India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News September 23, 2024
అరకులోయలో నెత్తుటి చారికకు ఆరేళ్లు..!
23/9/2018 మన్యం ప్రజలు మరిచిపోలేని రోజు. అరకు మాజీ ఎమ్మెల్యేలు కిడారి సర్వేశ్వరరావు, సివేరి సోమును మవోయిస్టులు అతి కిరాతంగా చంపిన రోజు. డుంబ్రిగుడ మండలం లివిటిపుట్టు వద్ద ఇద్దరు నేతలను మావోయిస్టులు హతమార్చి నేటికి ఆరేళ్లు గడుస్తోంది. అనంతరం కిడారి కుమారుడు శ్రవణ్ కుమార్ మంత్రిగా పనిచేయగా.. సివేరి కుమారుడు అబ్రహం గత ఎన్నికల్లో TDP తరఫున రెబల్ అభ్యర్థిగా బరిలో దిగి సస్పెన్షన్‌కు గురయ్యారు.
News September 23, 2024
సింహాచలం ప్రసాదానికి విశాఖ డెయిరీ నెయ్యి
సింహాచలం సింహాద్రి అప్పన్న ఆలయంలో లడ్డూల తయారీ, దీపారాధన, ఇతర అవసరాలకు వినియోగించేందుకు తాత్కాలికంగా విశాఖ డెయిరీ నెయ్యి కొనుగోలు చేయాలని దేవాదాయ అధికారులు నిర్ణయించారు. దేవస్థానం స్టోర్‌లో ఈనెల 21న ఫుడ్ సేఫ్టీ అధికారులు తనిఖీలు నిర్వహించి నెయ్యిని సీజ్ చేశారు. ప్రస్తుతం రోజుకు 25 వేల నుంచి 30 వేల లడ్డూలు విక్రయిస్తారు. సోమవారం వంద డబ్బాల విశాఖ డెయిరీ నెయ్యి(1500 కేజీలు) దేవస్థానానికి రానుంది.
News September 23, 2024
ఉమ్మడి విశాఖలో 16 మంది తహశీల్దార్లు బదిలీ
ఉమ్మడి విశాఖ జిల్లాలో 16 మంది తహశీల్దార్లను కలెక్టర్ హరేంద్ర ప్రసాద్ బదిలీ చేశారు. వీరిలో 8 మందిని విశాఖ జిల్లాకు, ఐదుగురిని అనకాపల్లి జిల్లాకు, ముగ్గురిని అల్లూరి జిల్లాకు బదిలీ అయ్యారు. బదిలీ అయిన వారిలో ఎంబీ అప్పారావు, పీ.లచ్చాపాత్రుడు, ఎస్.రాణి అమ్మాజీ, కే.జానకమ్మ, ఎస్.రామారావు, ఏ.శ్రీనివాసరావు, కే.రమాదేవి, ఎస్.నాగమ్మ, వేణుగోపాల్, శ్యామ్ కుమార్, కే.జయ ప్రకాశ్ తదితరులు ఉన్నారు.
News September 23, 2024
అరకులోయలో కొంతమేర తగ్గిన పర్యాటకుల సందడి
పర్యాటక ప్రాంతమైన అరకులోయ గిరిజన మ్యూజియంను సందర్శించిన పర్యాటకుల సంఖ్య కొంతమేర తగ్గింది. శనివారం సాయంత్రం వర్షం పడటం, అల్పపీడనం వలన భారీ వర్షాలు పడతాయన్న ఐఎండి సూచన మేరకు అరకులోయ వచ్చిన పర్యాటకులు శనివారం సాయంత్రం, ఆదివారం ఉదయం ఇంటిముఖం పట్టారని గిరిజన మ్యూజియం సిబ్బంది తెలిపారు. శని, ఆదివారాలలో మ్యూజియంను సుమారు 1100 మంది పర్యాటకులు సందర్శించారన్నారు.
News September 22, 2024
చిరంజీవికి ఎంపీ సీఎం రమేశ్ అభినందనలు
గిన్నిస్ బుక్ ఆఫ్ వరల్డ్ రికార్డ్స్‌లో చోటు సంపాదించుకున్న సందర్భంగా మెగాస్టార్ చిరంజీవికి అనకాపల్లి ఎంపీ సీఎం రమేశ్ అభినందనలు తెలిపారు. చిరంజీవికి దక్కిన విశిష్ట గౌరవం మన తెలుగువారి గుర్తింపు పెంచిందన్నారు. 156 చిత్రాలు.. 537 పాటలు.. 24 వేల స్టెప్పులతో ప్రేక్షకులను అలరించినందుకు చిరంజీవికి గిన్నిస్ బుక్‌లో చోటు దక్కిందన్నారు. ఇది తెలుగు వారికి గర్వకారణం అన్నారు.
