India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News March 5, 2026
SKLM: మార్చి 8న అస్మిత అథ్లెటిక్స్ పోటీలు
శ్రీకాకుళం నగరంలో మార్చి 8న కోడి రామ్మూర్తి స్టేడియంలో ‘అస్మిత’ అథ్లెటిక్స్ పోటీలు నిర్వహించనున్నట్లు మేరా యువ భారత్ డిప్యూటీ డైరెక్టర్ వెంకట్ ఉజ్వల్ గురువారం ఓ ప్రకటనలో తెలిపారు. అంతర్జాతీయ మహిళా దినోత్సవ వారోత్సవాల్లో భాగంగా ఈ క్రీడలు నిర్వహిస్తున్నట్లు ఆయన అన్నారు. 13-18 ఏళ్లున్న వారు అర్హులన్నారు. https://nsrs.kheloindia.gov.inలో పేర్లు నమోదు చేసుకోవాలన్నారు.
News March 5, 2026
టెక్కలి: విద్యార్థిని ఆత్మహత్య ఎందుకు చేసుకుందో?
టెక్కలి(M) తలగాం గ్రామ సమీపంలో బుధవారం <<19298091>>రైలు కింద పడి మృతి చెందిన<<>> ఇంజినీరింగ్ విద్యార్థిని కె.ప్రవల్లిక ఆత్మహత్య చేసుకున్నట్లు తెలుస్తోంది. పట్టాలపై రైలుకు ఎదురుగా నడుచుకుంటూ వెళ్లిందని స్థానికులు తెలిపారు. అయితే ప్రవల్లిక ఎందుకు ఆత్మహత్య చేసుకుందో అనే సందేహాలు వ్యక్తమవుతున్నాయి. ఆమె ఈ నెల 21న వివాహం జరగాల్సి ఉంది. ఇష్టం లేని పెళ్లి కారణమా? లేదా ఇతర బలమైన కారణాలు ఏమైనా ఉన్నాయో తెలియాల్సి ఉంది.
News March 5, 2026
టెక్కలి: ఈ నెలలో వివాహం.. అంతలోనే విషాదం
టెక్కలి (M) తలగాం గ్రామ సమీపంలో బుధవారం రైలు ఢీకొని ప్రవల్లిక అనే ఇంజినీరింగ్ విద్యార్థిని మృతిచెందిన విషయం విదితమే. మృతురాలిది నందిగాం మండలం వేణుగోపాలపురం గ్రామం. తండ్రి గోపాలరావు తాపీ మేస్త్రి, తల్లి శిరీష గృహిణి. టెక్కలిలో ఇంజినీరింగ్ 2వ ఏడాది చదువుతున్న పెద్ద కుమార్తె ప్రవల్లికకు ఈనెల 21వ తేదీన వివాహం జరగాల్సి ఉండగా ఇంతలోనే విషాదం నెలకొంది. విద్యార్థిని మృతికి గల కారణాలు తెలియాల్సి ఉంది.
News March 5, 2026
శ్రీకాకుళంలో మార్చి 8న శాప్ లీగ్ మాస్టర్స్ స్పోర్ట్స్ ఎంపికలు
శ్రీకాకుళం జిల్లాలో ‘శాప్ లీగ్ – మాస్టర్స్ స్పోర్ట్స్ (వెటరన్స్)’ ఎంపికలు నిర్వహించనున్నట్లు జిల్లా క్రీడా అభివృద్ధి అధికారి మహేష్ బుధవారం ఒక ప్రకటనలో తెలిపారు. మార్చి 8న శ్రీకాకుళం ఆర్ట్స్ గ్రౌండ్లో ఈ ఎంపికలు జరుగుతాయని, ప్రతిభ కనబరిచిన క్రీడాకారులను రాష్ట్ర స్థాయి పోటీలకు ఎంపిక చేస్తామన్నారు. ఆసక్తి గల క్రీడాకారులు https://sports.ap.gov.in వెబ్సైట్లో రిజిస్ట్రేషన్ చేసుకోవాలని సూచించారు.
News March 4, 2026
శ్రీకాకుళం జిల్లా టుడే టాప్ న్యూస్ ఇవే
★శ్రీకాకుళం: టెన్త్ పాస్.. 230 ఖాళీలకు జాబ్ మేళా
★ సింగుపురం PHCకి కొత్త భవనం మంజూరు చేయాలి: MLA శంకర్
★టెక్కలి: రైలు ఢీకొని ఇంజినీరింగ్ విద్యార్థిని మృతి
★ఆమదాలవలసలో అస్తవ్యస్తంగా రహదారులు
★SKLM: గిరిజనుల సాగు భూములకు పట్టాలివ్వాలి
★ఎచ్చెర్ల: పొలంలోనే టమాట పంటను వదిలేశారు
★ రెండు మాసాలు ముందే ఖరీఫ్కు సిద్ధం: అచ్చెన్నాయుడు
★ శ్రీకాకుళం: సకాలంలో పంచాయతీ ఎన్నికలు లేనట్లే ?
