India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News September 3, 2024
మహిళ కడుపులో శిశువు ఎముకల గూడు..!
తీవ్ర కడుపునొప్పితో ఆగస్టు 28న ఓ మహిళ విశాఖ కేజీహెచ్‌లో చేరింది. ఆమెను పరీక్షించిన వైద్యులు కడుపులో 24 వారాల శిశువు ఎముకల గూడు ఉన్నట్లు గుర్తించారు. వెంటనే సర్జరీ చేసి వాటిని తొలగించారు. ఆమె 3 ఏళ్ల క్రితం గర్భం దాల్చగా.. అబార్షన్‌కు మందులు వాడారని అప్పటి నుంచి నొప్పితో బాధపడుతున్నారని వైద్యులు చెప్పారు. దేశవ్యాప్తంగా ఈ తరహా కేసులు ఇప్పటివరకు 25లోపే నమోదైనట్లు వైద్యులు తెలిపారు.
News September 3, 2024
గురజాడ గ్రంథాలయంలో మౌలిక సదుపాయాలు కల్పించాలి: డీవైఎఫ్ఐ
విజయనగరం గురజాడ గ్రంధాలయంలో మౌలిక సదుపాయాలు మెరుగుపరచాలంటూ డివైఎఫ్ఐ ఆధ్వర్యంలో నిరసన తెలిపారు. అనంతరం గ్రంథాలయ ప్రతినిధి బీ.లక్ష్మీకి వినతి పత్రం ఇచ్చారు. డివైఎఫ్ఐ జిల్లా కన్వీనర్ సిహెచ్ హరీష్ మాట్లాడుతూ.. జిల్లా ప్రధాన గ్రంథాలయానికి సుమారు 400 మంది విద్యార్థులు చదువుకోవడానికి వస్తున్నారని, వసతులు, మరుగుదొడ్లు లేవన్నారు. భవనాలు పెచ్చులు ఊడిపోతున్నాయని చెప్పారు. పరిసరాలు క్లీన్‌గా లేవన్నారు.
News September 3, 2024
ఈ నెల నుంచి రేషన్ డిపోల్లో సరుకుల పంపిణీ
విజయనగరం జిల్లాలో ఈ నెల నుంచి రేషన్ డిపోల ద్వారా సరుకులు పంపిణీ చేయనున్నారు. డీఎంయూ వాహనాలకు స్వస్తి పలికారు. ఈ నెలలో బియ్యంతో పాటు పంచదార పంపిణీ చేస్తారు. ఈ మేరకు 230 టన్నులు తెప్పించినట్లు పౌర సరఫరాల సంస్థ డీఎం మీనాకుమారి సోమవారం తెలిపారు. కార్డుకు అర కిలో, అంత్యోదయ కార్డుకు కిలో చొప్పున ఇస్తామని, అక్టోబర్ నెల నుంచి కందిపప్పు కూడా పంపిణీ చేయనున్నట్లు తెలిపారు.
News September 3, 2024
బొబ్బిలిలో పింఛన్లు తొలగించారని ఆందోళన
తమ పింఛన్లు అన్యాయంగా తొలగించారని గొల్లపల్లి పదో వార్డుకు చెందిన పలువురు పింఛనుదారులు వాపోయారు. ఈ మేరకు బొబ్బిలి మున్సిపల్‌ కార్యాలయం వద్ద 10 మంది లబ్దిదారులు సోమవారం నిరసన తెలిపారు. తాము ఎప్పటి నుంచో సామాజిక పింఛన్లు అందుకుంటున్నామన్నారు. ప్రస్తుతం తమ పింఛన్లు నిలిపివేశారని తిరిగి పునరుద్దరించాలని డిమాండ్ చేశారు.
News September 2, 2024
కోర్టు కేసుల‌పై స్పందించ‌డంలో అల‌స‌త్వం వద్దు: కలెక్టర్
ఏదైనా అంశంపై కోర్టులు ఇచ్చిన తీర్పుల‌ను త‌క్ష‌ణ‌మే అమ‌లు చేయాల‌ని జిల్లా కలెక్టర్ డా.బి.ఆర్.అంబేడ్క‌ర్ జిల్లా అధికారుల‌ను ఆదేశించారు. జిల్లా కలెక్టరేట్లో వీడియో కాన్ఫిరెన్స్ ద్వార మండల అధికారులతో సమీక్షించారు. వివిధ ప్రభుత్వ శాఖ‌ల‌కు సంబంధించి వివాదాల‌పై కోర్టుల నుంచి వ‌చ్చే నోటీసుల‌కు నిర్ణీత గ‌డువులోగా స‌మాధానాలు దాఖ‌లు చేసే బాధ్య‌త ఆయా ప్రభుత్వ శాఖ‌ల అధికారుల‌దేనని స్ప‌ష్టం చేశారు.
