అవ్వాలి: మంత్రి అచ్చన్న
సచివాలయంలో ప్రజల నుంచి గురువారం మంత్రి కింజరాపు అచ్చెన్నాయుడు వినతులు స్వీకరించారు. ఆయన మాట్లాడుతూ.. గత ప్రభుత్వంలో అరాచక పాలనతో నష్టపోయిన పలువురు బాధితులు తమ బాధలు తెలియజేశారని తెలిపారు. ప్రజల సమస్యల పరిష్కారానికి ప్రత్యేక ప్రాధాన్యత ఇవ్వాలని అధికారులను మంత్రి ఆదేశించారు. ప్రతి అర్జీ తప్పకుండా పరిష్కారం అవ్వాలని సూచించారు. అర్జీల పరిష్కరంలో అలసత్వం వహించరాదన్నారు.
News August 29, 2024
రూ.40 కోట్లతో మల్టీపర్పస్ స్పోర్ట్స్ కాంప్లెక్స్: కలెక్టర్ దినకర్
శ్రీకాకుళం జిల్లాలో మల్టీపర్పస్ స్పోర్ట్స్ కాంప్లెక్స్ నిర్మాణానికి రూ.40 కోట్లతో ప్రతిపాదనలు సిద్ధం చేశామని, ఖేలో ఇండియా పథకంలో భాగంగా పాత్రునివలసలో కేంద్ర ప్రభుత్వ నిధులతో దీని నిర్మాణం పూర్తి చేసి రెండేళ్లలో క్రీడాకారులకు అందుబాటులోకి తీసుకొస్తామని కలెక్టర్ స్వప్నిల్ దినకర్ పుండ్కర్ అన్నారు. పాత్రునివలసలో నిర్మిస్తున్న క్రీడా వికాస ప్రాంగణంతో అన్ని క్రీడాలను ఒకే చోటుకు తీసుకువస్తామని చెప్పారు.
News August 29, 2024
సీఎం చంద్రబాబును కలిసిన కేంద్ర మంత్రి రామ్మోహన్ నాయుడు
సీఎం చంద్రబాబును గురువారం కేంద్ర మంత్రి కింజరాపు రామ్మోహన్ నాయుడు మర్యాదపూర్వకంగా కలుసుకున్నారు. మంగళగిరిలోని తెలుగుదేశం పార్టీ కార్యాలయంలో సీఎంను కలిసిన ఆయన పలు అంశాలపై చర్చించినట్లు ఆయన క్యాంపు కార్యాలయం సిబ్బంది తెలిపారు. చంద్రబాబును కలిసినప్పుడల్లా మరింత ఉత్సాహం వస్తుందని సామాజిక మాధ్యమాల్లో కేంద్ర మంత్రి తెలిపారు.
News August 29, 2024
శ్రీకాకుళం: జిల్లాకు మూడు ప్రైవేట్ ఎఫ్ఎం స్టేషన్లు ఏర్పాటు
శ్రీకాకుళం జిల్లాలో మూడు ఎఫ్ఎం స్టేషన్లు ఏర్పాటుకు కేంద్ర మంత్రివర్గం ఆమోదం తెలిపింది. దేశవ్యాప్తంగా 234 నగరాలు, పట్టణాల్లో ఎఫ్ఎం సేవలను ప్రారంభించేందుకు మంత్రివర్గం ఆమోదం తెలిపింది. మాతృభాషలో స్థానిక కంటెంట్‌ను పెంచడమే కాకుండా ఉపాధి అవకాశాలు కల్పించేందుకు ప్రైవేట్ ఎఫ్ఎం రేడియో పాలసీ కింద 730 ఛానెల్స్ ఏర్పాటు చేయనున్నారు. దీంతో త్వరలో జిల్లాలో మూడు ఎఫ్ఎం స్టేషన్లు అందుబాటులోకి రానున్నాయి.
News August 29, 2024
శ్రీకాకుళం: అల్పపీడనం..మూడు రోజులు భారీ వర్షాలు
ఉత్తర మధ్య బంగాళాఖాతంలో ఉత్తరాంధ్ర, దక్షిణ ఒడిశాని ఆనుకొని అల్పపీడనం ఏర్పడింది. అల్పపీడనం ప్రభావంతో మూడు రోజుల పాటు భారీ వర్షాలు కురుస్తాయని వాతావరణ శాఖ తెలిపింది. కోస్తా తీరం వెంబడి గంటకు 30 నుంచి 40 కిలోమీటర్ల వేగంతో గాలులు వీస్తాయని, సముద్రం అల్లకల్లోలంగా ఉంటుందని, 30,31 తేదీలలో శ్రీకాకుళం వ్యాప్తంగా తీవ్రమైన వర్షాలు కురుస్తాయని తెలిపింది. సంబంధించిన ఛాయాచిత్రాలను వాతావరణశాఖ విడుదల చేసింది.
News August 29, 2024
ఎమ్మెల్సీ కవిత బెయిల్ పిటీషన్ వాదనలో అడ్వకేట్‌గా సిక్కోలు వాసి
తెలంగాణ బీఆర్ఎస్ ఎమ్మెల్సీ కల్వకుంట్ల కవిత బెయిల్‌పై జైలు నుంచి విడుదల అయిన విషయం విదితమే. కాగా ఈ మేరకు సుప్రీంకోర్టులో జరిగిన కవిత బెయిల్ పిటీషన్ వాదనలో కవిత తరుపు న్యాయవాదుల బృందంలో సోంపేట మండలం పాత్రపురం గ్రామానికి చెందిన అడ్వకేట్ డా.దువ్వాడ రమేష్ ఉన్నారు. సీనియర్ అడ్వకేట్ మోహిత్ రావు నేతృత్వంలో న్యాయవాదుల బృందం సుప్రీంకోర్టులో వాదనలు వినిపించగా అందులో రమేష్ సభ్యునిగా ఉన్నారు.
Featured News
Sorry, no posts matched your criteria.