India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News November 21, 2024
ఐదు నెలల్లో 25,000 కిలోల గంజాయి స్వాధీనం: మంత్రి అనిత
కూటమి ప్రభుత్వం అధికారంలోకి వచ్చిన తర్వాత రాష్ట్రంలో 25వేల కిలోల గంజాయిని స్వాధీనం చేసుకున్నట్లు హోంమంత్రి వంగలపూడి అనిత అసెంబ్లీలో ప్రకటించారు. గంజాయిపై జరుగుతున్న చర్చలో ఆమె మాట్లాడుతూ.. గత ప్రభుత్వ హయాంలో స్కూల్ పిల్లలు కూడా గంజాయికి అలవాటు పడడం విచారించదగ్గ విషయంగా పేర్కొన్నారు. గంజాయి స్మగ్లర్లపై పీడీ యాక్ట్ ప్రయోగించడానికి చర్యలు తీసుకుంటున్నామన్నారు. వారి ఆస్తులను కూడా జప్తు చేస్తామన్నారు.
News November 21, 2024
గంజాయిని అరికట్టేందుకు ప్రత్యేక టాస్క్ ఫోర్స్: హోం మంత్రి
రాష్ట్రంలో గంజాయితో పాటు బ్లేడ్ బ్యాచ్ నియంత్రణకు ప్రత్యేక టాస్క్ ఫోర్స్ ఏర్పాటు చేసినట్లు హోం మంత్రి వంగలపూడి అనిత అసెంబ్లీలో తెలిపారు. గత ప్రభుత్వ హయాంలో గంజాయి విచ్చలవిడిగా పెరిగిందన్నారు. దీని నియంత్రణకు టాస్క్ ఫోర్స్ తో పాటు యాంటీ నార్కోటిక్ బృందాన్ని ఏర్పాటు చేసి దానికి అడిషనల్ డీజీపీ ర్యాంక్ అధికారిని నియమించినందుకు క్యాబినెట్ నిర్ణయం తీసుకుందన్నారు.
News November 21, 2024
ఆ ల్యాండ్ ఇవ్వకపోతే షూట్ చేస్తామన్నారు: ఎమ్మెల్యే
మాజీ సీఎం కిరణ్ కుమార్ రెడ్డి హయాంలో ఓ కంపెనీకి అలిపిరిలో కేటాయించిన 38 ఎకరాల భూమిని ఇవ్వాలని ఆ యజమాన్యంపై గత ప్రభుత్వం తీవ్ర ఒత్తిడి తీసుకొచ్చిందని విశాఖ ఉత్తర నియోజకవర్గ ఎమ్మెల్యే విష్ణుకుమార్ రాజు అసెంబ్లీలో వెల్లడించారు. ఆ యాజమాన్యంతో 25 సార్లు మీటింగ్ పెట్టి మాజీ సీఎం జగన్ బెదిరించినట్లు ఆరోపించారు. ఆ భూమి ఇవ్వకపోతే షూట్ చేస్తామని హెచ్చరించినట్లు పేర్కొన్నారు.
News November 21, 2024
సీలేరులో అందుబాటులోకి రానున్న సీ ప్లేన్ సేవలు..!
గూడెం కొత్తవీధి మండలంలోని సీలేరులో సీ ప్లేన్ సేవలు అందుబాటులోకి రానున్నాయని తహశీల్దార్ టీ.రామకృష్ణ తెలిపారు. ఈ మేరకు ఇరిగేషన్ అధికారులతో కలిసి సీలేరు డ్యామ్ పరిసరాలను పరిశీలించారు. డ్యాంలో సీ ప్లైన్‌కు సంబంధించిన జెట్టి నిర్మాణానికి అనువైన స్థలం కోసం పరిశీలించారు. పర్యాటక రంగం అభివృద్ధిలో భాగంగా విశాఖ నుంచి కానీ రాజమండ్రి నుంచి బలిమెల వరకు సీ ప్లేన్ సేవలు అందుబాటులోకి రానున్నట్లు తెలుస్తోంది.
News November 21, 2024
విశాఖలో సయ్యద్ ముక్తర్ అలీ టోర్నీ
విశాఖతో పాటు విజయనగరం విజ్జీ స్టేడియంలో ఈనెల 23 నుంచి సయ్యద్ ముక్తర్ అలీ క్రికెట్ పోటీలు నిర్వహించనున్నట్లు ఆంధ్రా క్రికెట్ అసోసియేషన్ కార్యదర్శి సానా సతీష్ బాబు పేర్కొన్నారు. అస్సాం, ఒడిశా, పాండిచ్చేరి, చత్తీస్‌గఢ్, విదర్భ, రైల్వేస్ జట్లు పోటీ పడనున్నాయని అన్నారు. ఐపీఎల్‌లో ప్రాతినిధ్యం వహించిన ఆటగాళ్లు ఈ మ్యాచ్‌లలో పాల్గొంటారని అన్నారు. ఇందుకు సంబంధించి అన్ని ఏర్పాట్లు పూర్తయ్యాయని తెలిపారు.
