India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News August 29, 2024
డెంకాడ: లారీను ఢీకొట్టి యువకుడు మృతి
డెంకాడ మండలంలోని గుణుపూరుపేట సమీపంలో లారీను ఢీ కొట్టడంతో పోతయ్య పాలెం గ్రామానికి చెందిన యువకుడు కోరాడ సురేంద్ర గురువారం మృతి చెందాడు. డెంకాడ నుంచి తన ద్విచక్రవాహనంపై స్వగ్రామం వెళుతుండగా ఐరన్ లోడుతో వెళుతున్న లారీను వెనుక నుంచి బలంగా ఢీ కొట్టడంతో ఇనుప చువ్వలు తలలో గుచ్చుకొని అక్కడికక్కడే మృతి చెందాడు. ఎస్ఐ సన్యాసినాయుడు కేసు నమోదు చేసి దర్యాప్తు చేస్తున్నారు.
News August 29, 2024
VZM: తెలుగు భాషా సంస్కర్త గురజాడ
తెలుగు భాషకు వాడుక పదజాలాన్ని జోడించి తన రచనలను సామాన్యులకు దగ్గర చేశారు మహాకవి గురజాడ అప్పారావు. అప్పటి సాంఘిక పరిస్థితులకు అద్దం పట్టే విధంగా స్థానిక మాండలికంలో రాసిన ‘కన్యాశుల్కం’ నాటకం నేటికీ నిత్యనూతనం. ‘దేశమంటే మట్టి కాదోయ్.. దేశమంటే మనుషులోయ్’ అనే దేశభక్తి గీతంతో తెలుగు భాషకు ప్రపంచ స్థాయి గుర్తింపు తెచ్చారు. నేడు తెలుగు భాషా దినోత్సవం సందర్భంగా గురజాడ జ్ఞాపకం తెచ్చుకోవడం సందర్భోచితం.
News August 29, 2024
ట్రైబల్ యూనివర్సిటీ పనులు వేగవంతం కావాలి: VZM కలెక్టర్
మెంటాడ వద్ద నిర్మించ తల పెట్టిన ట్రైబల్ యూనివర్సిటీకి సంబంధించిన అప్రోచ్ రోడ్, విద్యుత్, నీటి సరఫరా తదితర మౌలిక వసతుల కల్పన వేగంగా జరగాలని కలెక్టర్ అంబేడ్కర్ అధికారులను ఆదేశించారు. సంబంధిత శాఖలకు చెందిన అంచనాలను రెండు రోజుల్లో సమర్పించాలని ఆదేశించారు. మార్చ్ 2025లో తరగతి గదులు ప్రారంభించవలసి ఉన్నందున నిధులు మంజూరు అయిన మర్నాడే పనులు చేపట్టడానికి సిద్ధంగా ఉండాలన్నారు.
News August 29, 2024
VZM: చెట్టు నుంచి జారిపడి వ్యక్తి మృతి
గంట్యాడ మండలం మదనాపురంలో చెట్టు నుంచి జారిపడి ముంత అప్పారావు(50) మృతి చెందిన సంఘటన చోటుచేసుకుంది. ఎస్ఐ సాయి కృష్ణ అందించిన వివరాల ప్రకారం.. మృతుడు మదనాపురంలోని ఓ షాప్ ఓపెనింగ్ కొరకు నేరేడు కొమ్మలు కోసేందుకు చెట్టు ఎక్కాడు. ప్రమాదవశాత్తు కిందపడి మృతి చెందినట్లు తెలిపారు. కేసు నమోదు చేసి పంచనామా అనంతరం పోస్టుమార్టం నిమిత్తం విజయనగరం కేంద్ర ఆస్పత్రికి తరలించినట్లు వెల్లడించారు.
News August 29, 2024
VZM: పరుగు పందెంలో ట్రాన్స్ జెండర్స్
జాతీయ క్రీడల దినోత్సవం సందర్భంగా విజయనగరం పట్టణంలోని విజ్జీ స్టేడియం లో నిర్వహించిన ఐదు కిలోమీటర్ల పరుగు పందెంలో పలువురు ట్రాన్స్ జెండర్స్ ఉత్సాహంగా పాల్గొన్నారు. యూత్‌ఫెస్ట్ కార్య‌క్ర‌మంలో భాగంగా నిర్వహించిన ఈ మార‌థాన్ పోటీల‌ను బాలురు, బాలిక‌లు, ట్రాన్స్ జెండర్స్ మూడు విభాగాలుగా విభ‌జించి, ఒక్కో విభాగంలో ప్ర‌ధ‌మ బ‌హుమ‌తి క్రింద రూ.7,000, రెండో బ‌హుమ‌తి క్రింద రూ.4,000 అంద‌జేస్తారు.
