India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News August 9, 2024
రాత్రిపూట విధులు నిర్వహించానడం దారుణం: వీఆర్ఏలు
వీఆర్ఏలకు రాత్రిపూట విధులు నిర్వహించాలని చెప్పడం దారుణమని వీఆర్ఏల సంఘం గౌరవ అధ్యక్షుడు బి.సూర్యనారాయణ అన్నారు. వీఆర్ఏల సమస్యలను పరిష్కరించాలని కోరుతూ విజయనగరం జిల్లా కలెక్టర్‌కు వినతిపత్రం అందజేశారు. గత ఐదు సంవత్సరాలు వీఆర్ఏల జీతాలు పెంపు, ప్రమోషన్లు విషయాన్ని వైసీపీ ప్రభుత్వం పక్కన పెట్టిందన్నారు. కూటమి ప్రభుత్వమైన తమకు జీతాలు పెంచి, ప్రమోషన్లు కల్పించాలని కోరారు.
News August 9, 2024
VZM: కష్టమే పెట్టుబడి.. నమ్మితే ప్రాణమిస్తారు..!
కష్టమే వారి పెట్టుబడి.. నమ్మితే ప్రాణమిస్తారు.. మోసం చేస్తే మళ్లీ ముఖం కూడా చూడరు. కల్మషం లేని నవ్వు వారి సొంతం.. ఎవరికీ హాని తలపెట్టకూడదన్న స్వభావం వారి నైజం. పచ్చని చెట్లను ప్రేమిస్తూ.. వన్య ప్రాణులను లాలిస్తూ.. అడవితల్లి ఒడిలో సేదదీరుతూ.. మౌళిక సదుపాయాలు లేకున్నా ప్రకృతి ప్రసాదించే వనరులు వినియోగించుకుంటూ జీవనం సాగిస్తున్న ఉమ్మడి విజయనగరం గిరిజన సోదరులకు ప్రపంచ ఆదివాసీ దినోత్సవ శుభాకాంక్షలు.
News August 9, 2024
VZM: లేఖ రాసి లవర్ కోసం వెళ్లిపోయిన యువతి..!
విజయనగరం ఒకటవ పట్టణ పోలీస్ స్టేషన్ పరిధిలో ఓ యువతి అదృశ్యంపై పోలీసులు గురువారం కేసు నమోదు చేశారు. స్థానికంగా నివాసం ఉంటున్న 19 ఏళ్ల యువతి ప్రేమించిన యువకుడి కోసం వెళ్లిపోతున్నట్లు లేఖ రాసి ఇంటి నుంచి అదృశ్యమైంది. తన కోసం మరి వెతకొద్దంటూ ఆ లేఖలో తెలిపింది. కంగారు పడిన తల్లిదండ్రులు పోలీసులకు ఫిర్యాదు చేశారు. కాగా ఈ యువకుడు యువతికి ఇన్‌స్టాలో పరిచయం అవ్వగా.. అతనిది బెంగుళూరుగా పోలీసులు గుర్తించారు.
News August 9, 2024
విజయనగరంలో అంగన్వాడీలపై కేసు కొట్టివేత
2017 టీడీపీ ప్రభుత్వ హయాంలో అంగన్వాడీ కార్యకర్తలు, సీఐటీయూ నేతలపై పెట్టిన కేసులను మొబైల్ కోర్టు తాజాగా కొట్టి వేసింది. తమ డిమాండ్లను నెరవేర్చాలని 2017 సెప్టెంబర్ నెలలో కలెక్టరేట్ వద్ద సీఐటీయూ నేతలతో కలిసి అంగన్వాడీలు ధర్నా నిర్వహించారు. అనుమతి లేకుండా ధర్నా చేపట్టారని అంగన్వాడీ, సీఐటీయూ నేతలపై 1వ పట్టణ పోలీసులు కేసు నమోదు చేశారు. నాలుగేళ్ల విచారణ అనంతరం కేసు సరైంది కాదని కోర్టు కొట్టివేసింది.
News August 9, 2024
రామభద్రపురంలో విషాదం.. తండ్రీకొడుకు సూసైడ్
రామభద్రపురం మండలం ముచ్చర్లవలసలో రోజుల వ్యవధిలో తండ్రీకొడుకు ఆత్మహత్య చేసుకున్న ఘటన చోటుచేసుకుంది. గత నెల 24న నడగాన సురేశ్ (24) ఉరేసుకుని మృతిచెందాడు. అతని మరణం తట్టుకోలేని తండ్రి రవణ (55) బుధవారం సాయంత్రం పురుగుల మందు తాగి ఆత్మహత్య చేసుకున్నట్లు ఎస్ఐ జ్ఞానప్రసాద్ తెలిపారు. పొలంలో పురుగుమందు తాగి అపస్మారక స్థితిలోకి వెళ్ళగా.. ఆసుపత్రికి తరలిస్తుండగా మార్గమధ్యలో మృతిచెందినట్లు ఎస్ఐ వెల్లడించారు.
