India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 10, 2025
మీ ఇంట్లో ఏసీ, కూలర్ లేదా? ఇలా చేయండి!
సమ్మర్‌లో ఇల్లంతా వేడిగా ఉంటుంది. కొన్ని చిట్కాలు పాటిస్తే ఇంటిని కూల్‌గా ఉంచుకోవచ్చు. ఇంట్లోకి గాలి, వెలుతురు వచ్చేలా చూడాలి. వంట ఉదయం, సాయంత్రం చేసుకోవాలి. ఎలక్ట్రానిక్ వస్తువులు తక్కువగా వాడాలి. టబ్‌లో నీళ్లు పోసి, ఐస్ ముక్కలు వేసి, ఇంటి మధ్యలో పెడితే చల్లగా ఉంటుంది. ఇంటి చుట్టూ మొక్కలు, టెర్రస్‌పై కూల్ పెయింట్ వేసుకోవాలి. కిటికీలకు గడ్డితో చేసిన పరదాలు కడితే కూలర్లకంటే చల్లదనం వస్తుంది.
News April 10, 2025
జీబ్లీ స్టైల్ ఇమేజ్‌లు చేస్తున్నారా?
చాట్‌జీపీటీ జీబ్లీ స్టైల్ ఇమేజ్‌లపై పలు రాష్ట్ర ప్రభుత్వాలు ప్రజలకు హెచ్చరికలు జారీ చేశాయి. చాలా సైట్లు జీబ్లీ ఆర్ట్ డౌన్‌లోడ్ సదుపాయాన్ని కల్పిస్తున్నాయని, దీనివల్ల యూజర్ల డేటా హ్యాకర్ల చేతుల్లోకి వెళ్లిపోతుందని హెచ్చరించాయి. యూజర్ల లోకేషన్, గ్యాలరీ, మెసేజులు, ఫింగర్ ప్రింట్స్ సైతం దొంగిలించి మోసం చేస్తాయని వార్నింగ్ ఇచ్చాయి. వెరిఫైడ్ యాప్స్ మాత్రమే డౌన్‌లోడ్ చేసుకోవాలని సూచించాయి.
News April 10, 2025
రియాన్ పరాగ్ ఔటా? నాటౌటా?
GTతో మ్యాచులో RR బ్యాటర్ పరాగ్ దురదృష్టకర రీతిలో ఔటయ్యారు. ఖేజ్రోలియా వేసిన బంతిని పరాగ్ ఆడేందుకు ప్రయత్నించగా బాల్ వెళ్లి కీపర్ చేతిలో పడింది. అంపైర్ ఔట్ ఇవ్వగా, పరాగ్ రివ్యూ తీసుకున్నారు. బ్యాట్ నేలను తాకిన సమయంలోనే బ్యాటుకు బాల్ క్లోజ్‌గా కనిపించింది. స్పైక్ రావడంతో థర్డ్ అంపైర్ ఔటిచ్చారు. అయితే ఇది నాటౌట్ అని, స్పైక్ వచ్చినప్పుడు బాల్ నీడ బ్యాటుపై కనిపిస్తోందని RR ఫ్యాన్స్ అంటున్నారు.
News April 9, 2025
ఫేస్బుక్, మెసెంజర్‌లోనూ టీన్ అకౌంట్స్!
టీనేజర్ల భద్రత కోసం Instagramలో టీన్ అకౌంట్స్ ఫీచర్‌ను తీసుకొచ్చిన Meta, ఇప్పుడు దీనిని ఫేస్బుక్, మెసెంజర్‌కూ విస్తరించనుంది. తొలుత ఇది USA, UK, ఆస్ట్రేలియా, కెనడాలో అందుబాటులోకి రానున్నట్లు తెలుస్తోంది. ఈ ఫీచర్ వల్ల 13-18 ఏళ్ల వయసున్న వారి ఖాతాలు తల్లిదండ్రుల నియంత్రణలో ఉంటాయి. తాజాగా టీన్ ఖాతాలకు ఇన్‌స్టా లైవ్ వీడియోస్ చూడటం/చేయడాన్ని నిషేధించింది. అలాగే న్యూడ్ కంటెంట్‌ను ఫిల్టర్ చేస్తోంది.
News April 9, 2025
ప్రపంచంలో అత్యంత విలువైన ఎయిర్‌లైన్ కంపెనీగా ‘ఇండిగో’
ఇండియాలో అతిపెద్ద ఎయిర్‌లైన్స్ అయిన ‘ఇండిగో’ అరుదైన ఘనత సాధించింది. మార్కెట్ క్యాపిటల్ ప్రకారం ప్రపంచంలో అత్యంత విలువైన ఎయిర్‌లైన్ కంపెనీగా అవతరించింది. ఈ క్రమంలో అమెరికాకు చెందిన డెల్టా ఎయిర్‌లైన్స్‌ను ఇండిగో అధిగమించింది. ఇండిగో షేర్ ప్రైస్ ఇవాళ రూ.5,265కు చేరడంతో మార్కెట్ క్యాపిటల్ 23.24 బిలియన్ డాలర్లకు ఎగబాకింది. కాసేపటికి 23.16 బి.డా.కు తగ్గడంతో డెల్టా మళ్లీ టాప్ ప్లేసుకు వెళ్లింది.