News March 4, 2026
SKLM: పాత నేరస్థులపై నిఘా, కౌన్సిలింగ్ తప్పనసరి
పాతనేరస్థులపై నిఘా, కౌన్సిలింగ్ తప్పనసరిని ఎస్పీ కెవి మహేశ్వర రెడ్డి పోలీస్ అధికారులను ఆదేశించారు. జిల్లా పోలీసు కార్యాలయంలో బుధవారం నెలవారీ సమీక్ష నిర్వహించారు. నేరాల నియంత్రణ శాంతి భద్రతల పరిరక్షణ కోర్టు వ్యవహారాలు, నాన్ బెయిల్బుల్పై విస్తృతంగా చర్చించారు. నూతనంగా ప్రారంభించిన నేరాలు నియంత్రణ హిస్టరీ రికార్డులుపై ఆరా తీశారు.
News March 4, 2026
శ్రీకాకుళం: టెన్త్ పాస్..230 ఖాళీలకు జాబ్ మేళా
శ్రీకాకుళం ప్రభుత్వ ఐటీఐలో ఈనెల 6న ఉదయం 10 గంటల కు ఉద్యోగ మేళా జరుగుతుందని జిల్లా ఉపాధి అధికారి సుధ బుధవారం ఒక ప్రకటనలో తెలిపారు. అరబిందో ఫార్మా, అన్నపూర్ణ ఫైనాన్స్, డెక్కన్ ఫైన్ కెమికల్స్ వంటి పలు సంస్థలు పాల్గొని, 230 ఖాళీలను భర్తీ చేయనున్నాయి. 18–35 ఏళ్ల మధ్య వయస్సు కలిగిన అభ్యర్థులు అవసరమైన పత్రాలతో హాజరుకావాలని కోరారు. టెన్త్, ఇంటర్, డిగ్రీ నిరుద్యోగులు ఈ అవకాశాన్ని వినియోగించుకోవాలన్నారు.
News March 4, 2026
ఎచ్చెర్ల: డిగ్రీ విద్యార్థులకు గమనిక
ఎచ్చెర్ల డాక్టర్ బి.ఆర్ అంబేడ్కర్ యూనివర్సిటీ పరిధిలోని డిగ్రీ 4వ సెమిస్టర్ షెడ్యూల్ను యూనివర్సిటీ డీన్ అనురాధ బుధవారం విడుదల చేశారు. మార్చి 5వ తేదీ నుంచి 11వ తేదీ వరకు ఎటువంటి అపరాధ రుసుం లేకుండా పరీక్షల ఫీజును చెల్లించవచ్చని పేర్కొన్నారు. ఈ పరీక్షలు ఏప్రిల్ 7వ తేదీ నుంచి జరుగుతాయని తెలిపారు.
News March 4, 2026
శ్రీకాకుళం: సకాలంలో పంచాయతీ ఎన్నికలు లేనట్టే?
ప్రభుత్వం సకాలంలో పంచాయతీ ఎన్నికలు నిర్వహించే అవకాశం లేదని అధికార వర్గాల సమాచారం. ఈ నేపథ్యంలో ఏప్రిల్ 2 న సర్పంచుల పదవీకాలం ముగుస్తుండటంతో, ప్రత్యేక అధికారుల నియామకానికి కసరత్తు చేస్తున్నారు. శ్రీకాకుళం జిల్లాలో 912 పంచాయతీలు, 657 గ్రామ సచివాలయాలు ఉన్నాయి. సర్పంచ్, వార్డుల రిజర్వేషన్ ఖరారు సైతం జరగలేదు. ఎన్నికలపై స్పష్టత వచ్చేవరకు ప్రత్యేక అధికారులతో పాలన కొనసాగనుంది.
News March 4, 2026
శ్రీకాకుళం: పాలిటెక్నిక్ ప్రవేశాలకు దరఖాస్తుల ఆహ్వానం
పాలిటెక్నిక్ డిప్లమా ప్రవేశాల పరీక్ష పాలిసెట్-2026కు దరఖాస్తులు ఆహ్వానిస్తున్నట్లు శ్రీకాకుళం పాలిటెక్నిక్ ప్రిన్సిపాల్, కన్వీనర్ నారాయణరావు బుధవారం తెలిపారు. ప్రవేశ పరీక్షకు పదో తరగతి పరీక్షలు రాసిన విద్యార్థులు అర్హులుగా చెప్పారు. https://polycetap.ap.gov. ఇన్ వెబ్సైట్లో ఏప్రిల్ 4లోపు దరఖాస్తు చేసుకోవాలన్నారు. శ్రీకాకుళం ఉమ్మడి జిల్లాలో ప్రభుత్వ, ప్రైవేట్ పది కళాశాలలు ఉన్నాయన్నారు.
Featured News
Sorry, no posts matched your criteria.