• Download our app

Vizianagaram

News August 31, 2024

VZM: ‘భారీ వర్షాలు.. యంత్రాంగం అలర్ట్’

image

వాయుగుండం కారణంగా రానున్న మూడు రోజుల‌పాటు విజయనగరం జిల్లాలో భారీ వ‌ర్షాలు కురిసే అవ‌కాశం ఉంద‌ని, జిల్లా యంత్రాంగం అప్ర‌మ‌త్తంగా ఉండాలని క‌లెక్ట‌ర్ డా.బీఆర్ అంబేడ్కర్ ఆదేశించారు. శ‌నివారం టెలీకాన్ఫ‌రెన్స్ నిర్వ‌హించారు. డివిజ‌న్‌, మండ‌ల స్థాయిలో కంట్రోల్ రూముల‌ను ఏర్పాటు చేయాల‌న్నారు. జిల్లా స్థాయిలో ప‌ర్య‌వేక్ష‌ణ‌కు కంట్రోల్ రూమ్ నెం. 08922 236947 ఏర్పాటు చేసినట్లు చెప్పారు.

News August 31, 2024

VZM: సెప్టెంబర్ 7న మద్యం దుకాణాలు బంద్

image

ప్రైవేటు మద్యం దుకాణాలను అనుమతించాలన్న రాష్ట్ర ప్రభుత్వ ప్రతిపాదనలపై నిరసన వ్యక్తమవుతోంది. ప్రభుత్వ మద్యం దుకాణాల్లో విధులు నిర్వహిస్తున్న 18వేల మంది సేల్స్మెన్, సూపర్వైజర్లు తమ ఉద్యోగాలకు ముప్పు కలుగుతోందని ఆందోళన వ్యక్తం చేస్తున్నారు. ప్రభుత్వ ప్రతిపాదనలకు వ్యతిరేకంగా వచ్చే నెల సెప్టెంబరు 7న ప్రభుత్వ మద్యం దుకాణాల బంద్ నిర్వహించాలని నిర్ణయించారు. మా ఉద్యోగాలకు భద్రత కల్పించాలని కోరారు.

News August 31, 2024

విజయనగరం: పింఛన్ల పంపిణీ పరిశీలించిన కలెక్టర్

image

గరివిడి మండలంలోని కొండపాలెంలో జిల్లా కలెక్టర్ డాక్టర్ బి.ఆర్ అంబేడ్కర్ శనివారం పర్యటించారు. ప్రభుత్వ ఆదేశాల మేరకు జరుగుతున్న పింఛన్ల పంపిణీ కార్యక్రమాన్ని ఆయన స్వయంగా పరిశీలించారు. స్థానిక అధికారులతో మాట్లాడి ఏ మేరకు పంపిణీ చేశారో వివరాలు అడిగి తెలుసుకున్నారు. శత శాతం పింఛన్ల పంపిణీ జరగాలని ఆదేశించారు.

News August 31, 2024

కాలుష్య నియంత్రణకు రూ.2.65 కోట్లతో ప్రణాళికలు- కలెక్టర్ అంబేడ్కర్

image

దేశంలో వాయు కాలుష్యం ఎక్కువగా ఉన్న నగరాలలో విజయనగరం ఉందని కలెక్టర్ అంబేడ్కర్ తెలిపారు. జాతీయ స్వచ్ఛ గాలి కార్య క్రమం అమలుపై శుక్రవారం తన కార్యాలయంలో సంబంధిత అధికారులతో సమీక్షించారు. కాలుష్య నివారణ చర్యల్లో భాగంగా రూ.2.65 కోట్లతో ప్రణాళిక రూపొందించాలని ఆదేశించారు. ఇప్పటి వరకు రూ.4.5 కోట్లు ఖర్చు చేశారని, ఈ మేరకు వచ్చిన ఫలితాలను తెలియజేయాలన్నారు. కాలుష్య కారకాలను నియంత్రించాలన్నారు.

News August 31, 2024

విజయనగరం: తీరంలో చేపల వేటకు వెళ్లొద్దు

image

బంగాళఖాతంలో ఏర్పడిన వాయుగుండం తుఫానుగా మారింది. రానున్న రెండు రోజుల పాటు ఓ మోస్తారు నుంచి భారీ వర్షాలు పడుతాయని వాతావరణ శాఖ తెలిపింది. భోగాపురం, పూసపాటిరేగ మండలాల్లో ఉన్న మత్స్యకారులు వేటకు వద్దని మత్స్యశాఖ డీడీ నిర్మలాకుమారి సూచనలు చేశారు.