News April 9, 2025
HSRP నంబర్ ప్లేట్లు అంటే..
*అల్యూమినియం, రెట్రో రిఫ్లెక్టివ్ షీట్లు ఉపయోగించి నాన్-టాంపరబుల్ డిజైన్‌లో రూపొందిస్తారు. ఎక్కువ రోజులు నాణ్యంగా ఉంటాయి.
*దొంగిలించినా ఈజీగా వాహనాలను ట్రాక్ చేయవచ్చు.
*రాత్రిపూట కాంతిని ప్రతిబింబిస్తాయి కాబట్టి రోడ్డు భద్రతలో సహాయపడుతుంది.
*ఇందులోని రేడియో ఫ్రీక్వెన్సీ ఐడెంటిఫికేషన్ (RFID) చిప్‌లో వాహన సమాచారం స్టోర్ అవుతుంది. దీని ద్వారా నంబర్ ప్లేట్‌ను ఈజీగా స్కాన్ చేయవచ్చు.
News April 9, 2025
YS జగన్‌పై కేంద్రానికి టీడీపీ ఎంపీ ఫిర్యాదు
AP: మాజీ సీఎం జగన్ తీరు ప్రజాస్వామ్యానికి హానికరంగా మారిందని TDP MP లావు శ్రీకృష్ణ దేవరాయలు కేంద్ర హోంమంత్రి అమిత్ షాకు లేఖ రాశారు. ‘జగన్ ప్రసంగాలు శాంతి భద్రతలకు ముప్పు కలిగించేలా ఉన్నాయి. పర్యటనల పేరిట విధ్వంసాలు సృష్టించాలని చూస్తున్నారు. పోలీసుల నైతికతను దెబ్బతీసేలా మాట్లాడుతున్నారు. బెయిల్‌పై ఉన్న ఆయన వ్యవస్థలను బెదిరించేలా వ్యవహరించడం బెయిల్ షరతులను ఉల్లంఘించడమే’ అని లేఖలో పేర్కొన్నారు.
News April 9, 2025
వాహనదారులకు BIG ALERT
తెలంగాణలో ఏప్రిల్ 1, 2019కి ముందు రిజిస్టర్ అయిన అన్ని వాహనాలకు కచ్చితంగా హై సెక్యూరిటీ రిజిస్ట్రేషన్ ప్లేట్స్ (HSRP) అమర్చాలని రాష్ట్రప్రభుత్వం ఆదేశించింది. ఇందుకు SEP 30, 2025ని డెడ్‌లైన్‌గా విధించింది. యజమానులు www.siam.in/లో అప్లై చేసుకోవాలని సూచించింది. టూ వీలర్స్ రూ.320-రూ.380, త్రీ వీలర్స్ రూ.350-రూ.450, ఫోర్ వీలర్స్‌కు రూ.590-రూ.700, కమర్షియల్ వాహనాలకు రూ.600-రూ.800 చెల్లించాలి.
News April 9, 2025
GT భారీ స్కోర్.. RR టార్గెట్ ఎంతంటే?
IPL: రాజస్థాన్ రాయల్స్‌తో మ్యాచులో తొలుత బ్యాటింగ్ చేసిన గుజరాత్ టైటాన్స్ 217-6 స్కోర్ చేసింది. సాయి సుదర్శన్ (82) పరుగులతో రాణించగా, బట్లర్ (36), షారుఖ్ (36) ఫర్వాలేదనిపించారు. RR బౌలర్లలో తీక్షణ, తుషార్ దేశ్‌పాండే చెరో 2 వికెట్లు తీయగా, ఆర్చర్, సందీప్ శర్మ తలో వికెట్ పడగొట్టారు. ఈ మ్యాచులో రాజస్థాన్ గెలవాలంటే 20 ఓవర్లలో 218 రన్స్ చేయాలి.
News April 9, 2025
పిడుగులు పడి 13మంది మృతి
బిహార్‌లో పిడుగుపాటుకు గురై వేర్వేరు జిల్లాల్లో 13మంది మృతిచెందారు. రాష్ట్రంలో వాతావరణ పరిస్థితులు ఒక్కసారిగా మారిపోయి ఉరుములు, మెరుపులతో కూడిన భారీ వర్షాలు కురిశాయి. మధుబనీ జిల్లాలో పొలంలో పనిచేస్తున్న వారిపై పిడుగుపడటంతో తండ్రి, కుమార్తె అక్కడికక్కడే మృతిచెందారు. మెుత్తంగా 4 జిల్లాల్లో పిడుగుల కారణంగా 13మంది ప్రాణాలు కోల్పోయారు. వీరికి ప్రభుత్వం రూ.4 లక్షల చొప్పున ఎక్స్‌గ్రేషియా ప్రకటించింది.
Featured News
Sorry, no posts matched your criteria.