News August 29, 2024
‘ఉమ్మడి విజయనగరం జిల్లాకు జ్వరమొచ్చింది’
విజయనగరం జిల్లా వ్యాప్తంగా అన్ని ప్రభుత్వ, ప్రైవేట్ ఆసుపత్రులు జ్వరపీడితులతో కిక్కిరిసాయి. గడిచిన కొన్ని రోజుల నుంచి ఆసుపత్రులకు రోగుల తాకిడి పెరిగింది. సీహెచ్సీలలో రోజుకు 400 వరుకు ఓపీలు, పీహెచ్సీల్లో సుమారు 200 వరుకు ఓపీలు నమోదవుతున్నాయి. అధికారుల గణాంకాల ప్రకారం ఈ ఏడాది జులై వరుకు 435 మలేరియా,94 డెంగీ కేసులు నమోదయ్యాయి. క్షేత్ర స్థాయిల్లో వసతుల లేమితో రోగులు అవస్థలు పడుతున్నారు.
News August 29, 2024
విజయనగరం మెడికల్ కాలేజీలో ప్రవేశాలు ప్రారంభం
విజయనగరం ప్రభుత్వ వైద్య కళాశాలలో 2024-25 విద్యా సంవత్సరానికి సంబంధించి మొదటి సంవత్సరం ఎంబీబీఎస్ అడ్మిషన్లు బుధవారం ప్రారంభమయ్యాయి. ఆల్ఇండియా కోటాలో 22 సీట్లను వైద్య కళాశాలకు కేటాయించారు. దీనికి సంబంధించిన ప్రవేశాలు ముందుగా ప్రారంభమయ్యాయి. తొలిరోజు నలుగురు ప్రవేశాలు పొందారు. ప్రభుత్వ వైద్య కళాశాల ప్రిన్సిపల్ డాక్టర్ పద్మలీల, ఆర్‌ఎంఈఓ డాక్టర్ ఎన్.సురేశ్ బాబు ఆడ్మిషన్ ప్రక్రియ నిర్వహించారు.
News August 29, 2024
విజయనగరం కమిషనర్ టాలెంట్ గురించి మీకు తెలుసా?
విజయనగరం మున్సిపల్ కార్పొరేషన్ కమిషనర్‌గా బాధ్యతలు తీసుకున్న నల్లనయ్యను తెలుగు భాష అంటే మక్కువ ఎక్కువ. ఉత్తరాంధ్ర మాండలికం అంటే ప్రాణం. ఆ యాస కలకాలం బతికేలా రచనల ద్వారా తనవంతు ప్రయత్నం చేస్తున్నారు. “ఉత్తరాంధ్ర అమ్మమ్మలు, నాయనమ్మల్లార మమ్మల్ని వదిలి వెళ్లిపోతున్నారా” అంటూ ఇటీవల సోషల్ మీడియాలో వైరల్ అయిన వీడియో ఆయన చేసిందే. ఉత్తరాంధ్ర యాస మనుగడకు తనవంతు ప్రయత్నం చేస్తున్నట్లు నల్లనయ్య తెలిపారు.
News August 29, 2024
‘కేజీహెచ్‌కు అనుమానాస్పద కేసు రాక’
పార్వతీపురం మన్యం జిల్లా సాలూరుకు చెందిన వ్యక్తి (44) శరీరంపై ఎర్రటి, నల్లటి పొక్కులతో బుధవారం రాత్రి కేజీహెచ్‌కు వచ్చాడు. కుష్ఠు వ్యాధితో బాధపడుతున్న అతని నుంచి నమూనాలు సేకరించి మంకీపాక్సా కాదా అనేది నిర్ధారించడానికి పుణేలోని వైరాలజీ ల్యాబ్‌కు పంపించామని కేజీహెచ్ పర్యవేక్షణాధికారి డాక్టర్ శివానంద తెలిపారు. ముందు జాగ్రత్తగా తదుపరి పరీక్షల నిమిత్తం నమూనాలను ల్యాబ్‌కు పంపినట్లు వివరించారు.
News August 29, 2024
పార్వతీపురం: డిగ్రీ విద్యార్థులకు క్విజ్ పోటీలు
రిజర్వ్ బ్యాంక్ ఆఫ్ ఇండియా స్థాపించి 90 ఏళ్లు పూర్తయిన సందర్భంగా దేశవ్యాప్తంగా ఆన్‌లైన్ క్విజ్ పోటీలు నిర్వహిస్తోంది. అందులో భాగంగా డిగ్రీ విద్యార్థులు దరఖాస్తు చేసుకోవాలని మన్యం జిల్లా కలెక్టర్ శ్యామ్ ప్రసాద్ సూచించారు. సంబంధిత పోస్టర్‌ను కలెక్టర్ ఛాంబర్‌లో ఆవిష్కరించారు. https://www.rbi90quiz.in/ ద్వారా సెప్టెంబర్ 17వ తేదీ లోగా వివరాలు నమోదు చేసుకోవాలన్నారు.
Featured News
Sorry, no posts matched your criteria.