News November 21, 2024
విశాఖ గ్యాంగ్ రేప్ నిందితులకు రిమాండ్
విశాఖలో లా విద్యార్థిని పై జరిగిన గ్యాంగ్ రేప్ ఘటనలో సంచలన విషయాలు బయటపడ్డాయి. ప్రేమ పేరుతో వలవేసి బాధితురాలికి చేరువై.. ఆమెపై అత్యాచారానికి పాల్పడినట్లు పోలీసులు వెల్లడించారు. ఈ కేసులో ప్రధాన నిందితుడు వంశీతోపాటు అతడి స్నేహితులు జగదీశ్, ఆనంద్, రాజేశ్‌లను అరెస్టు చేసి కోర్టులో హాజరుపరిచారు. దీంతో కోర్టు నిందితులకు వచ్చే నెల 2వరకు రిమాండ్ విధించింది.
News November 21, 2024
విశాఖ: పోస్టర్స్ ఆవిష్కరించిన కలెక్టర్
వచ్చేనెల ఏడవ తేదీన నిర్వహించే సాయుధ దళాల పతాక దినోత్సవం సందర్భంగా పరిష్కరించుకుని బుధవారం కలెక్టరేట్‌లో కలెక్టర్ హరేంద్ర ప్రసాద్ స్టిక్కర్స్, కారు ఫ్లాగ్స్, పోస్టర్స్ ఆవిష్కరించారు. ఈ సందర్భంగా కలెక్టర్ మాట్లాడుతూ.. ప్రతి ఏటా డిసెంబర్ 7న సాయుధ దళాల పతాక దినోత్సవాన్ని నిర్వహించి దేశ రక్షణ కోసం సాయుధ దళాలు చేస్తున్న త్యాగాలను గుర్తు చేసుకుంటామన్నారు.
News November 20, 2024
విశాఖ: స్టేడియం అభివృద్ధి ప‌నుల ప‌రిశీలన-కలెక్టర్
భ‌విష్య‌త్తు అవ‌స‌రాల‌ను దృష్టిలో ఉంచుకొని ఇందిరా ప్రియ‌ద‌ర్శిని మున్సిప‌ల్ స్టేడియంలో మ‌రిన్ని మౌలిక వ‌స‌తులు క‌ల్పించాల‌ని సంబంధిత అధికారుల‌ను జిల్లా కలెక్టర్ ఎం.ఎన్. హ‌రేంధిర ప్రసాద్ ఆదేశించారు. గత కొంతకాలంగా సుమారు రూ.7 కోట్ల వ్యయంతో జరుగుతున్న అభివృద్ధి ప‌నుల‌ను బుధవారం ఆయన పరిశీలించారు. జీవీఎంసీ అధికారులతో కలిసి స్టేడియంను సంద‌ర్శించిన ఆయన అక్క‌డి ప‌రిస్థితుల‌ను గ‌మ‌నించారు.
News November 20, 2024
వరాహ పుష్కరిణి వద్ద పోలిపాడ్యమికి ఏర్పాట్లు
డిసెంబర్ 2న జరిగే పోలిపాడ్యమికి సింహాచలం వరాహ పుష్కరిణి వద్ద అన్ని ఏర్పాట్లు చేస్తున్నట్లు సింహాచలం ఈవో త్రినాథరావు తెలిపారు. వరాహ పుష్కరిణిలో దీపాలు వదిలేందుకు మహిళలు ఎక్కువగా రానున్న నేపథ్యంలో అవాంఛనీయ ఘటనలు జరుగకుండా పుష్కరిణి వద్ద బారికేడింగ్ ఏర్పాట్లు చేశారు. పుష్కరిణికి మార్గంలో పోలీసులతోను బందోబస్తు ఏర్పాటు చేయనున్నట్లు తెలిపారు. తోలిపావంచ వద్ద ట్రాఫిక్ పోలీసులను ఏర్పాటు చేస్తామన్నారు.
News November 20, 2024
అవకతవకల వల్లే విశాఖ డెయిరీకి నష్టాలు: పల్లా
సుమారు రూ. 2000 కోట్ల టర్నోవర్ కలిగిన విశాఖ డెయిరీలో జరుగుతున్న అవకతవకల వల్లే డెయిరీకి నష్టాలు వస్తున్నాయని గాజువాక ఎమ్మెల్యే పల్లా శ్రీనివాసరావు ఆరోపించారు. బుధవారం అసెంబ్లీలో ఆయన మాట్లాడుతూ సొసైటీగా ఉన్న డెయిరీని కంపెనీగా మార్పు చేసినప్పటి నుంచి సమస్యలు ఉత్పన్నమవుతున్నాయని అన్నారు. డెయిరీకి అనుబంధంగా ట్రస్ట్ ఏర్పాటు చేసి రైతుల సంక్షేమానికి వినియోగించాల్సిన నిధులు మళ్లిస్తున్నారని అన్నారు.
Featured News
Sorry, no posts matched your criteria.