India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 24, 2024
నేడు న్యూజిలాండ్‌తో తొలి వన్డే
న్యూజిలాండ్‌తో మూడు వన్డేల సిరీస్‌లో భాగంగా భారత మహిళల జట్టు నేడు తొలి వన్డే ఆడనుంది. మ్యాచ్ అహ్మదాబాద్‌లో మ.1.30గం.కు ప్రారంభమవుతుంది. T20 వరల్డ్ కప్ గెలిచి జోరుమీదున్న న్యూజిలాండ్‌ను ఎదుర్కోవడం భారత్‌కు సవాల్‌తో కూడుకున్న పనే. అటు భారీ అంచనాలతో బరిలోకి దిగిన హర్మన్ సేన పేలవమైన ప్రదర్శనతో సెమీస్ కూడా చేరకుండా ఇంటికి వచ్చిన విషయం తెలిసిందే. మరి ఇప్పుడు కివీస్‌ను భారత్ ఎలా నిలువరిస్తుందో చూడాలి.
News October 24, 2024
రేపటి నుంచి అమెరికా పర్యటనకు లోకేశ్
AP: రాష్ట్రానికి పెట్టుబడులు ఆకర్షించేందుకు గాను మంత్రి నారా లోకేశ్ అమెరికా పర్యటనకు వెళ్లనున్నారు. రేపటి నుంచి నవంబర్ 1వరకు ఆయన అగ్రరాజ్యంలో పర్యటిస్తారు. ఇందులో భాగంగా గూగుల్, మైక్రోసాఫ్ట్, అమెజాన్, ఒరాకిల్, సేల్స్‌ఫోర్స్, పెప్సికో వంటి దిగ్గజ ఐటీ కంపెనీల ప్రతినిధులతో ఆయన సమావేశమవుతారు. రాష్ట్రంలో పెట్టుబడులు పెట్టేందుకు గల అవకాశాలను వారికి వివరించనున్నారు.
News October 24, 2024
కరెంట్ ఛార్జీల పెంపుపై కీలక ప్రకటన
TG: రాష్ట్రంలో సామాన్యులపై కరెంట్ ఛార్జీలు పెంచబోమని డిస్కం సీఎండీ ముషారఫ్ స్పష్టం చేశారు. హైటెన్షన్ ఇండస్ట్రియల్ వినియోగదారులపై కూడా ఛార్జీల భారం పడదని చెప్పారు. నెలకు 300 యూనిట్లకు పైగా వినియోగదారులకు ఫిక్స్‌డ్ ఛార్జీల రూపంలో రూ.50 పెంపు కోసం ప్రతిపాదించామని తెలిపారు. రాష్ట్రంలో విద్యుత్ ఛార్జీలు పెరగబోతున్నాయంటూ ప్రచారం జరుగుతున్న నేపథ్యంలో ముషారఫ్ ఇలా స్పందించారు.
News October 24, 2024
శ్రీశైలం వెళ్లే భక్తులకు గమనిక
AP: కార్తీక మాసోత్సవాల సందర్భంగా శ్రీశైలం దేవస్థానం కీలక నిర్ణయం తీసుకుంది. కార్తీక శని, ఆది, సోమ, పౌర్ణమి, ఏకాదశి రోజులలో సామూహిక, గర్భాలయ అభిషేకాలు, స్పర్శ దర్శనాలను రద్దు చేసింది. ఆయా రోజులలో స్వామివారి అలంకార దర్శనానికే అనుమతిచ్చింది. సాధారణ రోజులలో అభిషేకాలు, స్పర్శ దర్శనాలు మూడు విడతలుగా అందుబాటులో ఉండనున్నాయి. కాగా నవంబర్ 2 నుంచి డిసెంబర్ 1 వరకు శ్రీశైలంలో కార్తీక మాసోత్సవాలు జరగనున్నాయి.
News October 24, 2024
ALERT: భారీ వర్షాలు
AP: తూర్పు, మధ్య బంగాళాఖాతంలో ఏర్పడిన ‘దానా’ తుఫాన్ ఏ క్షణమైనా తీవ్ర తుఫాన్‌గా బలపడే అవకావం ఉందని IMD తెలిపింది. దీని ప్రభావంతో ఇవాళ, రేపు ఉత్తరాంధ్రలోని పలు ప్రాంతాల్లో భారీ వర్షాలు కురిసే అవకాశం ఉందని అమరావతి వాతావరణ కేంద్రం వెల్లడించింది. శ్రీకాకుళం, విజయనగరం, మన్యం, అల్లూరి, విశాఖ, అన్నమయ్య, చిత్తూరు, తిరుపతి జిల్లాల్లోని కొన్ని ప్రాంతాల్లో తేలికపాటి నుంచి మోస్తరు వానలు పడతాయని పేర్కొంది.
