India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News February 11, 2026
VZM: ‘జిల్లాలో బోద వ్యాధిని పూర్తిగా నిరోధించాలి’
జిల్లాలో బోద వ్యాధిని సమూలంగా నిరోధించాలని కేంద్ర ఆరోగ్య కుటుంబ సంక్షేమ శాఖామంత్రి జె.పి.నడ్డా తెలిపారు. మంగళవారం విజయనగరం జిల్లా కలెక్టర్తో మంత్రి వీడియో కాన్ఫరెన్స్ ద్వారా మాట్లాడారు. గుర్ల మండలం బోద వ్యాధి లేని మండలంగా ఎంపిక చేసి ఈనెల 10 నుంచి 25వ తేదీ వరకు ప్రత్యేక కాంపెయిన్ నిర్వహించి అవగాహన కల్పించాలన్నారు. డీ.ఈ.సీ, ఆల్బెండజోల్ మాత్రలు ఇంటిటికీ పంపిణీ చేయాలని కోరారు.
News February 10, 2026
గిరిజన వర్శిటీని సందర్శించిన ఉత్తరాఖండ్ మీడియా బృందం
ఉత్తరాఖండ్కు చెందిన మీడియా ప్రతినిధులు విజయనగరం కేంద్ర గిరిజన విశ్వవిద్యాలయాన్ని మంగళవారం సందర్శించారు. ఈ సందర్భంగా మీడియా ప్రతినిధులు-విశ్వవిద్యాలయ అధికారుల మధ్య పరస్పర చర్చ జరిగింది. విశ్వవిద్యాలయ అకాడమిక్, పరిశోధన, గిరిజన అభివృద్ధి కార్యక్రమాలపై రిజిస్ట్రార్ ప్రొఫెసర్ జితేంద్ర మోహన్ మిశ్రా, ఇన్ఛార్జ్ వీసీ ప్రొఫెసర్ టి. శ్రీనివాసన్ వివరించారు.
News February 10, 2026
గజపతినగరం: అగ్ని ప్రమాదం.. చికిత్స పొందుతూ మృతి
గజపతినగరం మండలం కొత్త బగ్గాం గ్రామానికి చెందిన బగ్గాం శ్యామల (75) జనవరి 25న తన ఇంటి వరండాలో తులసి చెట్టు దగ్గర దీపం వెలిగించి చెట్టు చుట్టూ ప్రదక్షిణ చేస్తుండగా ప్రమాదవశాత్తు చీర అంచుకు దీపం అంటుకుని తీవ్రంగా గాయపడింది. నడుము వెనుక భాగాన, ఎడమ కాలు తొడ మీద కాలి పోవడంతో విజయనగరం గవర్నమెంట్ ఆస్పత్రిలో చేర్పించారు. అక్కడ చికిత్స పొందుతూ మంగళవారం చనిపోయినట్లు ఎస్ఐ కిరణ్ కుమార్ నాయుడు తెలిపారు.
News February 10, 2026
VZM: గృహనిర్మాణాలపై కలెక్టర్ అసంతృప్తి
జిల్లా వ్యాప్తంగా గృహ నిర్మాణాన్ని వేగవంతం చేయాలని కలెక్టర్ ఎస్.రాంసుందర్ రెడ్డి ఆదేశించారు. గృహ నిర్మాణ ప్రగతిపై ఆయన విజయనగరం కలెక్టరేట్ నుంచి మంగళవారం వీడియో కాన్ఫరెన్స్ నిర్వహించారు. ఈ రెండు వారాల్లో గ్రామీణ ప్రాంతంలో సుమారు 1374, పట్టణ ప్రాంతాల్లో 650 ఇల్లు స్టేజ్ కన్వర్షన్ చేయాలని లక్ష్యంగా నిర్ణయించినప్పటికి, పెద్దగా ప్రగతి కనిపించలేదని అసంతృప్తిని వ్యక్తం చేశారు.
News February 10, 2026
VZM: ‘ప్రాజెక్టులకు భూసేకరణ ప్రక్రియ వేగంగా పూర్తి చేయాలి’
జిల్లాలో వివిధ ప్రాజెక్టులకు చేపట్టిన భూసేకరణ ప్రక్రియను వేగంగా పూర్తి చేయాలని కలెక్టర్ ఎస్.రాంసుందర్ రెడ్డి రెవెన్యూ అధికారులను ఆదేశించారు. ప్రాజెక్టుల భూసేకరణకు సంబంధించి కలెక్టరేట్ సమావేశ మందిరంలో వివిధ శాఖల అధికారులతో మంగళవారం సమీక్ష నిర్వహించారు. తారకరామ తీర్ధసాగర్, తోటపల్లి ప్రాజెక్టులు, జాతీయ రహదారులు, తదితర ప్రాజెక్టులపై చర్చించారు.