News September 22, 2024
గిన్నిస్ రికార్డు సాధించిన విశాఖ మహిళలు
అతి తక్కువ సమయంలో మహిళలు ధరించే 58,112 క్రోంచెట్ స్క్వెర్స్ నూలు వస్త్రంను తయారు చేసి విశాఖ మహిళలు గిన్నిస్ వరల్డ్ రికార్డు సృష్టించారు. వెంకోజీపాలెంలోని ఆదివారం ఓ ఫంక్షన్ హాల్లో ఏర్పాటు చేసిన కార్యక్రమంలో ఆ వస్త్రాన్ని ప్రదర్శించారు. వాటిని గిన్నిస్ వరల్డ్ రికార్డ్ లండన్ ప్రతినిధి స్వప్నిల్ డంగారికర్ పరిశీలించి రికార్డును ధ్రువీకరించారు.
News September 22, 2024
రాష్ట్ర ప్రజల ప్రయోజనాలను కాపాడటమే లక్ష్యం: పల్లా
గత ప్రభుత్వంలో దగా పడిన ఏపీ ప్రజల ప్రయోజనాలను కాపాడడమే కూటమి ప్రభుత్వ లక్ష్యం అని టీడీపీ రాష్ట్ర అధ్యక్షుడు, గాజువాక ఎమ్మెల్యే పల్లా శ్రీనివాసరావు అన్నారు. గాజువాక నియోజకవర్గం 69, 70, 71 వ వార్డుల్లో నిర్వహించిన ‘ఇది మంచి ప్రభుత్వం’ కార్యక్రమంలో ఆయన ముఖ్య అతిథిగా పాల్గొన్నారు. ఎన్నికల్లో ఇచ్చిన ప్రతి హామీని అమలు చేస్తామని అన్నారు.
News September 22, 2024
దసరా సెలవుల్లో అరకు వెళ్లేవారికి GOOD NEWS
దసరా సెలవులలో పర్యాటకుల రద్దీ దృష్ట్యా అక్టోబర్ 5 నుంచి 15 వరకు విశాఖ-అరకు మధ్య ప్రత్యేక రైళ్ళు నడుపుతున్నట్లు రైల్వే అధికారులు తెలిపారు. విశాఖ-అరకు(08525) రైలు విశాఖలో ఉదయం 8.30 గంటలకు బయలుదేరి 11.30 గంటలకు అరకు చేరుతుంది. తిరుగు ప్రయాణంలో అరకు-విశాఖ(08526) రైలు మధ్యాహ్నం 2 గంటలకు బయలుదేరి సాయంత్రం 6 గంటలకు విశాఖ చేరుతుంది. సింహాచలం, కొత్తవలస, ఎస్.కోట, బొర్రాగుహలు స్టేషన్లలో ఆగనుంది.
News September 22, 2024
2 రోజులు సింహాద్రి ఎక్స్‌ప్రెస్‌ రద్దు
నాన్ ఇంటర్ లాకింగ్ పనులు జరుగుతున్నందున విజయవాడ మీదుగా గుంటూరు(GNT)- విశాఖపట్నం(VSKP) మధ్య ప్రయాణించే సింహాద్రి ఎక్స్‌ప్రెస్‌లను రెండు రోజులపాటు దక్షిణ మధ్య రైల్వే రద్దు చేసింది. ఈ మేరకు నం.17239 GNT-VSKP మధ్య ప్రయాణించే రైలును ఈ నెల 29, 30వ తేదీల్లో, నం.12740 VSKP-GNT రైలును ఈ నెల 30, అక్టోబర్ 1వ తేదీన రద్దు చేశామని రైల్వే అధికారులు తాజాగా ఒక ప్రకటన విడుదల చేశారు.
News September 22, 2024
విశాఖ: మరింత మెరుగైన ప్రగతి సాధించాలి
ఎన్ఐర్ఎఫ్ ర్యాకింగ్‌లో రాష్ట్రంలో విశ్వవిద్యాలయాలు మరింత మెరుగైన ప్రగతి సాధించాలని సీఎం చంద్రబాబు, హెచ్ఎర్డీ మంత్రి నారా లోకేశ్ ఆకాంక్షిస్తున్నారని రాష్ట్ర ఉన్నత విద్య మండలి ఛైర్మన్ (ఇన్‌ఛార్జ్) కె.రామ్మోహన రావు అన్నారు. రాష్ట్ర విశ్వవిద్యాలయాలు ఎన్ఐఆర్ఎఫ్ ర్యాంకుల మెరుగుపరచుకోవడంపై శనివారం వర్చువల్ సదస్సును నిర్వహించారు. సదస్సులో ఏయూ ఇన్‌ఛార్జ్ వైస్ ఛాన్సలర్ శశిభూషణరావు పాల్గొన్నారు.
Featured News
Sorry, no posts matched your criteria.