India's largestHyperlocal short
news App
Get daily news updates that are tailored for you based on your preferred language & location.
download Way2News app now
Srikakulam
News July 12, 2024
రేపు తోటపల్లి పాత ఆయకట్టు నీటి విడుదల
శ్రీకాకుళం, పార్వతీపురం మన్యం, విజయనగరం జిల్లాల్లోని 64 వేల ఎకరాల పాత ఆయకట్టును సస్యశ్యామలం చేస్తున్న తోటపల్లి ప్రాజెక్టు ద్వారా ఈనెల 13న సాగునీరు విడుదల చేయనున్నట్లు జలవనరులశాఖ ఏఈ రాజేశ్ శుక్రవారం తెలిపారు. ఈ ఖరీఫ్ సీజన్‌లో వీరఘట్టం, పాలకొండ, బూర్జ, జియ్యమ్మవలస, గరుగుబిల్లి, వంగర మండలాలకు సాగునీటిని ప్రణాళికాబద్ధంగా అందించేందుకు చర్యలు చేపడుతున్నట్లు వెల్లడించారు.
News July 12, 2024
శ్రీకాకుళం: రైలు నుంచి జారిపడి యువకుడి మృతి
శ్రీకాకుళం జిల్లా పూండి రైల్వే స్టేషన్ సమీపంలో శుక్రవారం ఉదయం గుర్తుతెలియని రైలు నుంచి జారిపడి ఓ యువకుడు మృతిచెందాడు. మృతదేహాన్ని రైలు పట్టాలపై గుర్తించిన స్థానికులు పలాస జీఆర్పీ పోలీసులకు సమాచారం అందించారు. ఘటనా స్థలానికి చేరుకున్న ఎస్సై షరీఫ్ మృతదేహాన్ని పలాస ప్రభుత్వ ఆసుపత్రికి తరలించారు. ఘటనపై కేసు నమోదు చేసి దర్యాప్తు చేస్తున్నారు.
News July 12, 2024
ఆమదాలవలస: IIITకి 13 మంది విద్యార్థుల ఎంపిక
ఆముదాలవలస లక్ష్మీ నగర్ మున్సిపల్ ఉన్నత పాఠశాలకు చెందిన 13 మంది విద్యార్థులు IIITకి ఎంపికయ్యారు. ఒకే పాఠశాలకు చెందిన విద్యార్థులు ఎక్కువ సంఖ్యలో ఎంపిక కావడంతో పాఠశాల ఉపాధ్యాయులు, తల్లిదండ్రులు హర్షం వ్యక్తం చేస్తున్నారు. విద్యార్థుల ప్రతిభ, ఉపాధ్యాయుల కృషితో ఈ విజయం సాధించినట్లు హెచ్ఎం రామకృష్ణ తెలిపారు.
News July 12, 2024
కందిపప్పు రాయితీ విక్రయ కేంద్రాన్ని పరిశీలించిన డీఎస్ఓ
ప్రభుత్వం నిరుపేదలకు నిత్యవసర సరుకులను తక్కువ ధరలకు అందించే విధంగా చర్యలు చేపట్టిందని జిల్లా పౌర సరఫరాల శాఖ అధికారి శాంతి శ్రీ తెలిపారు. గురువారం నరసన్నపేట మండల కేంద్రంలోని బజారు వీధిలో ప్రారంభించిన కందిపప్పు రాయితీ విక్రయ కేంద్రాన్ని ఆమె పరిశీలించారు. కందిపప్పు బయట దుకాణాలలో రూ.190 వరకు అమ్మకాలు జరుపుతున్నారని, అయితే ఈ విక్రయ కేంద్రాలలో రూ.160కే అందిస్తున్నామన్నారు.
News July 12, 2024
శ్రీకాకుళం ఐఐఐటీ ప్రాంగణానికి 1,110 మంది ఎంపిక
శ్రీకాకుళం ఐఐఐటీ ప్రాంగణానికి సంబంధించి 1,110 మంది ఎంపికైనట్లు డైరెక్టర్ ప్రొ. బాలాజీ, పరిపాలనా అదికారి. ముని రామకృష్ణ తెలిపారు. వీరిలో 685 మంది అమ్మాయిలు, 325 మంది అబ్బాయిలు, ప్రత్యేక కేటగిరీ కింద 100 మంది విద్యార్థులు ఎంపికైనట్లు వారు తెలిపారు. విద్యార్థులు కౌన్సలింగ్‌కు హాజరు కావాలన్నారు.