News October 24, 2024
షర్మిలను బెదిరిస్తున్న సైకో జగన్: TDP
AP: చెల్లి రాజకీయాల్లో ఉంటే సైకో జగన్ తట్టుకోలేకపోతున్నారని TDP విమర్శించింది. రాజకీయాల నుంచి తప్పుకుంటేనే ఆస్తులు రాసిస్తానని షర్మిలను బెదిరిస్తున్నారని ఆరోపించింది. ‘రాజకీయంగా నాకు అడ్డు రాకు. అప్పుడే ఆస్తులు రాసిస్తా. నన్ను ఇబ్బందులు పెడుతుంటే నీకు ఆస్తులు ఎందుకు ఇవ్వాలి? సరస్వతి సిమెంట్స్ షేర్స్ తిరిగి ఇచ్చేయండి. అమ్మపై, నీపై కేసు వేస్తున్నా’ అని షర్మిలకు జగన్ లేఖ రాశారని ట్వీట్ చేసింది.
News October 24, 2024
ఈవినింగ్ టైం బీటెక్.. గుడ్‌న్యూస్ చెప్పిన JNTUH
TG: పాలిటెక్నిక్ డిప్లమా పూర్తి చేసి ప్రభుత్వ, ప్రైవేట్ పరిశ్రమల్లో పని చేస్తున్న వారికి JNTUH గుడ్ న్యూస్ చెప్పింది. సాయంత్రం వేళ బీటెక్ చదువుకోవాలి అనుకునే వారికి JNTUHతో పాటు మరో 8 కాలేజీలకు అనుమతిచ్చింది. త్వరలో స్పాట్ ప్రవేశాలకు నోటిఫికేషన్ ఇవ్వనుంది. కోర్సు కాలపరిమితి మూడేళ్లు కాగా ఒక్కో విభాగంలో 30 సీట్లు ఉంటాయి. పని చేస్తున్న సంస్థ కాలేజీకి 75km పరిధిలో ఉండాలి. ఏడాది పని అనుభవం తప్పనిసరి.
News October 24, 2024
బాస్మతియేతర బియ్యంపై ఎంఈపీ తొలగింపు
బాస్మతీయేతర బియ్యం ఎగుమతులను ప్రోత్సహించేందుకు గాను గతంలో నిర్దేశించిన కనీస ఎగుమతి ధరను కేంద్రం తొలగించింది. గత నెలలో ఈ బియ్యం ఎగుమతులపై ఆంక్షలను కేంద్రం ఎత్తివేసింది. టన్నుకు 490 డాలర్ల కనీస ఎగుమతి ధరను(MEP) నిర్ణయించింది. తాజాగా దానిని తొలగిస్తూ ఉత్తర్వులు జారీ చేసింది. కాగా దేశంలో ఈ బియ్యం నిల్వలు పరిమితంగా ఉండటంతో గతేడాది జులై 20న వీటి ఎగుమతులపై కేంద్రం ఆంక్షలు విధించిన సంగతి తెలిసిందే.
News October 24, 2024
అందుకే షర్మిలపై జగన్ పిటిషన్: YCP
AP: ఆస్తుల విషయంలో చెల్లికి మంచి చేయబోయి జగన్ ఇబ్బందులు ఎదుర్కొంటున్నారని YCP తెలిపింది. ‘సరస్వతి పవర్ విషయంలో లీగల్ సమస్యలున్నాయి. కేసులు తేలాక ఆస్తులు ఇస్తానని MoU రాసిచ్చారు. కానీ చట్ట విరుద్ధంగా <<14429978>>షేర్లు <<>>బదిలీ చేయడమే సమస్యకు కారణమైంది. ఇది జగన్ బెయిల్ రద్దుకు పరిస్థితులు సృష్టించడం కాదా? గత్యంతరం లేక లీగల్ స్టెప్‌ తీసుకున్నారు. జగన్ పదేళ్లలో రూ.200Cr షర్మిలకు ఇచ్చారు’ అని తెలిపింది.
News October 24, 2024
IND Vs NZ.. రసవత్తర పోరుకు సిద్ధం
భారత్, న్యూజిలాండ్ మధ్య నేడు రెండో టెస్ట్‌కు రంగం సిద్ధమైంది. పుణే వేదికగా ఉదయం 9.30 గంటలకు మ్యాచ్ ప్రారంభం కానుంది. తొలి టెస్టులో ప్రతికూల పిచ్‌తో ఓటమి పాలైన భారత్ బదులు తీర్చుకోవాలని పట్టుదలగా ఉంది. పూర్తిగా స్పిన్‌కు అనుకూలించే పిచ్ రూపొందించింది. బ్యాటింగ్‌లో గిల్ రాకతో ఎవరిని తప్పిస్తారనేది ప్రశ్నార్థకం. సిరాజ్‌కు బదులు ఆకాశ్‌దీప్‌ను తీసుకునే అవకాశముంది. మ్యాచ్‌కు వర్షం ముప్పు లేదు.
Featured News
Sorry, no posts matched your criteria.