News August 31, 2024

విజయనగరం: పింఛన్ల పింపిణీకి సర్వం సిద్ధం

image

పింఛన్ల పంపిణీ ప్రక్రియను శనివారం ఉదయం 6గంటలకే ప్రారంభించారు. ఆ విధంగా కలెక్టర్ అంబేడ్కర్ ఆదేశాలు జారీ చేశారు. సాంకేతిక లోపాలు తలెత్తితే వెంటనే తమను సంప్రదించాలని చెప్పారు. రేపు ఆదివారం కావడంతో ఈ రోజు పింఛన్ల పంపిణీ చేస్తున్న విషయం అందరికీ తెలిసిందే.

News August 31, 2024

వైద్య బృందాలు క్షేత్ర స్థాయిలో పర్యటించాలి: VZM కలెక్టర్

image

వర్షాకాలం కావడంతో ఈ రెండు నెలలు సీజనల్ వ్యాధులు ప్రబల కుండా వైద్యాధికారులు ముందస్తు జాగ్రత్తలు తీసుకోవాలని కలెక్టర్ డాక్టర్ బి.ఆర్.అంబేడ్కర్ ఆదేశించారు. తన కార్యాలయంలో శుక్రవారం సమీక్షలో సంబంధిత అధికారులతో మాట్లాడారు. వైద్య శాఖ జిల్లా అధికారులు బృందాలుగా వేసుకొని జిల్లా అంతటా ప్రతి రోజు క్షేత్ర స్థాయిలో పర్యటించాలని సూచించారు.

News August 30, 2024

VZM: వినాయక ఉత్సవాలకు సింగిల్ విండో విధానం

image

వినాయక ఉత్సవాలకు సంబంధించిన అన్ని రకాల అనుమతులను మంజూరు చేసేందుకు రాష్ట్ర ప్రభుత్వం సింగిల్ విండో విధానాన్ని ప్రజలకు అందుబాటులోకి తీసుకొచ్చి, సులభతరం చేసిందని ఎస్పీ వకుల్ జిందాల్ ఆగస్టు 30న తెలిపారు. ఈ విధానంతో ప్రజలు సులభంగా గణేశ్ ఉత్సవాల నిర్వహణ, మండపాల ఏర్పాటు, ఊరేగింపులు, నిమర్జనానికి చలానా రుసుమును చెల్లించి, నిరభ్యంతర పత్రం, క్యూఆర్ కోడ్‌ను పొందవచ్చునన్నారు.

News August 30, 2024

ఉమ్మడి జిల్లాకు ప్రత్యేకాధికారుల నియామకం

image

ఉమ్మడి జిల్లాకు ప్రత్యేకాధికారులుగా ఇద్దరు IASలను నియమిస్తూ రాష్ట్ర ప్రభుత్వం శుక్రవారం ఉత్తర్వులు జారీ చేసింది. విజయనగరం జిల్లాకు ప్రభుత్వ కార్యదర్శిగా ఉన్న వి.వినయ్ చంద్, పార్వతీపురం మన్యం జిల్లాకు కోన శశిధర్‌ను నియమిస్తూ చీఫ్ సెక్రటరీ నీరబ్ కుమార్ ప్రసాద్ ఉత్తర్వులు జారీ చేశారు. ప్రభుత్వ కార్యక్రమాలు, పథకాల అమలపై జిల్లా అధికారుల సమన్వయంతో ఇక మీదట పర్యవేక్షించమని ఆదేశించారు.

News August 30, 2024

VZM: ‘రోగుల నుంచి డబ్బులు తీసుకుంటే చర్యలు’

image

ఆరోగ్యశ్రీలో చికిత్స పొందిన రోగులు, సంబంధిత కుటుంబ సభ్యుల నుంచి ఒక్క రూపాయి తీసుకున్నా.. సంబంధిత ఆసుపత్రి యాజమాన్యంతో పాటు వైద్యులు, సిబ్బందిపై చర్యలు తప్పవని ఆరోగ్యశ్రీ సమన్వయకర్త అప్పలరాజు హెచ్చరించారు. గురువారం ఆరోగ్యశ్రీ అనుబంధ విభాగం ఆసుపత్రుల యాజమాన్యాలతో నగరంలోని మహారాజ ప్రభుత్వ ఆసుపత్రి ప్రాంగణంలో సమావేశమయ్యారు. ఉచిత చికిత్స, నాణ్యమైన భోజనం అందించాలని సూచించారు.

Featured News

Sorry, no posts matched your criteria.

↑