News July 11, 2024
శ్రీకాకుళం: 50,945 మంది విద్యార్థుల ఎదురుచూపు
డిగ్రీ, పీజీ, డిప్లొమా, ఐటీఐ సెమిస్టర్ పరీక్షలు పూర్తిచేసుకుని రిలీవ్ అయిన విద్యార్థులకు ఫీజు బకాయిలు చెల్లిస్తేనే ధ్రువపత్రాలు అందిస్తామని కాలేజీ యాజమాన్యాలు చెప్పడంతో విద్యార్థులకు నిరీక్షణ తప్పడం లేదు. దీంతో విద్యాదీవెన, వసతిదీవెన బకాయిలను ప్రభుత్వం వెంటనే విడుదల చేయాలని వారు డిమాండ్ చేస్తున్నారు. జిల్లాలో విద్యాదీవెన కింద రూ.35.17 కోట్లను 50,945 మంది విద్యార్థులకు అందజేయాల్సి ఉంది.
News July 11, 2024
చంద్రబాబును కలిసిన టీడీపీ జిల్లా అధ్యక్షుడు
సీఎం చంద్రబాబును టీడీపీ శ్రీకాకుళం జిల్లా అధ్యక్షుడు, మాజీ ఎమ్మెల్యే కలమట వెంకటరమణమూర్తి మర్యాదపూర్వకంగా కలిశారు. విజయనగరం జిల్లా భోగాపురం ఇంటర్నేషనల్ ఎయిర్‌పోర్టు సందర్శనకు వచ్చిన చంద్రబాబుకు కలమట స్వాగతం పలికారు. అనంతరం చంద్రబాబును శాలువాతో సత్కరించారు. జిల్లాలోని ప్రస్తుత రాజకీయాల అంశాలను చంద్రబాబు దృష్టికి తీసుకెళ్లారు.
News July 11, 2024
నరసన్నపేట విద్యార్ధులు IIIT కి ఎంపిక
నరసన్నపేట జిల్లా పరిషత్ ఉన్నత పాఠశాలలో పదో తరగతి చదివిన ముగ్గురు విద్యార్థులు IIITలో ప్రవేశాలు పొందినట్లు పాఠశాల సిబ్బంది గురువారం తెలిపారు. విద్యార్థులు మెర్సీ, మధుసూదన్ రావు నూజివీడు త్రిపుల్ ఐటీలో, దివ్య శ్రీకాకుళం త్రిపుల్ ఐటీలో ప్రవేశాలకు అర్హత సాధించారని అన్నారు. ప్రైవేటు పాఠశాలలకు దీటుగా ప్రభుత్వ పాఠశాలలో విద్యార్థులు ఎంపిక కావడంపై పలువురు హర్షం వ్యక్తం చేశారు.
News July 11, 2024
శ్రీకాకుళం: రెండో సెమిస్టర్ పరీక్షల టైం టేబుల్ విడుదల
ఆంధ్ర యూనివర్సిటీ పరిధిలోని కళాశాలల్లో Msc జాగ్రఫీ కోర్సు చదివే విద్యార్థులు రాయాల్సిన 2వ సెమిస్టర్ థియరీ పరీక్షల టైం టేబుల్ విడుదలైంది. జులై 27-ఆగస్టు 2వ తేదీ మధ్య జరగనున్న ఈ పరీక్షలను మధ్యాహ్నం 2 నుంచి సాయంత్రం 5 గంటల వరకూ వర్శిటీ పరీక్షల విభాగం ఆయా కేంద్రాలలో నిర్వహించనుంది. సబ్జెక్టుల వారీగా షెడ్యూల్ వివరాలకై https://exams.andhrauniversity.edu.in/ అధికారిక వెబ్‌సైట్ చెక్ చేసుకోవచ్చు.
News July 11, 2024
పొరపాటున గడ్డిమందు తాగి మహిళ మృతి
వీరఘట్టం మండలం యూ.వెంకంపేటకు చెందిన వాన రమణమ్మ(55) పొరపాటున గడ్డిమందు తాగి మృతిచెందారు. ఆమె బంధువులు తెలిపిన
వివరాల మేరకు.. కొన్నేళ్లుగా అనారోగ్యంతో బాధపడుతున్న రమణమ్మ నిత్యం మందులు, టానిక్‌లు వాడుతున్నారు. ఈ క్రమంలో తాను వాడే టానిక్స్ పక్కనే పంట చేనులో పిచికారీ చేసేందుకు తెచ్చిన గడ్డిమందు ఉండటంతో అనుకోకుండా తాగారు. కుటుంబ సభ్యులు రిమ్స్‌కు తరలించగా.. చికిత్స పొందుతూ మృతిచెందారు.
Featured News
Sorry, no posts matched your criteria.