India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News August 21, 2025
ఒంటిమిట్టలో శ్రీవారి లడ్డూల విక్రయం
ఒంటిమిట్ట శ్రీ కోదండ రామయ్య సన్నిధిలో తిరుమల శ్రీవారి దేవస్థానం ఆధ్వర్యంలో 200 శ్రీవారి లడ్డూలు భక్తులకు అందుబాటులో ఉన్నట్లు ఆలయ తనిఖీ అధికారి నవీన్ కుమార్ తెలిపారు. నేడు ఉదయం 7:30 గంటల నుంచి లడ్డూలు అందుబాటులో ఉంటాయన్నారు. ఒక్కో లడ్డూ రూ.50 చొప్పున విక్రయిస్తారన్నారు.
News August 21, 2025
కడప జిల్లాలో 16,528 హెక్టార్లలో పంటల సాగు
కడప జిల్లాలో ఖరీఫ్ సాధారణ విస్తీర్ణం 77,475 హెక్టార్లు కాగా, 16,528 హెక్టార్లలోనే పంటల సాగు జరిగింది. వరి 7,116.27, జొన్న 48.08, మొక్క జొన్న 1,843.21, రాగి 10.5, కొర్ర 11.6, బాజ్ర 710 హెక్టార్లలో సాగు చేశారు. కంది 369.8, మినుములు 1,503.09, పెసలు 11.13 హెక్టార్లలో సాగు జరిగింది. వేరుశనగ 998.88, పొద్దుతిరుగుడు 225.7, కుసుమ 43.2, సోయాబీన్ 47, చెరకు 16, ఇతర పంటలు 10 హెక్టార్లలో సాగు చేశారు.
News August 21, 2025
కడప: వినాయక విగ్రహాలకు పర్మిషన్ ఇలా.!
కడప జిల్లాలో వినాయక విగ్రహాల ఏర్పాటుకు ప్రతి ఒక్కరూ కచ్చితంగా పోలీసుల పర్మిషన్ తీసుకోవాల్సి ఉంటుంది. అది ఎలానో ఇప్పుడు చూద్దాం.
➤<
➤ఫోన్ నంబర్ టైప్ చేసి ఓటీపి ఎంటర్ చేయండి.
➤ తర్వాత అక్కడ అడిగే అన్ని వివరాలు నమోదు చేసి సబ్‌మిట్ చేయండి.
➤NOTE: అప్లికేషన్‌లో విగ్రహం సైజ్ ఎంతో చెప్పాల్సి ఉంటుంది.
➤ఇలా ముందుగానే విగ్రహాన్ని బుక్ చేసుకుని పర్మీషన్ పొందండి.
News August 20, 2025
కడప: రానున్న రోజుల్లో అన్ని మండలాల్లో సెంట్రలైజ్డ్ స్మార్ట్ కిచెన్లు
జిల్లాలోని అన్ని మండలాలలో సెంట్రలైజేడ్ స్మార్ట్ కిచెన్లు అందుబాటులోకి వస్తాయని కలెక్టర్ చెరుకూరి శ్రీధర్ అన్నారు. బుధవారం కలెక్టర్ క్యాంపు కార్యాలయంలో సెంట్రలైజేడ్ స్మార్ట్ కిచెన్ల గురించి అధికారులతో సమీక్ష చేశారు. ఇప్పటికే కడపలో ఏర్పాటుచేసిన సెంట్రలైజ్డ్ స్మార్ట్ కిచెన్ రాష్ట్రంలో ఆదర్శంగా నిలిచిందని, అదే స్ఫూర్తితో అన్ని మండల కేంద్రాలలో ఏర్పాటుకు అధికారులు త్వరితగతిన చర్యలు చేపట్టాలన్నారు.
News August 20, 2025
సెర్ప్ ద్వారా పేదరిక నిర్మూలన: కడప కలెక్టర్
కడప జిల్లాలో 25 సంవత్సరాలుగా గ్రామీణాభివృద్ధి సంస్థ (సెర్ప్) పేదరిక నిర్మూలన కోసం కృషిచేస్తోందని జిల్లా కలెక్టర్ శ్రీధర్ తెలిపారు. మంగళవారం రాత్రి DRDA సమీక్షలో..
26,965 స్వయం సహాయక సంఘాల ద్వారా 2.62 లక్షల మంది మహిళలు ఆర్థికంగా లబ్ధి పొందుతున్నారన్నారు. వివిధ రంగాల్లో జీవనోపాధి పొందుతూ సాధికారత దిశగా అడుగులేస్తున్నారని అన్నారు. అధికశాతం వ్యవసాయ అనుబంధ రంగాల్లో ఉపాధి పొందుతున్నారన్నారు.