News September 2, 2024
VZM: కరెంట్ షాక్‌తో బాలుడు మృతి
ఎస్.కోట మండలం మూలబొడ్డవార పంచాయతీ మరుపల్లిలో విషాదం చోటుచేసుకుంది. కరెంట్ పోల్ ముట్టుకోవడంతో విద్యుత్ షాక్‌తో చంటిబాబు అనే నాలుగేళ్ల బాలుడు మృతి చెందాడు. ఆరు బయట ఆదుకుంటూ, పక్కనే ఉన్న విద్యుత్ పోల్‌ను ముట్టుకున్నాడు. వర్షానికి తడిసి ఉన్న కరెంట్ పోల్ కరెంట్ షాక్ కొట్టింది. దీంతో బాలుడు అక్కడికక్కడే మృతి చెందాడు. బాబు మృతితో కుటుంబం శోకసంద్రంలో మునిగిపోయింది.
News September 2, 2024
బొత్సకు కేబినెట్ హోదా.. గెజిట్ నోటిఫికేషన్ విడుదల
ఎమ్మెల్సీ బొత్స సత్యనారాయణకు కేబినెట్ హోదా దక్కింది. ఈ మేరకు ఆంధ్రప్రదేశ్ శాసన మండలిలో ప్రతిపక్ష నాయకునిగా గుర్తిస్తూ ప్రభుత్వం ఆదివారం గెజిట్ నోటిఫికేషన్ ఇచ్చింది. ఇకపై కేబినెట్ హోదాలో ఎమ్మెల్సీ బొత్సకు అవసరమైన ప్రోటోకాల్, మర్యాదలు ఇవ్వాలని ప్రభుత్వ రాజకీయ వ్యవహారాల కార్యదర్శి ఎస్.సురేశ్ కుమార్ సంబంధిత అధికారులకు ఆదేశాలు జారీ చేశారు.
News September 2, 2024
విజయనగరం: ట్రైన్ టికెట్ రీఫండ్‌కు హెల్ప్‌డెస్క్
వాల్తేరు డివిజన్లో కురుస్తున్న భారీ వర్షాల కారణంగా పలు రైళ్లు రద్దు చేశారు. ప్రయాణికులకు టికెట్ డబ్బులు తిరిగి చెల్లించేందుకు ప్రత్యేక కౌంటర్లు ఏర్పాటు చేసినట్లు అధికారులు వెల్లడించారు. మరింత సమాచారం కోసం విజయనగరంలో 8712641260, 08922 221202 నంబర్లతో హెల్ప్‌డెస్క్‌లను అందుబాటులోకి తెచ్చారు.
News September 2, 2024
విజయనగం: 7న మద్యం దుకాణాల బంద్
విజయనగం జిల్లాలో ఈనెల 7న మద్యం షాపులు బంద్ కానున్నాయి. నూతన మద్యం పాలసీ తీసుకురానున్న ప్రభుత్వ తీరును నిరసిస్తూ ఈనెల 7న రాష్ట్రవ్యాప్తంగా మద్యం దుకాణాల బంద్ నిర్వహించాలని ఏపీ స్టేట్‌బేవరేజస్ కార్పొరేషన్ కాంట్రాక్ట్ అండ్ ఎంప్లాయీస్ వెల్ఫేర్ అసోసియేషన్ రాష్ట్ర కమిటీ నిర్ణయించింది. నూతన మద్యం పాలసీ పేరిట మద్యం దుకాణాలను ప్రైవేట్ పరం దిశగా రాష్ట్రప్రభుత్వం అడుగులు వేస్తోందని ఆరోపించింది.
News September 2, 2024
విజయనగరం: గుర్తు తెలియని మృతదేహం గుర్తింపు
విజయనగరం 1వ పట్టణ పోలీస్ స్టేషన్ పరిధిలో ఉన్న గణేశ్ గుడివద్ద గుర్తుతెలియని మృతదేహం గుర్తించినట్లు ఒకటో పట్టణ సీఐ శ్రీనివాస్ ఆదివారం తెలిపారు. మృతుడి వయస్సు సుమారు 40- 45 మధ్య ఉంటుందన్నారు. చుట్టూ పక్కల వారిని విచారణ చేయగా ఫలితం లేదని, మృతదేహాన్ని ప్రభుత్వ హాస్పిటల్‌లో భద్రపరిచామన్నారు. ఆచూకీ తెలిసినవారు ఒకటో పట్టణ పోలీస్ స్టేషన్‌‌ను సంప్రదించాలని కోరారు.
Featured News
Sorry, no posts matched your criteria.