India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News April 19, 2024
నర్సీపట్నం: నేడు నామినేషన్ వేయనున్న అయ్యన్నపాత్రుడు
నర్సీపట్నం అసెంబ్లీ నియోజకవర్గం నుంచి టీడీపీ తరపున పదో సారి ఎమ్మెల్యే బరిలో ఉన్న మాజీ మంత్రి చింతకాయల అయ్యన్నపాత్రుడు ఈరోజు నామినేషన్ వేయనున్నారు. ఈ మేరకు శుక్రవారం ఉదయం అయ్యన్న తన ఇంటి నుంచి ర్యాలీగా బయలుదేరి ఐదు రోడ్ల జంక్షన్, కృష్ణా బజారు, అబీద్ సెంటర్ మీదుగా ఆర్డీవో కార్యాలయం చేరుకొని అక్కడ నామినేషన్ వేస్తారని టీడీపీ వర్గాలు తెలిపాయి. ఈ నామినేషన్ ప్రక్రియను జయప్రదం చేయాలని వారు కోరారు.
News April 18, 2024
ఈనెల 20న అనకాపల్లికి సీఎం జగన్: ఎంపీ
ఈనెల 20న అనకాపల్లి జిల్లాలోకి సీఎం జగన్ ‘మేమంతా సిద్ధం’బస్ యాత్ర ప్రవేశిస్తుందని ఎంపీ బీవీ సత్యవతి తెలిపారు. ఎమ్మెల్యే అభ్యర్థి మలసాల భరత్ కుమార్‌తో కలిసి ఆమె గురువారం మాట్లాడారు. కసింకోట మండలం తాళ్లపాలెం సమీపంలోని చింతలపాలెం పంచాయతీ వద్ద సాయంత్రం 4 గంటలకు జగన్ బహిరంగ సభ ఉంటుందని వెల్లడించారు. సీఎం బహిరంగ సభను జయప్రదం చేయాలని వైసీపీ శ్రేణులకు పిలుపునిచ్చారు.
News April 18, 2024
విశాఖ: అక్కడ 2 గంటల ముందే ముగియనున్న పోలింగ్
నోటిఫికేషన్ విడుదల కావడంతో ఉమ్మడి విశాఖ జిల్లాలో ఎన్నికల సందడి నెలకొంది. ఉమ్మడి విశాఖలో జిల్లాలో మొత్తం 15 అసెంబ్లీ స్థానాలు ఉండగా.. రెండు నియోజకవర్గాలు మినహా మిగతా 13 స్థానాల్లో ఉదయం 7 గంటల నుంచి సాయంత్రం 6 గంటల వరకు పోలింగ్ జరగనుంది. ఏజెన్సీ ప్రాంతాలు కావడంతో అరకు, పాడేరు నియోజకవర్గాల్లో ఉదయం 7గంటల నుంచి సాయంత్రం 4గంటల వరకే పోలింగ్ ఉంటుంది. ఓటర్లు ఈ విషయాన్ని గమనించాలని అధికారులు కోరారు.
News April 18, 2024
సీఎంగా విశాఖలో జగన్ ప్రమాణ స్వీకారం: బొత్స
వైసీపీ అధికారంలోకి వచ్చిన వెంటనే సీఎంగా జగన్మోహన్ రెడ్డి విశాఖలోనే ప్రమాణ స్వీకారం చేస్తారని మంత్రి బొత్స సత్యనారాయణ అన్నారు. విశాఖ వైసీపీ ఎంపీ అభ్యర్థి కార్యాలయంలో ఆయన మాట్లాడారు. పరిపాలనను కూడా విశాఖ నుంచే ప్రారంభిస్తారని అన్నారు. మాట తప్పని వ్యక్తి సీఎం జగన్మోహన్ రెడ్డి అని వెల్లడించారు. టీడీపీ అధికారంలో ఉండగా అమరావతి పేరిట చేసిన దోపిడీ అందరికీ తెలిసిందే అన్నారు.
News April 18, 2024
ఎంబీఏ లాజిస్టిక్ సప్లయ్ చైన్ మేనేజ్మెంట్లో ప్రవేశాలు
ఆంధ్ర విశ్వవిద్యాలయంలో ఎంబీఏ లాజిస్టిక్స్ సప్లయ్ చైన్ మేనేజ్మెంట్ కోర్సులో ప్రవేశాలకు దరఖాస్తులను ఆహ్వానిస్తున్నారు. రెండేళ్ల కాల వ్యవధి తో నిర్వహించే ఈ కోర్సులో ప్రవేశాలకు జూన్ 18వ తేదీలోగా దరఖాస్తు చేసుకోవాలి. దరఖాస్తుల పరిశీలించి జూన్ 20న ప్రవేశాలు కల్పిస్తారు. రక్షణ రంగాల్లో పనిచేసే వారికి వారి కుటుంబ సభ్యులకు ప్రవేశాల ప్రాధాన్యత ఇస్తారు. కోర్సు ఫీజుగా ఏడాదికి రూ.60 వేలు చెల్లించాలి.