News August 20, 2025
రైతులకు స్వయంసహాయక సంఘాలు ఉపయోగపడాలి: కలెక్టర్
గ్రామాల్లో సుస్థిర, జీవనోపాధులను నెలకొల్పేందుకు రైతులకు ఆర్థిక పరిపుష్టి చేకూర్చేలా, రైతు ఉత్పత్తి సంస్థలు స్వయంసహాయక సంఘాలను బలోపేతం చేయాలని జిల్లా కలెక్టర్ శ్రీధర్ సంబంధిత అధికారులను ఆదేశించారు. మంగళవారం రాత్రి కలెక్టరేట్‌లోని బోర్డు మీటింగ్ హాలులో గ్రామీణాభివృద్ధి, బ్యాంకింగ్, వ్యవసాయ అనుబంధ రంగాలకు చెందిన అధికారులతో కలెక్టర్ సమీక్ష నిర్వహించారు. కార్యక్రమంలో DRDA PD రాజ్యలక్ష్మి పాల్గొన్నారు.
News August 20, 2025
ప్రొద్దుటూరు సబ్ జైల్ సిబ్బందికి చార్జ్ మెమోలు.!
25 కేసుల్లో నిందితునిగా ఉన్న రిమాండ్ ఖైదీ మహమ్మద్ రఫీ ప్రొద్దుటూరు సబ్ జైలునుంచి తప్పించుకు పోవడంపై జైలు సిబ్బందికి ఉన్నతాధికారులు చార్జ్ మెమోలు జారీ చేశారు. ఖైదీ పరారీ సమయంలో విధుల్లో ఉన్న ఇన్‌ఛార్జ్ జైలు సూపరింటెండెంట్ శ్రీనివాసరావుతోపాటు మరో ఇద్దరు జైలు సిబ్బందికి చార్జ్ మెమోలు ఇచ్చారు. ఈనెల 16న పరారైన రఫీ కోసం పోలీస్ బృందాలు గాలిస్తున్నాయి. ఇప్పటివరకు ఆచూకీ లభించలేదు.
News August 20, 2025
కడప జిల్లా కలెక్టర్ హెచ్చరిక
కడప జిల్లాలో వ్యవసాయ అవసరాల నిమిత్తం ప్రభుత్వం సరఫరా చేస్తున్న యూరియాను అక్రమంగా విక్రయించడం, పరిశ్రమలకు మళ్లిస్తే వారిపై చట్టపరమైన చర్యలు తీసుకుంటామని కలెక్టర్ శ్రీధర్ హెచ్చరించారు. మంగళవారం కలెక్టర్ కార్యాలయంలో జరిగిన సమావేశంలో టెక్నికల్ గ్రేడ్ యూరియా (TGU)ని పరిశ్రమల అవసరాలకు మళ్లిస్తున్నారన్న విషయమై వ్యవసాయ, సంబంధిత శాఖల అధికారులతో సమీక్ష నిర్వహించారు. కార్యక్రమంలో JDA నాయక్ పాల్గొన్నారు.
News August 20, 2025
యూరియాను పక్కదారి పట్టిస్తే చర్యలు: కడప కలెక్టర్
జిల్లాలో వ్యవసాయ అవసరాల నిమిత్తం ప్రభుత్వం సరఫరా చేస్తున్న యూరియాను అక్రమంగా విక్రయించడం లేదా పరిశ్రమలకు మళ్లిస్తే వారిపై చట్టపరమైన చర్యలు తీసుకుంటామని కలెక్టర్ శ్రీధర్ హెచ్చరించారు. మంగళవారం కలెక్టర్ కార్యాలయంలో జరిగిన సమావేశంలో టెక్నికల్ గ్రేడ్ యూరియా (TGU)ని పరిశ్రమల అవసరాలకు మళ్లిస్తున్నారన్న విషయమై వ్యవసాయ, సంబంధిత శాఖల అధికారులతో సమీక్ష నిర్వహించారు. JDA నాయక్ పాల్గొన్నారు.
News August 19, 2025
కడప జిల్లాలో పలువురు సీఐల బదిలీ
కడప జిల్లాలో పలువురు సీఐలను బదిలీ చేస్తూ మంగళవారం కర్నూల్ రేంజ్ డీఐజి కోయ ప్రవీణ్ ఉత్తర్వులు జారీ చేశారు. కడప 2వ టౌన్‌కు సుబ్బారావు, వీఆర్‌కు గోవిందరెడ్డి, కడప SB-1కు భాస్కర్ రెడ్డి, కడప SB-2కు శివశంకర్ నాయక్, కడప SC,ST సెల్‌కు పురుషోత్తం రాజు, బద్వేలు రూరల్‌కు కృష్ణయ్య, ప్రొద్దుటూరు 3వ టౌన్‌కు వేణుగోపాల్, చింతకొమ్మదిన్నెకు నాగభూషణం, ఇంటెలిజెన్స్‌కి నాగశేఖర్‌లను బదిలీ చేశారు.
Featured News
Sorry, no posts matched your criteria.