India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News October 24, 2024
కోడూరు: పెళ్లి ఇంట తీవ్ర విషాదం
కోడూరులో బుధవారం జరిగిన రోడ్డు ప్రమాదం ఓ పెళ్లి ఇంట విషాదాన్ని మిగిల్చింది. కర్నూలుకు చెందిన సిరిచందనకు తిరుపతికి చెందిన రోహిత్‌తో ఈనెల 20న వివాహం జరిగింది. తిరుపతిలో 24న రిసెప్షన్ పెట్టుకున్నారు. నిన్న కర్నూలు నుంచి తిరుపతికి కారులో బయల్దేరగా.. రైల్వేకోడూరు వద్ద తిరుపతి నుంచి కడప వైపు వస్తున్న ఎలక్ట్రిక్ బస్సు ఢీ కొట్టింది. ఈ ఘటనలో సుచిత్ర(49), ప్రేమ్ కుమార్(55), ఆయన భార్య వాసవి(45) మృతి చెందారు.
News October 24, 2024
ఈనెల 25 నుంచి జిల్లాలో పశుగణన ప్రారంభం
ఈనెల 25 నుంచి అన్నమయ్య జిల్లాలో పశుగణన ప్రారంభమవుతున్నట్లుగా, దీనికి సంబంధించిన అన్ని ప్రణాళికలు సిద్ధం చేసినట్లుగా జిల్లా కలెక్టర్ శ్రీధర్ పేర్కొన్నారు. రాయచోటిలోని తన క్యాంప్ కార్యాలయంలో కలెక్టర్ జిల్లా పశుసంవర్ధక శాఖ అధికారి గుణశేఖర్ పిళ్లైతో కలిసి పోస్టర్‌లను ప్రారంభించారు. పశుగణన భారతదేశ వ్యాప్తంగా ప్రతి ఐదు సంవత్సరాలకు ఒకసారి జరుగుతుందని అన్నారు.
News October 23, 2024
తెలంగాణ హైకోర్టులో ఎంపీ అవినాశ్‌కు చుక్కెదురు
కడప ఎంపీ వైఎస్ అవినాశ్ రెడ్డికి తెలంగాణ హైకోర్టులో చుక్కెదురైంది. వైఎస్ వివేకానందరెడ్డి హత్య కేసులో నిందితులుగా ఉన్న ఎంపీ అవినాశ్, తండ్రి భాస్కర్ రెడ్డి తమ మధ్యంతర బెయిల్ కండిషన్లను సడలించాలని కోరుతూ హైకోర్టును ఆశ్రయించారు. మధ్యంతర బెయిల్ మంజూరు చేసినప్పుడు విదేశాలకు వెళ్లవద్దని కండిషన్ పెట్టారు. కండిషన్ తొలగించామని కోరగా కోర్టు నిరాకరించింది. సీబీఐ కోర్డుకు వెళ్లామని వారికి కోర్డు సూచించింది.
News October 23, 2024
నవంబర్ 18 నుంచి అయోధ్యలో విశ్వశాంతి మహాయాగం
అయోధ్యలో శ్రీ మహానారాయణ దివ్య రుద్ర సహిత శత సహస్ర చండీ విశ్వశాంతి మహా యాగాన్ని నిర్వహిస్తున్నట్లు నిర్వహణ కమిటీ సభ్యులు తెలిపారు. ఈ యాగాన్ని నవంబర్ 18 నుంచి జనవరి 1 వరకు 45 రోజుల పాటు నిర్వహించనున్నట్లు పేర్కొన్నారు. పాల్గొనే వారు తమ పేరును నమోదు చేసుకోవాలని సూచించారు. వివరాలకు సెల్: 7780252277 సంప్రదించాలన్నారు.
News October 23, 2024
కడప: బిల్డింగ్ పైనుంచి పడి విద్యార్థి మృతి
బిల్డింగ్ పైనుంచి జారి పడి ఉమ్మడికడప జిల్లాకు చెందిన విద్యార్థి మృతి చెందిన ఘటన హైదరాబాదులో చోటుచేసుకుంది. స్థానికుల వివరాలు..HYD మాదాపూర్‌లోని నారాయణ కళాశాలలో ఇంటర్ చదువుతున్న శివకుమార్ రెడ్డి భవనం పైనుంచి కిందపడిపోయాడు. గమనించిన కళాశాల సిబ్బంది ఆసుపత్రికి తరలించగా.. అప్పటికే మృతి చెందినట్లు డాక్టర్లు ధ్రువీకరించారు. విద్యార్థి స్వస్థలం రైల్వే కోడూర్‌గా పోలీసులు గుర్తించారు.