News February 10, 2026
విజయనగరం జిల్లాలో 33 వేల ఎకరాల్లో మామిడి సాగు
విజయనగరం జిల్లాలో మామిడి పంట 33 వేల ఎకరాల్లో రైతులు సాగు చేస్తున్నారని జిల్లా ఉద్యానవన శాఖాధికారి కే.చిట్టిబాబు తెలిపారు. వాతావరణం సానుకూలంగా ఉండడంతో మంచి ఫలితాలు వచ్చాయాన్నారు. మామిడికి వచ్చే తెగులు కూడా తక్కువుగా ఉండడంతో రైతులు తగు జాగ్రత్తలు తీసుకుంటే ఆశించిన విధంగా దిగుబడి ఉంటుందన్నారు. పొగమంచు పడడంతో మామిడి పూత రాలిపోకుండా పూత రాలిన చోట మందులు పిచికారి చేయాలని సూచించారు.
News February 10, 2026
VZM: ‘సాంకేతికతను ఉపయోగిస్తూ అప్రమత్తంగా ఉండాలి’
ప్రతి ఒక్కరూ ఆధునిక పరికరాలను ఇంటర్నెట్ అనుసంధానంతో విరివిగా ఉపయోగిస్తున్నారని, దీంతో సైబర్ మోసాలకు గురికాకుండా జాగ్రత్తగా ఉండాల్సిన అవసరముందని జిల్లా రెవెన్యూ అధికారి మురళి అన్నారు. విజయనగరం కలెక్టరేట్లో NIC ఆధ్వర్యంలో సురక్షిత అంతర్జాల దినోత్సవం మంగళవారం జరిగింది. ఆన్లైన్ మోసాలకు గురికాకుండా ఉండాలంటే మొబైల్ ఫోన్లు, డెస్క్ టాప్, ల్యాప్టాప్లకు 2 అంచల భద్రత ఏర్పాటు చేసుకోవాలని ఆయన సూచించారు.
News February 10, 2026
గుర్లలో బోద వ్యాధి నివారణా కార్యక్రమాన్ని ప్రారంభించిన కలెక్టర్
గుర్ల మండలం పాలవలసలో ప్రత్యేక బోద వ్యాధి నివారణా కార్యక్రమాన్ని మంగళవారం జిల్లా కలెక్టర్ ఎస్.రాంసుందర్ రెడ్డి ప్రారంభించారు. ఈసందర్భంగా జిల్లా పరిషత్ పాఠశాలలో విద్యార్థులచేత డీఈసీ, ఆల్బెండజోల్ మాత్రలను కలెక్టర్ మింగించారు. ఈ కార్యక్రమంలో ఎంపీపీ పొట్నూరి ప్రమీల, DMHO డాక్టర్ ఎస్.జీవనరాణి, ఇతర అధికారులు పాల్గొన్నారు.
News February 10, 2026
గుర్లలో బోద వ్యాధి నివారణా కార్యక్రమాన్ని ప్రారంభించిన కలెక్టర్
గుర్ల మండలం పాలవలసలో ప్రత్యేక బోద వ్యాధి నివారణా కార్యక్రమాన్ని మంగళవారం జిల్లా కలెక్టర్ ఎస్.రాంసుందర్ రెడ్డి ప్రారంభించారు. ఈసందర్భంగా జిల్లా పరిషత్ పాఠశాలలో విద్యార్థులచేత డీఈసీ, ఆల్బెండజోల్ మాత్రలను కలెక్టర్ మింగించారు. ఈ కార్యక్రమంలో ఎంపీపీ పొట్నూరి ప్రమీల, DMHO డాక్టర్ ఎస్.జీవనరాణి, ఇతర అధికారులు పాల్గొన్నారు.
News February 10, 2026
VZM: పాము కాటుతో వ్యక్తి మృతి
సంతకవిటి మండలం సిరిపురం పంచాయతీ యాగాటిపేటకి చెందిన రైతు సిరి ఆనందరావు (50) పాము కాటుకు గురై మృతి చెందారు. కుటుంబ సభ్యుల వివరాల మేరకు.. ఆనందరావు సోమవారం తన పొలంలో మినప చేనును ఇంటికి తీసుకువస్తుండగా దారిలో పాము కాటేసింది. విషయాన్ని కుటుంబ సభ్యులకు ఫోన్లో తెలియజేయగా వారు 108కు సమాచారం ఇవ్వడంతో పొందూరు ప్రభుత్వ ఆసుపత్రి లో చేర్చారు. మార్గమధ్యలోనే ఆయన మృతి చెందినట్లు వైద్యులు నిర్ధారించారు.
Featured News
Sorry, no posts matched your criteria.