News August 9, 2024
విజయనగరంలో వ్యభిచార గృహంపై దాడి
విజయనగరం పట్టణంలోని కేఎల్ పురం సమీపంలో వ్యభిచార గృహంపై వన్ టౌన్ సీఐ ఎస్.శ్రీనివాస్ టాక్స్‌ఫోర్స్ సిబ్బందితో కలిసి దాడి చేశారు. ఇద్దరు విటులతో పాటు నిర్వాహకురాలిని అదుపులోకి తీసుకున్నారు. రాజీవ్ కాలనీకి చెందిన ఓ మహిళ విజయవాడ నుంచి అమ్మాయిలను తీసుకొచ్చి వ్యభిచార గృహం నడిపిస్తున్నట్లు గుర్తించారు. ఆమె‌పై గతంలో కూడా కేసులు నమోదయ్యాయన్నారు.
News August 9, 2024
గ్రామ స్థాయిలోనే కఠిన చర్యలు తీసుకోవాలి: ఎస్పీ వకుల్ జిందాల్
విజయనగరం జిల్లాలో గంజాయి, నాటుసారా నియంత్రణకు కఠిన చర్యలు చేపట్టి, వాటి నిర్మూలనకు విస్తృత దాడులు చేపట్టాలని ఎస్పీ వకుల్ జిందాల్ అధికారులను ఆదేశించారు. గురువారం జిల్లా పోలీసు కార్యాలయంలో ఎస్ఈబీ అధికారులతో సమీక్ష నిర్వహించారు. ఈ సందర్భంగా జిల్లా ఎస్పీ వకుల్ జిందాల్ మట్లాడుతూ.. గ్రామ స్థాయిలో గంజాయి, నాటుసారా, ఇతర మత్తు పదార్థాల నియంత్రణకు కఠిన చర్యలు చేపట్టాలని అధికారులను ఆదేశించారు.
News August 9, 2024
పార్వతీపురం: NMMS స్కాలర్ షిప్ పరీక్ష‌కు దరఖాస్తుల ఆహ్వానం
జాతీయ మీన్స్ కమ్ మెరిట్ స్కాలర్షిప్ పరీక్ష కొరకు దరఖాస్తులను ఆహ్వానిస్తున్నామని జిల్లా విద్యాశాఖాధికారి జి.పగడాలమ్మ గురువారం ఒక ప్రకటనలో తెలిపారు.
2024-25 విద్యా సంవత్సరములో జరగనున్న నేషనల్ మీన్స్ కమ్ మెరిట్ స్కాలర్షిప్ పరీక్ష (NMMS) కొరకు జిల్లాలోని 8వ తరగతి చదువుతున్న విద్యార్థులు దరఖాస్తు చేసుకోవాలని ఆమె తెలిపారు. డిశంబరు 08వ తేదీన ఈ పరీక్ష నిర్వహించడం జరుగుతుందని తెలిపారు.
News August 8, 2024
తోటపల్లి జలాశయం నుంచి మూడు జిల్లాలకు సాగునీరు
పార్వతీపురం మన్యం జిల్లా తోటపల్లి జలాశయం కుడి ప్రధాన కాలువ ద్వారా పార్వతీపురం, శ్రీకాకుళం, విజయనగరం జిల్లాలలోని 17 మండలాలలో సుమారు1,31,221 ఎకరాలకు సాగునీరు కల్పించుటకు ప్రతిపాదనలు సిద్ధం చేశామని కార్య నిర్వాహక ఇంజినీరు ఆర్.రామచంద్రరావు తెలిపారు. కొత్త కుడి ప్రధాన కాలువ 117.89 కిలోమీటర్ల పొడవునా 450 చెరువులకు సాగునీరు అందిస్తున్నామన్నారు.
News August 8, 2024
చీపురుపల్లి మాజీ ఎమ్మెల్యే మృతి
మాజీ ఎమ్మెల్యే, మాజీ ఎంపీ కెంబూరి రామ్మోహన్‌రావు గురువారం ఉదయం అనారోగ్యంతో మృతి చెందారు. గత కొద్దిరోజులుగా అనారోగ్యంతో బాధపడుతున్న ఆయన విశాఖలోకి ఓ ప్రైవేట్ ఆసుపత్రిలో చికిత్స పొందుతూ ఈరోజు తెల్లవారుజామున తుదిశ్వాస విడిచారు. చీపురుపల్లిలోని లావేరు రోడ్డు‌లోని ఆయన ఇంటికి మృతదేహాన్ని తీసుకురానున్నారు. కాగా ఏయూలో ఎంఏ పూర్తి చేసిన కెంబూరి..1985లో చీపురుపల్లి MLAగా, 1989లో బొబ్బిలి MPగా గెలిచారు.
Featured News
Sorry, no posts matched your criteria.