News October 23, 2024
బస్సు ప్రమాద బాధితులను పరామర్శించిన మున్సిపల్ ఛైర్మన్
పులివెందుల పట్టణ శివారులోని డంపింగ్ యార్డ్ వద్ద బస్సు ప్రమాదం జరిగిన విషయం తెలిసిందే. ఘటనలో గాయపడి చికిత్స పొందుతున్న బాధితులను బుధవారం ఉదయం మున్సిపల్ ఛైర్మన్ వర ప్రసాద్ పరామర్శించారు. ఇదే క్రమంలో బాధితులకు మెరుగైన వైద్యం అందించాలని స్థానిక ప్రభుత్వ వైద్య సిబ్బందితో చర్చించారు. ఆయనతో పాటు పలువురు మున్సిపల్ కార్యాలయ అధికారులు పాల్గొన్నారు.
News October 23, 2024
బద్వేల్‌లో మృతురాలి కుటుంబానికి రూ.5లక్షల ఆర్థిక సాయం
బద్వేల్ ఇంటర్ విద్యార్థి విఘ్నేష్ అనే ఉన్మాది చేతిలో మరణించిన విషయం తెలిసిందే. దీంతో వారి కుటుంబానికి సీఎం రూ.5లక్షల ఆర్థిక సహాయాన్ని ప్రకటించడంతో పాటు వారి కుమారుడికి ఎన్టీఆర్ మోడల్ స్కూల్లో సీటు ప్రకటించారు. వారి కుటుంబానికి అన్ని విధాల అండగా ఉంటామని తెలిపారు. ఈ ఘటనకు సంబంధించి ఇప్పటికే నిందుడిని కఠిన శిక్షించాలని సీఎం కోరిన విషయం తెలిసిందే.
News October 23, 2024
వైఎస్ జగన్ నేటి పర్యటన వివరాలు
మాజీ ముఖ్యమంత్రి వైఎస్ జగన్ నేడు కడప జిల్లాలో పర్యటించనున్నారు. ఉదయం 11.50గంటలకు గుంటూరు నుంచి హెలికాప్టర్ ద్వారా 1 గంటలకు బద్వేల్ చేరుకుని ఉన్మాది చేతిలో బలైన దస్తగిరమ్మ కుటుంబాన్ని ఆయన పరామర్శించనున్నారు. అనంతరం మధ్యాహ్నం 2.10 గంటలకు హెలికాప్టర్ ద్వారా 2.55 గంటలకు పులివెందులలోని ఆయన నివాసానికి చేరుకుంటారు. అనంతరం వైసీపీ నాయకులు, కార్యకర్తలకు అందుబాటులో ఉంటారని వైసీపీ నేతలు తెలిపారు.
News October 23, 2024
రాజంపేట: విద్యార్థుల మధ్య ఘర్షణ.. ఒకరికి గాయాలు
రాజంపేట మండలం బోయనపల్లె శ్రీ అన్నమాచార్య ఇంజినీరింగ్ కళాశాల విద్యార్థుల మధ్య మంగళవారం ఘర్షణ జరిగినట్లు పోలీసులు తెలిపారు. బీటెక్ ఫైనల్ ఇయర్ విద్యార్థి సూర్య పై దస్తగిరి రెడ్డి, అతడి సోదరుడు, కొంతమంది విద్యార్థులు దాడి చేశారని వెల్లడించారు. విద్యార్థి సూర్యకు తీవ్ర గాయాలు కావడంతో చికిత్స నిమిత్తం రాజంపేట ప్రభుత్వ ఆసుపత్రికి తరలించారు. మన్నూరు పోలీసులు కేసు నమోదు చేసి దర్యాప్తు చేస్తున్నారు.
News October 22, 2024
విద్యార్థుల ప్రయోజనమే లక్ష్యంగా ప్రాజెక్టులు: వైవీయూ వీసీ
విద్యార్థుల భవిష్యత్ ప్రయోజనమే లక్ష్యంగా ప్రాజెక్టుల రూపకల్పన చేశామని వైవీయూ వీసీ ఆచార్య కృష్ణారెడ్డి అన్నారు. ఏపీ రాష్ట్ర ఉన్నత విద్యా మండలి మేరకు ‘సెంటర్ ఆఫ్ ఎక్సలెన్సీ’ కార్యక్రమంలో భాగంగా పలు ప్రాజెక్టుల ప్రతిపాదనల తయారుపై రిజిస్ట్రార్ ఆచార్య పద్మ, ఇతర అధ్యాపకులతో సమావేశం నిర్వహించారు. వాటివల్ల విద్యార్థులకు ఇంటర్న్ షిప్ లభిస్తుందన్నారు.
Featured News
Sorry, no posts matched your criteria.