News April 18, 2024
విశాఖ: నామినేషన్ దాఖలు చేసిన కేఏ పాల్
ప్రజాశాంతి పార్టీ తరఫున విశాఖ పార్లమెంట్ అభ్యర్థిగా, గాజువాక శాసనసభ అభ్యర్థిగా పోటీ చేస్తున్న కేఏ పాల్ నామినేషన్ దాఖలు చేశారు. కొద్దిసేపటి క్రితం తన మద్దతుదారులతో కలిసి జిల్లా కలెక్టర్ కార్యాలయానికి చేరుకున్నారు. ఎన్నికల అధికారి, జిల్లా కలెక్టర్ డాక్టర్ ఎ. మల్లికార్జునకు తన నామినేషన్ పత్రాలను ఆయన అందజేశారు. ఒకే జిల్లా నుంచి పార్లమెంటుకు, శాసనసభకు రెండు స్థానాలకు కేఏ పాల్ పోటీ చేస్తున్నారు.
News April 18, 2024
పట్టువదలని విశాఖ యువతి
విశాఖలోని కిర్లంపూడికి చెందిన <<13067957>>హనిత<<>> సివిల్స్‌లో 887వ ర్యాంక్ సాధించారు. ఇంటర్ వరకు విశాఖలోనే చదివిన ఆమె 2012లో ఖరగ్‌పూర్‌లో ఇంజినీరింగ్‌లో చేరారు. 2013లో సడెన్‌గా పెరాలసిస్ రావడంతో రెండు కాళ్లు పడిపోయాయి. వీల్ ఛైర్‌కు పరిమితమైన ఆమె రెండేళ్ల పాటు డిప్రెషన్‌కి గురయ్యారు. తల్లిదండ్రుల ప్రోత్సాహంతో డిస్టెన్స్‌లో డిగ్రీ పూర్తిచేసి 2020లో తొలిసారి సివిల్స్‌ రాశారు. నాలుగో ప్రయత్నంలో ర్యాంక్ సాధించారు.
News April 18, 2024
బుచ్చియ్యపేట: ఎన్నికల అధికారుల పేరిట దోపిడి
ఎన్నికల అధికారులమంటూ నమ్మించి వాహన తనిఖీల పేరుతో మంగళాపురం మాజీ సర్పంచ్ అల్లంకి వెంకటప్పారావు నుంచి గుర్తు తెలియని వ్యక్తులు బంగారం దోచుకున్నారు. అల్లంకి బుధవారం స్కూటీపై వెళుతుండగా, విజయరామరాజుపేట దాటాక ఇద్దరు బైకుపై వచ్చి అడ్డగించి బ్యాగు తీసుకుని తనిఖీ చేశారు. ఆయన ధరించిన బంగారు చైన్, ఉంగరాలు, బ్రాస్‌లైట్ తీసి బ్యాగులో వేస్తున్నట్లు వేసి వారి జేబులో వేసుకొని అక్కడ్నుంచి వెళ్లిపోయారు.
News April 18, 2024
విశాఖ: ఏయూని వదలని ‘జగనన్న’ పాట వీడియో
ఆంధ్ర విశ్వవిద్యాలయం న్యాయ కళాశాల ఆవరణలో ఇటీవల జరిగిన హోలీ వేడుకల్లో కొందరు విద్యార్థులు ‘జగనన్న’ పాటకు నృత్యాలు చేశారన్న విషయమై విచారణ కొనసాగుతోంది. దీనిపై పూర్తిస్థాయిలో విచారణ జరిపి నివేదిక అందించాలని ఎన్నికల సంఘం కోరడంతో 3వ పట్టణ పోలీసులు విచారణ చేస్తున్నట్లు తెలిసింది. రెండు రోజుల క్రితం మూడో పట్టణ పోలీస్ స్టేషన్‌కి చెందిన ఒక అధికారి న్యాయ కళాశాలకు వెళ్లి అధికారులను విచారించినట్లు తెలిపారు.
News April 18, 2024
పెదగోగాడ గెడ్డలో పడి ఆర్మీ ఉద్యోగి మృతి
గెడ్డలో పడి ఆర్మీ ఉద్యోగి మృతి చెందినట్లు చీడికాడ ఎస్సై జి.నారాయణరావు బుధవారం తెలిపారు. బుచ్చెయ్యపేట మం. పి.భీమవరంకి చెందిన పడాల వరహాలు ఆర్మీలో పనిచేస్తున్నారు. హైదరాబాద్‌ నుంచి సెలవుపై స్వగ్రామం వచ్చిన వరహాలు దేవరాపల్లి మం. వాకపల్లిలో అత్తవారింటికి బయలుదేరాడు. పెదగోగాడ సమీపంలో బైక్ అదుపుతప్పడంతో రోడ్డు పక్కన ఉన్న గెడ్డలో పడిపోయాడు. ప్రమాదంలో అక్కడికక్కడే మృతిచెందినట్లు ఎస్సై తెలిపారు.
Featured News
Sorry, no posts matched your criteria.